ரா.ரா இயக்கத்தில் புதிய திரைப்படம்!

by **சாமி** Sun May 26, 2013 11:31 am

ஐ ட்ரீம்ஸ் என்ற புதிய படநிறுவனம் சார்பில் அரிமா பி.எஸ்.கருணாநிதி தயாரித்து வரும் படம் 'கல்லாப்பெட்டி'. இந்தப்படத்தில் ஹீரோவாக அஸ்வின் பாலாஜியும், ஹீரோயினாக ரோஸின் ஜாலியும் நடித்திருக்கின்றனர். இந்தப்படத்தை அறிமுக இயக்குனர் ரா ரா இயக்குகிறார்.

இந்தப்படத்தின் பாடல்கள் வெளியீட்டு விழா நேற்று மாலை சென்னையிலுள்ள பிரசாத் லேப் தியேட்டரில் நடைபெற்றது. விழாவில் சிறப்பு விருந்தினராக இயக்குனர் சிகரம் கே.பாலச்சந்தர் கலந்து கொண்டு பாடல்கள் குறுந்தகடை வெளியிட்டார். இயக்குநர்கள் பிரபு சாலமன், எழில், மணிகண்டன் ஆகியோரும் இந்நிகழ்ச்சியில் கலந்துகொண்டார்கள்.

நிகழ்ச்சியில் கே.பாலச்சந்தர் பேசுகையில், "எனக்கு உடல்நிலை சரியில்லை, வரும்போதுகூட டாக்டரை பார்த்து விட்டுத்தான் இந்த விழாவுக்கு வருகிறேன். அதற்கு காரணமும் இருக்கிறது. சமீபகாலமாக சினிமாவில் திறமைசாலியான புதுமுகங்கள் அதிகமாக வந்து வெற்றி பெறுகிறார்கள். திறமையான பல புதிய டைரக்டர்களும் சினிமாவுக்குள் வருகிறார்கள். அவர்களுக்கு முதல் படத்திலேயே ரசிகர்களின் ஆதரவும், வெற்றியும் கிடைக்கிறது. இதைப்பார்க்கும் போது சந்தோஷமாக இருக்கிறது.

ஏனென்றால் என் காலத்திலெல்லாம் புதியவர்களுக்கு அவ்வளவு எளிதாக அங்கீகாரம் கிடைக்கவில்லை. நானெல்லாம் அடுத்தடுத்து படங்களை டைரக்ட் பண்ணித்தான் என்னை நிலைநிறுத்திக் கொள்ள வேண்டியிருந்தது. ஆனால், இப்போது அப்படி இல்லை. திறமைசாலிகள் யாராக இருந்தாலும் அவர்களுக்கு முதல் படத்திலேயே பாராட்டும், தகுந்த அங்கீகாரமும் கிடைத்து விடுகிறது, இது வரவேற்கக்கூடிய நல்ல விஷயம்.

இந்தப்படத்திலும் புதியவர்கள்தான் பங்கேற்றிருக்கிறார்கள். இவர்களை வாழ்த்த வேண்டும் என்பதற்காகத்தான் முக்கியமாக வந்தேன். அதிலும் இந்த படத்தில் நாயகனான அஸ்வின் என் வீட்டில் வாட்ச் மேனாக வேலை பார்த்தவர். அவர் இன்று ஹீரோவாக ஒரு படத்தில் நடித்திருப்பதைப் பார்க்க எனக்கு சந்தோஷமாக உள்ளது.

நான் வீட்டிற்கு போகும் பொதெல்லாம் அவரை கவனிப்பேன், அப்போது எதையாவது ஒரு நோட்டில் எழுதிக்கொண்டிருப்பார், அதை நான் வாங்கிப் பார்ப்பேன். அதில் கவிதைகளை எழுதி வைத்திருப்பார். அந்தளவுக்கு அவருக்குள்ளும் திறமை இருக்கிறது. அதன்பிறகு அவர் என் வீட்டில் வேலை பார்க்கவில்லை. என் வீட்டைவிட பெரிய இடத்துக்கு அதாவது நடிகர் கமல் வீட்டுக்கு செக்யூரிட்டியாக வேலை பார்க்கப் போய்விட்டார்.

