தோசை வகைகள் - கேழ்வரகு முருங்கை இலை அடை!

**krishnaamma** · **krishnaamma** Wed May 29, 2013 11:42 am

First topic message reminder :

தோசை............இது பிடிக்காதவாளே இருக்க மாட்டா என்பது என் எண்ணம் புன்னகை

இந்த திரி இல் பல வித தோசைகளை பார்ப்போம். தோசை என்பது அரைத்து செய்வது மட்டும் அல்லாது ரவா தோசை, மைதா தோசை போல கரைத்தும் செய்யப்படுகிறது. மேலும் அடை போல கனமாக காரமாகவும் வார்க்கிறோம். இலுப்ப சட்டிகளில் வார்க்கப்படும் ஆப்பம் மற்றும் தவலைகளில் வார்க்கப்படும் தவலை தோசைகளும் தோசை பிரிவில் அடக்கம்.

வெல்ல தோசைகளும் , தேங்காய் தோசைகளும், வெங்காய தோசைகளும், மசால் தோசைகளும் இதில் அடக்கம் புன்னகை

தோசை வகைகள் - கேழ்வரகு முருங்கை இலை அடை! - Page 2 RgBcG1FsQFS9iFQZhs9q+IMG-20150103-WA0008

மேலும் தோசைகள் எண்ணெய், நெய், வெண்ணெய் மற்றும் எண்ணெய் மற்றும் நெய் கலவை போன்றவற்றால் செய்யப்படுகிறது. எண்ணையே விடாமல் துடைத்து வார்க்கும் தோசைகளும் உண்டு. மூடி வைத்து வார்க்கும் தோசைகளும் உண்டு.
நான் இவை எல்லாவற்றுக்கான குறிப்புகளை இங்கே போடுகிறேன் உங்கள் பார்வைக்காக புன்னகை

**ராஜா** · **ராஜா** Wed May 29, 2013 12:33 pm

தொடருங்கள் அக்கா ,

**krishnaamma** · **krishnaamma** Wed May 29, 2013 1:07 pm

ராஜா wrote: தொடருங்கள் அக்கா ,

நன்றி ராஜா புன்னகை

.
.
.
இது பேர் தான் " பிள்ளையையும் கிள்ளி விட்டுவிட்டு தொட்டிலும் ஆட்டுவதா? "

சும்மா கலாட்டாதான் ராஜா புன்னகை

saranya karnan · saranya karnan Wed May 29, 2013 1:08 pm

**ராஜா** · **ராஜா** Wed May 29, 2013 1:11 pm

krishnaamma wrote:இது பேர் தான் " பிள்ளையையும் கிள்ளி விட்டுவிட்டு தொட்டிலும் ஆட்டுவதா? "
சும்மா கலாட்டாதான் ராஜா

உங்க ரெசிபி என்றுமே top தான் அக்கா , சும்மா தமாஸ் பண்ணினேன்

**krishnaamma** · **krishnaamma** Wed May 29, 2013 1:15 pm

ராஜா wrote:
krishnaamma wrote:இது பேர் தான் " பிள்ளையையும் கிள்ளி விட்டுவிட்டு தொட்டிலும் ஆட்டுவதா? "
சும்மா கலாட்டாதான் ராஜா
உங்க ரெசிபி என்றுமே top தான் அக்கா , சும்மா தமாஸ் பண்ணினேன்

தெரியும் ராஜா, நானும் கலாட்டக்கு தான் சொன்னேன் புன்னகை

அங்கு படித்த பிறகு அதற்கு பதில் போடவே டைம் சரியாக இருக்கு, இன்னும் தோசை ரெசிப் அடிக்கவேயில்லை புன்னகை

**krishnaamma** · **krishnaamma** Wed May 29, 2013 1:52 pm

சிலருக்கு ரொம்ப 'மொரு மொரு'பான தோசை பிடிக்கும் அவர்களுக்கானது இது புன்னகை

தேவையானவை :

2 1/2 கப் அரிசி
1 / 2 கப் ஜவ்வரிசி
1 / 4 கப் உளுத்தம் பருப்பு
1 ஸ்பூன் வெந்தயம்
உப்பு
எண்ணெய்

செய்முறை :

அரிசி , ஜவ்வரிசி மற்றும் உளுத்தம் பருப்பை தனித்தனியாக ஊறவைக்ணும்.
3 மணி நேரம் கழித்து தனித்தனியாக அரைக்கவும் .
பிறகு உப்பு சேர்க்கவும்.
அடுத்த நாள் அல்லது 12 மணி நேரம் கழித்து தோசை வார்க்கலாம்.
தோசைக்கல்லில் மெல்லியதாக வார்க்கவும்.
இந்த மாவில் வார்த்தால் ஹோட்டலில் கிடைப்பது போல நல்ல 'கிறிஸ்ப் ' தோசையாக வார்க்கலாம்.
முயன்று பாருங்கள் புன்னகை

**krishnaamma** · **krishnaamma** Wed May 29, 2013 2:05 pm

இந்த அவல் தோசை இன் ஸ்பெசாலிட்டி என்ன வென்றால் பேப்பர் ரோஸ்ட் போலவும் வார்க்கலாம் 'மெத் மெத்' என்றும் வார்க்கலாம் புன்னகை

இப்போது அந்த ரெசிப் பார்ப்போம் .

