மாவோயிஸ்ட்களிடம் நாடு அடிபணியாது: சத்தீஸ்கரில் பிரதமர் ஆவேசம்

**சிவா** · **சிவா** Sun May 26, 2013 4:28 pm

ராய்ப்பூர்: சத்தீஸ்கரில், மாவோயிஸ்ட்கள் தாக்குதலில் காயமடைந்த காங்கிரஸ் கட்சியினரை சந்தித்து ஆறுதல் கூறிய பிரதமர் மன்மோகன் சிங், மாவோயிஸ்டகள் முன்பு நாடு அடிபணியாது என ஆவேசமாக கூறினார்.

சத்தீஸ்கர் மாநிலம் சுக்மா மாவட்டம் தார்பாகாட் என்ற இடத்தில் மாநிலத்தை ஆளும் பா.ஜ.,அரசுக்கு எதிராக நடந்த பேரணியில் கலந்து கொண்ட காங்கிரஸ்கட்சியினர் மீது மாவோயிஸ்ட்கள் திடீரென சுற்றி வளைத்து தாக்குதல் நடத்தினர். இந்த சம்பவத்தில் காங்கிரஸ் கட்சியின் மகேந்திரகர்மா, முன்னாள் எம்.எல்.ஏ., உதயா, நந்தகுமார் படேல், அவரது மகன் உமேஷ் உள்ளிட்ட 25 பேர் பலியானார்கள். காங்கிரஸ் மூத்த தலைவர் வி.சி. சுக்லா படுகாயமடைந்து டில்லி கொண்டு செல்லப்பட்டு அங்கு சிகிச்சை பெற்று வருகிறார்.சம்பவத்தை தொடர்ந்து அந்த பகுதியில் பாதுகாப்பு படையினர் அதிகளவில் குவிக்கப்பட்டனர். இந்த சம்பவத்திற்கு பிரதமர், காங்கிரஸ் தலைவர் சோனியா, ராகுல் ஆகியோர் கண்டனம் தெரிவித்திருந்தனர். சம்பவத்தில் காயமடைந்தவர்களை சந்தித்து ஆறுதல் கூறி பிரதமர் மன்மோகன் சிங், காங்கிரஸ் தலைவர் சோனியா ஆகியோர் ராய்ப்பூர் வந்தனர். சத்தீஸ்கரில் உள்ள காங்கிரஸ் அலுவலகத்துக்கு சென்ற கட்சியினரை சந்தித்தனர்.

பிரதமர் ஆவேசம்:

காயமடைந்தவர்களை சந்தித்த பின்னர் பிரதமர் மன்மோகன் சிங் கூறியதாவது: மாவோயிஸ்ட்களிடம் நாடு ஒரு போதும் அடிபணியாது. இந்த சம்பவம் பயங்கரவாதிகளுக்கு எதிராக வலிமையாக போராட வேண்டும் என்ற எண்ணத்தை ஏற்படுத்தியுள்ளது. இந்த சம்பவத்தில் ஈடுபட்டவர்களை பிடித்து நீதிமுன் நிறுத்த அரசு உறுதி பூண்டுள்ளது. தாக்குதல் சம்பவத்தில் ஈடுபட்டவர்கள், இந்த பகுதியின் அமைதி மற்றும் வளர்ச்சிக்கு எதிராக செயல்பட்டுள்ளனர் என கூறினார்.

சோனியா பாராட்டு:

காயமடைந்து மருத்துவமனையில் சிகிச்சை பெற்று வருபவர்களை சந்தித்த பின்னர் காங்கிரஸ் தலைவர் சோனியா கூறுகையில், மாவோயிஸ்ட்கள் மீதான தாக்குதல், காங்கிரஸ் கட்சியினர் மீதான தாக்குதல் இல்லை. ஜனநாயகத்தின் மீதான தாக்குதல். பல இன்னல்களுக்கு பின்னர், மாவோயிஸ்ட்களின் தாக்குதலை எதிர்கொண்டு துணிச்சலாக வந்த காங்கிரஸ் கட்சியினரை பாராட்டுகிறேன். இது மாவோயிஸ்ட்களின் கோழைத்தனமான செயல். இந்த தாக்குதல் சம்பவம் நமக்கு விடப்பட்ட சவால் என கூறினார்.

ராகுல் கண்டனம்:

காயமடைந்தவர்களுக்கு ஆறுதல் கூறிய பின், காங்., அலுவலகத்தில் பத்திரிகையாளர்களுக்கு பேட்டியளித்த காங்கிரஸ் துணைத்தலைவர் ராகுல் கூறியதாவது: இந்த தாக்குதல் காங்கிரஸ் கட்சியினர் மீதான தாக்குதல் அல்ல. ஜனநாயகத்தின் மீதான தாக்குதல். இதனை கண்டு நாங்கள் பயப்பட மாட்டோம் என கூறினார்.

