பழங்குடியினருடன் மோதல்: கிராம தலைவரின் கணவர் உயிரோடு எரித்துக்கொலை

**சிவா** · **சிவா** Sat May 25, 2013 4:55 pm

https://fbcdn-sphotos-h-a.akamaihd.net/hphotos-ak-ash3/580140_498020513604384_622680539_n.jpg

பீகார் தலைநகர் பாட்னாவில் இருந்து 350 கி.மீட்டர் தூரத்தில் புர்ணியா மாவட்டம் உள்ளது.

இங்குள்ள கிஷன்பூர் பலூவா கிராமத்தின் தலைவராக சிமோ தேவி உள்ளார். இவர்கள் குடும்பத்துக்கும் அந்த கிராமத்தை சேர்ந்த பழங்குடி இனத்தவருக்கும் இடையே நிலத்தகராறு தொடர்பாக சில மாதங்களாக பகைமை நிலவி வந்தது.

நேற்றிரவு வில், அம்பு மற்றும் அரிவாள்களுடன் நூற்றுக்கணக்கான பழங்குடியினர் சிமோ தேவியின் வீட்டை முற்றுகையிட்டனர்.

இதைக் கண்ட சிமோ தேவியின் கணவர் ஜெய்நந்தன் மண்டல் தனது துப்பாக்கியால் பழங்குடியினரை நோக்கி சுட்டார். இதனால், ஆவேசமடைந்த அவர்கள் ஜெய்நந்தனை பிடித்து அடித்து, உதைத்தனர்.

பின்னர், குக்ரான் கிராமத்தில் உள்ள அவருக்கு சொந்தமான செங்கல் சூளைக்கு தூக்கிச் சென்று அவரை உயிருடன் தீயிட்டு எரித்தனர். அலறியபடி உயிருக்குப் போராடி துடிதுடித்த ஜெய்நந்தன் மண்டல் சற்று நேரத்திற்குள் கரிக்கட்டையாக தரையில் சரிந்தார்.

இச்சம்பவம் பற்றி அறிந்து குக்ரான் கிராமத்திற்கு விரைந்து வந்த போலீசார் 20 பெண்கள் உள்பட 35 பழங்குடியினரை கைது செய்தனர். தப்பியோடிய மேலும் சிலரை போலீசார் தேடி வருகின்றனர்.

மாலைமலர்