இன்னும் ஒரு நாலு வருஷம் போயிருந்தால் நானே அவரை வைத்து ஒரு படத்தை இயக்கியிருப்பேன். ஆனால் விஷயம் அது இல்லை. திறமை எங்கிருந்தாலும், யாரிடம் இருந்தாலும் அது இப்போது ரசிகர்களால் ரசிக்கப்படுகிறது. இவருக்காகவும், இந்த புதியவர்களை வாழ்த்த வேண்டும் என்பதற்காகவும்தான் என் உடல்நிலையையும் பொருட்படுத்தால் இந்த விழாவுக்கு வந்தேன்." என்றார். நன்றி: tamil.chennaionline
..................................................
ஐ ட்ரீம்ஸ் நிறுவனத்தின் சார்பில் உருவாகும் படம் "கல்லாப்பெட்டி'. புதுமுகங்கள் அஸ்வின் பாலாஜி, ரோஷின் ஷாலி ஜோடியாக நடிக்கின்றனர். ஜெயப்பிரகாஷ், பிளாக் பாண்டி, ஜோதிஷா நாராயணன் உள்ளிட்டோர் முக்கிய பாத்திரங்கள் ஏற்கிறார்கள். பணத்தாசையால் காதல் ஜோடி படும் பாட்டை சுவாரஸ்யத்தோடு சொல்லுவதுதான் கதை.

""எல்லோருக்குமான இந்த உலகத்தில் ஒவ்வொருவரின் பார்வையில் இந்த உலகம் எப்படி மாறுபடுகிறது என்பதுதான் படக் கதையின் ஒன் லைன். கல்லாப்பெட்டி நிரம்பினால் மனசு நிறையுமென்று சிலர் நினைக்கிறார்கள். மனம் நிறைவதற்கு பணம் மட்டும் தீர்வாகாது என்று சிலர் நினைக்கிறார்கள். இந்த குழப்பத்துக்கு என்ன விடை என்பதை மையமாக வைத்து கதை பின்னப்பட்டுள்ளது'' என்றார் இயக்குநர் ரா.ரா.

தினமணி கதிரில் 'திரைக்கதிர்' பகுதியில் பார்த்தேன். செய்தி வெளியாகி இருந்தது. இது நம்ம ரா.ரா. இயக்கும் படமா? வாழ்த்துக்கள்!!!

இது நம்ம ரா.ரா அவர்களின் படம் இல்லை. சிவா கொடுத்த எண்ணை வைத்து ரா ரா அவர்களிடம் பேசினேன்.

by யினியவன் Sun May 26, 2013 11:37 am

நம்ம ராராவா? அவரா இருந்தால் சூப்பருங்க

(நம்மகிட்ட சொல்லாம செய்யமாட்டாரே)

by balakarthik Sun May 26, 2013 11:40 am

யினியவன் wrote:நம்ம ராராவா? அவரா இருந்தால்

(நம்மகிட்ட சொல்லாம செய்யமாட்டாரே)

அதானே இதத்தான் நானும் யோசிச்சேன்

இவர் நம்ம ராராவா
ரா.ரா இயக்கத்தில் புதிய திரைப்படம்! Kallaapetty-Audio-Launch-243

by **சாமி** Sun May 26, 2013 11:44 am

யினியவன் wrote:நம்ம ராராவா? அவரா இருந்தால் (நம்மகிட்ட சொல்லாம செய்யமாட்டாரே)

ரா.ரா இயக்கத்தில் புதிய திரைப்படம்! Kallapetti

இனியவன், இந்த படத்தில் ரா.ரா இருக்கிறாரா ரா ? இது திரைப்படத்தின் பாடல் வெளியீட்டு விழா படம்

by யினியவன் Sun May 26, 2013 12:12 pm

இல்லை சாமி - இது நம்ம ராரா இல்லை.

by **சிவா** Sun May 26, 2013 12:28 pm

Code:

இந்த எண்ணுக்கு அழைத்து ரா.ராவிடமே நேரில் கேளுங்கள் சாமி!
(இது அவருடைய எண் என நினைக்கிறேன், தவறாக இருந்தால் மன்னிக்கவும்)

by **ரா.ரமேஷ்குமார்** Sun May 26, 2013 12:31 pm

ரா.ரா அண்ணாவிற்கு வாழ்த்துக்கள்... அன்பு மலர்

by **சாமி** Sun May 26, 2013 1:04 pm

சிவா wrote:
Code:

இந்த எண்ணுக்கு அழைத்து ரா.ராவிடமே நேரில் கேளுங்கள் சாமி!
(இது அவருடைய எண் என நினைக்கிறேன், தவறாக இருந்தால் மன்னிக்கவும்)

வணக்கம் சிவா!
நம்ம ரா.ரா விடம் பேசினேன்.
இது அவருடைய படம் இல்லையாம்.

நம்ம ரா.ரா வின் பெயரை வைத்திருக்கும் 'கல்லாபெட்டி' இயக்குனர் அவர்களுக்கு வாழ்த்துக்கள்!