நிவாரண நிதி அறிவிப்பு:

மாவோயிஸ்ட்களின் தாக்குதலில் மரணமடைந்தவர்களின் குடும்பங்களுக்கு, தேசிய நிவாரண நிதியிலிருந்து தலா 5 லட்ச ரூபாய் வழங்கப்படும் என்றும், காயமடைந்தவர்களின் குடும்பங்களுக்கு தலா ரூ.50 ஆயிரம் வழங்கப்படும் என பிரதமர் மன்மோகன் சிங் கூறினார்.

சத்தீஸ்கரில் பந்த்:

மாவோயிஸ்ட்களின் தாக்குதலுக்கு அனைத்து கட்சியினரும் கண்டனம் தெரிவித்துள்ளனர். மாவோயிஸ்ட்களின் தாக்குதல் சம்பவங்களுக்கு எதிர்ப்பு தெரிவித்து இன்று மாநிலத்தில் பந்த் நடந்து வருகிறது. இதனையடுத்து கடைகள் அனைத்தும் அடைக்கப்பட்டுள்ளன. பஸ், ஆட்டோக்கள் ஓடவில்லை. ஆங்காங்கே காங்கிரஸ்கட்சியினர் ஆர்ப்பாட்டம் நடத்தி வருகின்றனர்.

அத்வானி ஆறுதல்:

டில்லியில் மருத்துவமனையில் சிகிச்சை பெற்று வரும் வி.சி.சுக்லாவை, பா.ஜ.,மூத்த தலைவர் அத்வானி நேரில் சந்தித்து ஆறுதல் கூறினார். அவரது உடல்நிலை குறித்து கேட்டறிந்தார். பின்னர் அவர், இந்த சம்பவம் கண்டனத்திற்க்குரியது. இது தொடர்பாக பிரதமர் மன்மோகன் சிங்கிடம் பேசியுள்ளதாகவும் கூறினார்.மாவோயிஸ்ட்கள் தாக்குதல் சம்பவம் தொடர்பாக நீதி விசாரணைக்கு மாநில அரசு உத்தரவிட்டுள்ளது.

தினமலர்

balakarthik · balakarthik Sun May 26, 2013 4:33 pm

இவருக்கு கோவம்லாம் வருமா சரி நீதி விசாரணைக்கு உத்தரவிட்டு என்னா நடக்கபோகுது சிரி

யினியவன் · யினியவன் Sun May 26, 2013 4:36 pm

இவரு ஆவேசம் ஆனாரா?

நாடே பரவசம் ஆயிடுச்சுங்கோ!!!

balakarthik · balakarthik Sun May 26, 2013 4:39 pm

யினியவன் wrote:இவரு ஆவேசம் ஆனாரா?

நாடே பரவசம் ஆயிடுச்சுங்கோ!!!

ஆமாம் ஆவேசம் ஆவாரு மாவோயிஸ்ட் , விடுதலை புலிகள்னா ஆவேசம் ஆவாரு இதே சீனா , பாகிஸ்தான் , இலங்கை செஞ்சா ஜிப்பு போட்டு எல்லாத்தையும் மூடிப்பாறு

யினியவன் · யினியவன் Sun May 26, 2013 4:42 pm

சரியான பலவேசம் இவரு ரொம்ப மோசம்
இவரு இருக்கற வர நம்ம நாடே மோசம்

balakarthik · balakarthik Sun May 26, 2013 4:44 pm

யினியவன் wrote:சரியான பலவேசம் இவரு ரொம்ப மோசம்
இவரு இருக்கற வர நம்ம நாடே மோசம்

எல்லாம் அன்னைமேல் உள்ள பாசம்
இவருக்கு இல்லவே இல்லை ரோஷம்
காங்கிரசால் இந்த நாடே ஆகிவிட்டது நாசம்
இருந்தும் இவுங்களுக்கு எப்பவுமே முக்கியம் lumpsum

யினியவன் · யினியவன் Sun May 26, 2013 4:50 pm

படிக்கும் போது போட்டாரு கணக்கு சம்
இப்ப போடுறாரு அன்னைக்கு சம் சம்
பூம் பூம் மாடு தான் தஞ்சாவூரு பொம்ம தான்

positivekarthick · positivekarthick Sun May 26, 2013 7:04 pm

ஒரு பக்கம் ஆட்சியாளர்கள் கனிம வளத்திற்காக பன்னாட்டு கம்பனிகளிடம் பணத்தை வாங்கிக்கொண்டு நிலங்களை பிடுங்குகின்றன .மறு பக்கம் மாவோயிஸ்டுகள் தடுக்கிறேன் பேர்வழி என்று மக்களை இயக்கத்தில் சேருங்கள் என்று மிரட்டி வதிக்கிறது.அப்படி ஒரு நிலையில் சத்தீஸ்கர் இருக்கிறது.என்னதான் மக்கள் செய்வார்கள்.நம்ம வாழ்க்கைதான் இப்படி நம்ம வாரிசுகள் நல்ல இருக்கணும் என்று தமிழகம் மற்றும் மும்பை போன்ற மாநிலங்களுக்கு செல்கின்றனர் .

அடிதடி எல்லாம் சகஜமுங்க அந்த மாநிலத்தில் ,