தேவையானவை :

அரிசி 4 கப்
உளுத்தம் பருப்பு 1 கப்
அவல் 1 - 1 1 / 2 கப்
உப்பு
எண்ணெய் தேவையான அளவு

செய்முறை :

அரிசி மற்றும் உளுத்தம் பருப்பை தனி தனியாக ஒரு பாத்திரத்தில் போட்டு, 2 முதல் 3 மணி நேரம் நன்றாக ஊறவைக்கணும்.
பிறகு அவற்றை mixie அல்லது grinder இல் தனி தனியாக அரைக்கவும்.
அரைப்பதற்கு முன்பு, அவலை நன்றாக அலசி, பிழிந்து ஒரு வடிதட்டில் போட்டு, தண்ணீர் வடியும் படி வைக்கவும்.
பிறகு இரண்டு மாவையும் ஓன்றாக கலக்கி உப்பு சேர்க்கவும்.
பிறகு ஊறவைத்த அவலை மாவுடன் சேர்க்கவும்.
மாவு ஒரு நாள் இரவு முழுவதும் அல்லது குறைந்த பக்ஷம் 8 மணி நேரமாவது அப்படியே இருக்கணும்.
பிறகு மாவு புளித்து மேல பொங்கி வரும் .
இப்பொழுது மாவை கொண்டு பேப்பர் ரோஸ்ட் போல் மெல்லிசான தோசை வார்க்கலாம் அல்லது நல்ல தடிமனான , ஸ்பாஞ் போல தோசை வார்க்கலாம்.
சூடான தோசையை சட்னி அல்லது தோசை மிளகாய் பொடியுடன் சாப்பிடலாம்.

குறிப்பு :தடிமனான அவல் உபயோகித்தால் ஒரு கப் எடுத்து கொள்ளவும் அல்லது மெல்லிய அவல் என்றால் 1 1/2 போதுமானது.

**krishnaamma** · **krishnaamma** Wed May 29, 2013 2:24 pm

தேவையானவை :

தோசை மாவு 1 கப்

மசாலா :

பனீர் 1 கப் துருவியது
சீரகம் 1 ஸ்பூன் பொடிக்கவும்
மிளகு 1 ஸ்பூன் பொடிக்கவும்.
தோசை வார்க்க எண்ணெய் மற்றும் நெய் கலந்து வைத்துக்கொள்ளுங்கள்.

செய்முறை :

அடுப்பில் தோசைகல்லை போட்டு மெல்லியதாக தோசை வார்க்கவும்.
கலந்து தயாராய் வைத்துள்ள எண்ணெய் மற்றும் நெய் யை விடவும்.
பிறகு அடுப்பை சின்னதாக்கி விட்டு , மசாலாவை ஒரு ஸ்பூன் எடுத்து தோசை இல் தடவவும்.
பிறகு அதை மடித்து பரிமாறவும்.
இதற்கு தேங்காய் சட்னி, சாம்பார் எல்லாமே நல்லா இருக்கும்.

குறிப்பு: வேண்டுமானால்,மாவில் மசாலாவை கலந்தும் அப்படியே வார்த்து சாப்பிடலாம்

**krishnaamma** · **krishnaamma** Wed May 29, 2013 2:28 pm

saranya karnan wrote:

நன்றி சரண்யா புன்னகை

**krishnaamma** · **krishnaamma** Wed May 29, 2013 2:37 pm

தேவையானவை :

தோசை மாவு 1 கப்
வெங்காயம் 2 - 3 மிகவும்பொடியாக நறுக்கவும்
பச்சைமிளகாய் 4 -5 (பொடியாக நறுக்கவும் )
கொத்துமல்லி கொஞ்சம்
சீரகம் 1 டேபிள் ஸ்பூன்
தோசை வார்க்க எண்ணெய் மற்றும் நெய் கலந்து வைத்துக்கொள்ளுங்கள்.

செய்முறை :

மாவில் எல்லா பொருட்களையும் போட்டு நன்கு கலக்கவும்.
அடுப்பில் தோசைகல்லை போட்டு கொஞ்சம் கனமாக தோசை வார்க்கவும்.
கலந்து தயாராய் வைத்துள்ள எண்ணெய் மற்றும் நெய்யை விடுங்கோ.
நல்லா வெந்ததும் திருப்பி போடுங்கோ.
மீண்டும் கொஞ்சம் எண்ணெய் விடுங்கோ.
கல்லிலிருந்து எடுத்து பறிமாருங்கோ.
தொட்டுக்க எதுவுமே வேண்டாம்; அப்படியே சாப்பிடலாம்.
'மெத்' என்கிற ஊத்தப்பம் ரெடி.

குறிப்பு: ஓரம் கரகரப்பாக வரணும் என்று விரும்புபவர்கள், மாவுடன் கொஞ்சம் அரிசி மாவு சேர்க்கவும். 1 கப் தோச மாவு என்றால் 2 - 3 டேபிள் ஸ்பூன் அரிசி மாவு சேர்க்கலாம். பொதுவாக தோசை மாவு கொஞ்சம் புளித்ததும் இப்படி ஊத்தப்பம் செய்வது வழக்கம். வேண்டுமானால் ப்ரெஷ் மாவிலும் கூட இப்படி ஊத்தப்பம் செய்யலாம்

Sponsored content · Sponsored content

தோசை வகைகள் - கேழ்வரகு முருங்கை இலை அடை!

தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

Re: தோசை வகைகள் - கேழ்வரகு முருங்கை இலை அடை!

'க்ரிஸ்ப் ' தோசை

அவல் (போஹா ) தோசை

பனீர் ஸ்பைசி தோசை

Re: தோசை வகைகள் - கேழ்வரகு முருங்கை இலை அடை!

ஊத்தப்பம் - வெங்காய ஊத்தப்பம்

Re: தோசை வகைகள் - கேழ்வரகு முருங்கை இலை அடை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக