Latest topics

கடலூரில் 5 ஆம்புலன்ஸ்கள் அடுத்தடுத்து எரிந்து சாம்பல்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

கடலூரில் 5 ஆம்புலன்ஸ்கள் அடுத்தடுத்து எரிந்து சாம்பல்

Post by Admin Fri Feb 13, 2009 10:53 pm

கடலூர் அரசு மருத்துவமனையின் வலது புறம் உள்ள ஆம்புலன்ஸ்
நிறுத்துமிடத்தில் இருந்து, புகை வந்தது. அதை பார்த்த ஆம்புலன்ஸ் டிரைவர்
செல்வராஜ், அருகிலிருந்தவர்களை அழைத்து வருவதற்குள், தமிழக அரசு
சமீபத்தில் வழங்கிய, 10 லட்சம் ரூபாய் மதிப்புள்ள "ஏசி' ஆம்புலன்ஸ்
தீப்பற்றி எரியத் துவங்கியது. பொது மக்கள், தீயை தண்ணீர் ஊற்றி அணைக்க
முயன்றனர்.

தீயணைப்பு வீரர்கள் தீயை அணைத்துக் கொண்டிருந்த போது, அருகில்
நின்றிருந்த நான்கு ஆம்புலன்ஸ்களிலும் தீப்பிடித்தது.தீயணைப்புத்
துறையினர் தீயை அணைத்துக் கொண்டிந்த போது, ஆம்புலன்சில் இருந்த சிலிண்டர்
வெடித்தது. வேடிக்கை பார்த்துக் கொண்டிருந்த கூட்டம் சிதறி ஓடியதால்,
பதட்டம் ஏற்பட்டது. அருகில் நிறுத்தியிருந்த நான்கு ஆம்புலன்ஸ்களும் அதிக
சேதமின்றி அப்புறப்படுத்தப்பட்டன. "ஏசி'யுடன் அனைத்து வசதிகளும் கொண்ட
புதிய ஆம்புலன்ஸ் முற்றிலும் எரிந்து சேதமடைந்தது.

நான்கு ஆம்புலன்ஸ்களின்
வெளிப்புறங்களின் பெயின்ட்கள் தீயில் உருகி சேதமடைந்தன. இவற்றின் மதிப்பு
ஐந்து லட்ச ரூபாய்.ஆம்புலன்சின் டயர் பகுதியில் இருந்து தீ பரவியதாக
நேரில் பார்த்தவர்கள் கூறினர். மர்ம நபர்கள் யாராவது தீ வைத்தனரா என்ற
கோணத்தில் போலீசார் விசாரிக்கின்றனர்.

Admin: தலைமை நடத்துனர்; பதிவுகள் : 2975
இணைந்தது : 23/09/2008