கோடை முடியும் வரை பொது மக்களுக்கு குடிநீர், நீர்மோர், பழச்சாறு வழங்குங்கள்: தொண்டர்களுக்கு ஜெயலலிதா வேண்டுகோள்

**ராஜா** · **ராஜா** Sun May 26, 2013 3:30 pm

First topic message reminder :

அ.தி.மு.க. பொதுச் செயலாளர் முதல்-அமைச்சர் ஜெயலலிதா விடுத்துள்ள அறிக்கையில் கூறியிருப்பதாவது:-

கோடைக் காலத்தில் மக்களின் தாகத்தைத் தீர்க்கும் வகையில் ஒவ்வொரு வருடமும் எனது ஆணையை ஏற்று, ஆங்காங்கே பந்தல்கள் அமைத்து குடிநீர், நீர்மோர் முதலானவற்றை வழங்கும் அரும் பணியை எனதருமைக் கழக உடன்பிறப்புகளாகிய நீங்கள் அனைவரும் ஆற்றி வருகின்றீர்கள் என்பதை நான் நன்கு அறிவேன்.

இந்த ஆண்டு கோடை வெயில் கோரத் தாண்டவமாடுவதால் களைப்பு அதிகமாகி, மயக்கம், தலைவலி, வியர்குரு போன்ற பல்வேறு பாதிப்புகளுக்கு மக்கள் ஆளாகி உள்ளனர். குறிப்பாக, உழைக்கும் வர்க்கத்தினர் மற்றும் முதியோர் மிகவும் சிரமப்படும் சூழ்நிலை ஏற்பட்டுள்ளது. அனல் பறக்கும் அக்னி வெயிலின் உக்கிரம் காரணமாக, சாலைகள் எங்கும் அனல் காற்று வீசுவதால் இரு சக்கர வாகனங்களில் செல்வோர், நடந்து செல்வோர் மிகுந்த சிரமத்திற்கு ஆளாகி உள்ளனர்.

தண்ணீர் மற்றும் நீர்மோர் அதிகம் பருகுவது, பழச் சாறுகளை அருந்துவது ஆகியவற்றின் மூலம் மக்களை வெப்ப நோய்களில் இருந்து பாதுகாக்க முடியும். அந்த வகையில், மக்களுக்கு நன்மை பயக்கும் செயல்களை மனம் கோணாமல் ஆற்றி வரும் என் உயிரினும் மேலான எனதருமைக் கழக உடன்பிறப்புகளாகிய நீங்கள் அனைவரும் எனது அன்பான வேண்டுகோளினை ஏற்று, ஆங்காங்கே கூடுதலாக பந்தல்கள் அமைத்து குளிர்ந்த தண்ணீர், நீர்மோர், பழச்சாறு முதலானவற்றை மக்களுக்கு விநியோகித்து அரும்பணியாற்றிட வேண்டும் என்று அன்புடன் கேட்டுக் கொள்கிறேன்.

தங்கள் பகுதியில் ஏற்கெனவே அமைக்கப்பட்டிருக்கும் தண்ணீர், நீர்மோர் பந்தல்கள் உட்பட தற்போது அமைக்க இருக்கும் பந்தல்களிலும் காலை முதல் மாலை வரை மக்கள் தாகத்தைத் தணிக்கும் வகையில் உரிய ஏற்பாடுகளை செய்து, கோடை காலம் முடியும் வரை மக்களின் களைப்பைத் தீர்க்கும் அறப்பணியில் நீங்கள் முழு கவனம் செலுத்திட வேண்டும் என்றும் கேட்டுக் கொள்கிறேன்.

இவ்வாறு அவர் கூறியுள்ளார்.

-maalaimalar

ராஜு சரவணன் · ராஜு சரவணன் Sun May 26, 2013 5:15 pm

அப்ப கோடை முடிந்ததும் ?

balakarthik · balakarthik Sun May 26, 2013 5:18 pm

ராஜு சரவணன் wrote:அப்ப கோடை முடிந்ததும் ?

குளிருக்கு இலவசமா சூடா இட்லி பொங்கல் போடுவாங்க அதான் இன்னும் 1000 அரசு மலிவு விலை சிற்றுண்டிகள் திறக்கபோரான்கள்ள

ராஜு சரவணன் · ராஜு சரவணன் Sun May 26, 2013 5:23 pm

balakarthik wrote:
ராஜு சரவணன் wrote:அப்ப கோடை முடிந்ததும் ?

குளிருக்கு இலவசமா சூடா இட்லி பொங்கல் போடுவாங்க அதான் இன்னும் 1000 அரசு மலிவு விலை சிற்றுண்டிகள் திறக்கபோரான்கள்ள

ஓ அப்படியா புன்னகை

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக