எனது தாயார் சோனியா போல நான் மென்மையானவன் அல்ல காங்கிரஸ் கட்சியினருக்கு ராகுல்காந்தி எச்சரிக்கை

காங்கிரஸ் கட்சியில் கோஷ்டி பூசலை அனுமதிக்க மாட்டேன் என்றும் எனது தாயார் சோனியா காந்தி போல நான் மென்மையானவன் அல்ல என்றும் கட்சி நிர்வாகிகள் கூட்டத்தில் பேசிய ராகுல்காந்தி குறிப்பிட்டார்.

தேர்தல் ஆலோசனை கூட்டம்

நாடாளுமன்றம் மற்றும் டெல்லி சட்டசபைக்கான பொதுத்தேர்தலை முன்னிட்டு, காங்கிரஸ் கட்சி நிர்வாகிகளின் ஆலோசனைக்கூட்டம் தெற்கு டெல்லியில் உள்ள காங்கிரஸ் கட்சி அலுவலகத்தில் நடை பெற்றது. சிறப்பு அழைப்பாளராக பங்கேற்ற கட்சியின் துணைத்தலைவர் ராகுல்காந்தி, எம்.எல்.ஏ.க்கள், எம்.பி.க்கள் மற்றும் உள்ளாட்சி குழுக்களை தனித்தனியாக சந்தித்து பேசினார். அப்போது அவரது பேச்சு கடுமையாக இருந்தது. நிர்வாகிகளுக்கு எச்சரிக்கை விடுப்பது போலவும் அவரது உரை அமைந்திருந்தது. கூட்டத்தில் ராகுல்காந்தி கூறியதாவது:–

உறுதியானவன்

காங்கிரஸ் கட்சித்தலைவர் போல (தாயார் சோனியாகாந்தி) நான் மென்மையானவன் அல்ல. (அருகில் இருந்த இந்திரா காந்தியின் படத்தை காட்டியபடி) நான் எனது பாட்டியை போல உறுதியானவன்.கட்சியில் ஒழுங்கீனங்களை நான் பொறுத்துக்கொள்ள மாட்டேன். நாம் ஒற்றுமையுடன் பணிகளை ஆற்ற வேண்டும். ஆட்சியில் இருப்பவர்களும், கட்சி நிர்வாகிகளும் இணைந்து பணியாற்ற வேண்டும். உள்ளாட்சி அளவில் சிறப்பாக செயல்படும் நிர்வாகிகள் சிபாரிசு செய்யப்படும்போது, அவர்களுக்கு எம்.எல்.ஏ. டிக்கெட் வழங்கப்படும்.இவ்வாறு அவர் பேசினார்.நமது ஆட்சியில் சில குறைபாடுகள் இருக்கலாம். அதற்காக நமது சாதனைகளை மக்களிடம் கொண்டு செல்ல தவறி விடக்கூடாது.

கடுமை

மொத்தம் 5 மணி நேரம் நடந்த கூட்டத்தில் ராகுல்காந்தி சற்று கடுமையாகவே காணப்பட்டார். ‘பொதுத்தேர்தலுக்கு சில காலமே உள்ளது. ஆட்சி வரும் போகும். யார் ஆட்சி அமைக்கிறார் என்பது பற்றி கவலை இல்லை. ஆனால் கட்சிக்குள் ஒழுக்கம் மிகவும் முக்கியம் ஆகும். கோஷ்டி அரசியல் இல்லாமல் ஒற்றுமையுடன் செயல்பட வேண்டும்’ என்றும் அடிக்கடி ராகுல்காந்தி வலியுறுத்தினார்.கூட்டத்தில் டெல்லி முதல்–மந்திரி ஷீலா தீட்சித், இவருக்கு எதிர்கோஷ்டி தலைவரான டெல்லி காங்கிரஸ் கட்சி தலைவர் அகர்வால் ஆகியோரும் கலந்து கொண்டனர். அகர்வால் கூறுகையில், இதுவரை தங்களுக்குள் வேறுபாடுகள் இருந்தது. இது ஒரு குடும்பம். இன்று வேறுபாடுகள் எல்லாம் தீர்ந்துவிட்டது. இனிமேல் ஒற்றுமையாக செயல்படுவோம் என்றார்.

- dailythanthi

மென்மையா இந்த பெண்மை நம்மள ஏமாத்தறது இப்படீன்னா
இவரு அந்த மென்மை இல்லாம எவ்ளோ ஏமாத்த போறாரோ???

நல்ல வேளை மென்மைன்னு சொல்லி அந்த மேன்மைக்கு
களங்கம் ஏற்படுத்தாம இருந்தாரே சந்தோஷம்

நீ தான் திற்ந்த வீட்டில் ஏதோ நுழைவது போல் நுழைந்த ஏழை சாப்பிட வைத்திருப்பதை புடுங்கி தின்னுகிட்டு பத்திரிக்கைக்கு போஸ் கொடுக்கும் கேஸ் ஆச்சே. நீ ஒரு பெரிய தில்லாங்கடி என்று எங்களுக்கு எப்போவே தெரியும்.

காந்தி நு பேரை வச்சிக்கிட்டு இவங்க பண்ணுற அலம்பல் இருக்குதே அப்பப்பா!!!!!!