மகா மட்டமானது மட்டை விளையாட்டு ! (கிரிக்கெட் ) கவிஞர் இரா .இரவி !

by **eraeravi** Sat May 25, 2013 12:48 pm

மகா மட்டமானது மட்டை விளையாட்டு ! (கிரிக்கெட் ) கவிஞர் இரா .இரவி !

வெப்ப பூமியில் குளிராடை அணிந்து !
விளையாடும் முட்டாள் விளையாட்டு !

சதி செய்து போலியாக ஆடும் ஆட்டம் பார்த்து !
சகோதரர்களிடையே குடும்பத்தில் சண்டை !

முடிவில்தான் தெரியும் விளையாட்டின் முடிவு
முடிவை முடிவு செய்து ஆடுகின்றனர் !

விளையாடும் முன் யார் தோற்பது முடிவெடுத்து
விளையாட்டுக்கு விளையாடுகிறார்கள் !

பிடிக்க வேண்டிய நல்ல பந்தை !
பிடிக்காமல் கீழே விட்டு நடிக்கின்றனர் !

வேண்டுமென்றே ஓங்கி தூக்கி அடித்து
விளையாடி பிடிக்க விட்டு விடுகின்றனர் !

தடுக்க வேண்டிய பந்தை வேண்டுமென்றே
தடுக்காமல் விட்டு நான்கு ஆக்கி விடுகின்றனர் !

ஆறு ஓட்டம் எடுக்க வேண்டிய பந்தை
ஒரு ஓட்டம் எடுத்து முடிகின்றனர் !

நான்கு ஓட்டம் எடுக்க வேண்டிய பந்தை
நன்றாக விலகி குச்சியில் விழ வைக்கின்றனர் !

எதிரணி வெளியேற்றும் முன்பே திட்டமிட்டு !
இவர்களாகவே வெளியேறி விடுகின்றனர் !

கேப்பையில் நெய் வடியுது என்றால்
கேப்போரின் மதி எங்கே போனது ?

வாட்டும் வருமையிலும் ஏழைகள் !
நாட்டில் செம்மையாக வாழ்கிறார்கள் !

வளமையில் வாழும் பணக்கார்கள் !
விளையாட்டில் சூதாடி கொள்ளை அடிக்கிறார்கள் !

வென்றாலும் தொற்றாலும் பரிசுப்பணம் !
விளம்பரத்தில் நடித்து கோடிப்பணம் !

சூதாட்டிகளிடமிருந்து மறைமுகமாக
சூதுப் பணம் இவர்களா வீரர்கள் ?

விளையாட்டு வீரர்கள் என்ற சொல் வேண்டாம்
விளையாட்டுத் திருடர்கள் என்பதே சரி !

பார்ப்பவர்கள் காதில் பூ சுற்றி
பார்வையாளர்களை ஏமாற்றும் சூதை அறிந்திடு !

நேரத்தையும் பணத்தையும் விரயம் செய்து !
நேர்மையான விளையாட்டென நம்பி !

ஏமாறும் தமிழா இனியாவது விழி !
ஏமாந்தது போதும் !விழித்திடு !

.மகா மட்டமானது மட்டை விளையாட்டு !

--

.

நன்றி
அன்புடன்
கவிஞர் இரா .இரவி
www.eraeravi.com
www.kavimalar.com
www.eraeravi.blogspot.com
http://eluthu.com/user/index.php?user=eraeravi
http://www.noolulagam.com/product/?pid=6802#response*
இறந்த பின்னும்
இயற்கையை ரசிக்க
கண் தானம் !

by பூவன் Sat May 25, 2013 1:19 pm

கிரிக்கெட் இன்று தறிகெட்டு போச்சு என சொன்ன உங்கள் கவிதை நன்று ஐயா ....

by சதாசிவம் Sat May 25, 2013 1:28 pm

கிரிக்கெட் ஒன்றே விளையாட்டு என்று நினைக்கும் குருடர்கள் இருக்கும் பொழுது, இந்த திருடர்கள் வாழ்வாங்கு வாழ்வர்.

இன்னும் சில நாள் கழித்து 30 & 30 என்று விளையாடினால் அதையும் வேலையற்று பார்க்கும் கூட்டம் இந்நாட்டில் இருக்கும்.

by யினியவன் Sat May 25, 2013 1:29 pm

ஊழல் புகா இடமுண்டோ?

by **eraeravi** Sat May 25, 2013 5:44 pm

நன்றி
அன்புடன்
கவிஞர் இரா .இரவி

by ராஜு சரவணன் Sat May 25, 2013 7:45 pm

கால்பந்து எவ்வளவு ஒரு நல்ல விளையாட்டு.விளையாடும் வீரர்கள் ஆட்டத்தின் ஆரம்பம் முதல் இறுதி வரை நல்ல உடற்பயிற்சி வேலை .

