பின்னணி பாடகர் டி.எம்.சவுந்தரராஜன் மரணம்

by **சிவா** Sat May 25, 2013 4:53 pm

https://fbcdn-sphotos-g-a.akamaihd.net/hphotos-ak-frc1/423908_498020143604421_815216192_n.jpg

சென்னை: பழம்பெரும் பின்னணி பாடகர் டி.எம். சவுந்தரராஜன், உடல்நலக்குறைவு காரணமாக சென்னையில் இன்று காலமானார். அவருக்கு வயது 91. கடந்த சில நாட்களாக உடல்நலக்குறைவு காரணமாக, சென்னை மந்தைவெளியில் உள்ள வீட்டில் இருந்தபடியே சிகிச்சை பெற்று வந்த அவர், சிகிச்சை பலனின்றி இன்று காலமானார். கடந்த 1922ம் ஆண்டு மார்ச் 24ம் தேதி மதுரையில் பிறந்த டி.எம். சவுந்தரராஜன், கடந்த அறுபது ஆண்டுகளாக பின்னணி பாடகர்களில் முடிசூடா மன்னனாக திகழ்ந்தார். எம்.ஜி.ஆர்., சிவாஜி கணேசன், என்.டி. ராமாராவ், எஸ்.எஸ். ராஜேந்திரன், நாகேஸ்வரராவ் உள்ளிட்ட பழம் பெரும் நடிகர்களுக்கு மட்டுமல்லாமல், ரஜினிகாந்த், கமலஹாசன் உள்ளிட்டவர்களுக்கும் பின்னணி பாடியுள்ளார். பத்ம ஸ்ரீ, கலைமாமணி உள்ளிட்ட ஏராளமான விருதுகளை பெற்றுள்ள சவுந்தரராஜன், 10 ஆயிரத்துக்கும் மேற்பட்ட பாடல்களை பாடியுள்ளார் என்பது குறிப்பிடத்தக்கது. அவரது இறுதி சடங்கு நாளை (26.05.13) நடைபெறுகிறது.

by ஹர்ஷித் Sat May 25, 2013 4:58 pm

இசை உலகை ஆண்டவர்களில் DMS தனிச்சிறப்புப்பெற்றவர்.அன்னாரின் ஆன்மா சாந்தி அடையவும் அவரை பிரிந்து வாழும் உறவினர்கள் ஆறுதலடையவும் என் பிராத்தனைகளை சமர்ப்பிக்கின்றேன்.

by **ராஜா** Sat May 25, 2013 5:11 pm

உலகில் தமிழிசை இருக்கும் வரை இவரின் பெயரும் புகழும் மறையாது.....
அன்னாரின் ஆத்மா சாந்தியடைய இறைவனை வேண்டுகிறேன்

by றினா Sat May 25, 2013 6:44 pm

பின்னணி பாடகர் டி.எம்.சவுந்தரராஜன் மரணம் 1880989087secvpf

பிரபல தமிழ் திரைப்பட பின்னணிப் பாடகர் டி. எம். சௌந்தரராஜன் தனது 91 ஆவது வயதில் சென்னையில் காலமானார்.

இதயக் கோளாறு காரணமாக மருத்துவமனையில் அனுமதிக்கப்பட்டிருந்த அவர் பின்னர் வீடு திரும்பியிருந்தார்.

எனினும் இன்று சனிக்கிழமை மாலை அவர் தனது வீட்டில் காலமானார்.

தென்னிந்திய திரையுலகில் அரை நூற்றாண்டுக்கும் அதிகமாக பாடல்களை பாடி வந்த இவர், பட்டினத்தார் உட்பட சில திரைப்படங்களிலும் நடித்திருந்தார்.

1923 ஆம் ஆண்டு மதுரையில் சௌராஸ்டிர குடும்பத்தில் பிறந்த இவர் 1950 ஆம் ஆண்டுகிருஷ்ண விஜயம் என்னும் படத்தில் 'ராதே என்னை விட்டுப் போகாதடி'' என்னும் பாடலுடன் இவர் அறிமுகமானார்.

2007ம் ஆண்டு வரை அவர் திரைப்படங்களில் 10 ஆயிரத்திற்கும் மேற்பட்ட பாடல்களை பாடியுள்ளார்.

இவரது பாடல்கள் இல்லையென்றால் எம்.ஜி.ஆர்., சிவாஜி படங்கள் இல்லை என்று சொல்லும் அளவிற்கு அமைந்திருந்தது டி.எம்.எஸ்ஸின் குரல்.

மேலும் 2003 ஆம் ஆண்டு பத்ம ஸ்ரீ விருந்தை பெற்ற சௌந்தரராஜன் இவர் திரைப்படங்கள் மட்டுமின்றி சில பக்தி பாடல்களையும் பாடியுள்ளார்.

அவரது மறைவு குறித்த செய்தி அறிந்ததும் திரைத்துறையினர் அவரது வீட்டிற்கு சென்று அஞ்சலி செலுத்தி வருகின்றனர்.

மதுரையில் 24.3.1923 ம் திகதி அன்று மீனாட்சி ஐயங்காரின் இரண்டாவது மகனாகப் பிறந்தார். முறையாக இசை பயின்று திரையுலகில் நுழைந்தார். திரைப்பாடல்கள் மட்டுமின்றி பக்திப்பாடல்களையும் பாடியு ள்ளார்.