கிரிக்கெட் ஓரு சோம்பேறிதனமான விளையாட்டு இதில் பேட்டிங் பன்னுபவர் பந்து போடுபவருக்கு மட்டுமே வேலை. மற்ற வீரர்கள் வெறுமன்னே நின்று கொண்டு பார்வையாளர்கள் போன்று வேடிக்கை பார்பது தான்.

பந்தை பேட்ஸ்மேன் தவறவிட்டால் மட்டுமே கீப்பருக்கு வேலை.மற்றவர்கள் வேடிக்கை பார்க்க வேண்டியது தான்

பந்தை பேட்ஸ்மேன் அடித்தால் மட்டுமே பந்தை பிடிக்க ஒரு பீல்டருக்கு வேலை.மற்றவர்கள் நின்று வேடிக்கை பார்பது தான் வேலை.

விளையாட்டு என்பது வினை(செயல்) + ஆட்டம் என்பதாகும்
விளையாடும் போது விளையாடும் அனைவருக்கும் உடல் வலிமை , புத்தி கூர்மை ஆகியவற்றை ஒருங்கினைத்து விளையாட வழி செய்யும் விளையாட்டே ஒரு சிறந்த விளையாட்டு. மற்றவை எல்லாம் வெறும் வேட்டு.

by யினியவன் Sat May 25, 2013 7:51 pm

ரொம்ப பாபுலர் ஆகி மற்ற விளையாட்டுகளை ஓரம் கட்டிவிட்டது என்பதால் இப்படி எல்லாம் சொல்லாதீங்க ராஜூ புன்னகை

எல்லா விளையாட்டும் விளையாடித்தான் இப்ப இப்படி ஆயிட்டோம் நாங்க.

by ராஜு சரவணன் Sat May 25, 2013 8:24 pm

பாப்புலர் ஆக்கப்பட்டது பாஸ்

எனக்கு தெரிந்து 1980 களில் இருந்த ஓரே தொலைக்காட்சி டிடி தான்.இது விளையாட்டு ஓளிபரப்பு என்று அதிகம் ஒளிபரப்பியது கிரிக்கெட் மட்டுமே.நாட்டில் இருக்கும் ஓரே டிவி கிரிக்கெட்டை மட்டுமே ஒளிபரப்பும் போது எப்படி அது பாப்புலர் ஆகாமல் போகும்.

டிடி ஒளிபரப்பியது இரண்டு மட்டுமே ஒன்று கிரிக்கெட் மற்றொன்று இந்தி. இப்போது இந்த இரண்டு மட்டுமே பிரபலம்.

எதற்காக தெரியுமா எல்லாம் பணத்திற்காக. இந்த விளையாட்டில் மட்டுமே விளம்பரம் செய்ய ஏதுவாக விளையாட்டின் இடையில் இடைவெளி,அதுதான் ஒரு ஓவர் முடிந்தது அடுத்த ஓவர் போடுவதற்குள்ளான இடைவெளி இந்த இடைவெளியில் தேவையான விளம்பரங்களை போட்டு நல்ல பணம் பார்க்கலாம்.இந்த ஒரு காரணத்தினால் தான் அன்று டிடி வம்படியாக கிரிக்கெட்டை மட்டும் ஒளிபரப்பி மற்ற விளையாட்டுகளுக்கு முடுவிழா செய்தது.

ஆனால் இப்பொழுது டிடி தனியாக விளையாட்டு சேனல் வைத்து அனைத்து விளையாட்டுக்களை ஒளிபரப்பினாலும் உடம்பில் ஊறி விட்ட கிரிக்கெட்டை விட மனசு மறுக்கிறது

by பூவன் Sat May 25, 2013 8:25 pm

இதுக்கு தான் என்னை மாறி இந்த விளையாட்டு விளையாடனும் இதில் எல்லாம் ஸ்பாட் பிக்சிங் இல்லை , விளையாட ஒரு ஸ்பாட் கிடைத்தால் போதும் ...

மகா மட்டமானது மட்டை விளையாட்டு ! (கிரிக்கெட் ) கவிஞர் இரா .இரவி ! 030683616_765216542