பூவந்திக்கொட்டை - பொன்னாங்கொட்டை

by **krishnaamma** Sat May 25, 2013 11:35 am

மாறிவரும் நவீன யுகத்தில் என்னதான் ஆடம்பர வசதிகள் இருந்தாலும் சிலருக்கு பழமை தான் பிடிக்கும். வடித்த சாதம், செக்கில் ஆட்டிய எண்ணெய், வாழை இலை சாப்பாடு என்பதுபோல், நுரை பொங்கும் மூலிகை குளியலும் எல்லோருக்கும் பிடித்தமான விஷயமே.

அவசர கதியான ஓட்டத்தில் சோப்பு, ஷாம்பு போன்ற பொருட்கள் நமக்கு உதவினாலும் கடலை மாவு, பாசிப்பயறு மாவு, அரைப்பு சீயக்காய் போன்றவற்றின் மகிமை அவற்றை தொடர்ந்து பயன்படுத்தினால் தான் தெரியும்.

நாம் பயன்படுத்தும் பலவிதமான சோப்புகளில், சுண்ணாம்பு சேர்க்கப்படுவதால் தோல் வறட்சி, வியர்வை கோளங்களில் அடைப்பு, ரோமக்கால்களில் அடைப்பு, ரோமங்கள் வெடித்து, தோலின் மென்மையான புற அடுக்கு தடித்து, வீங்கி நிறம் மாறல், நகமும், தோலும் இணையும் இடத்தில் வெடிப்பு ஏற்பட்டு, அங்கு பூஞ்சை மற்றும் பாக்டீரியா கிருமிகள் வளருதல் என பல தொல்லைகள் ஏற்படுகின்றன.
பெரும்பாலான சோப்புகள் கிருமிகளை நீக்கும் ஆசிட்களாகத்தான் செயல்படுகின்றன தவிர, தோலுக்கு எந்த நன்மையும் பயப்பது இல்லை. இவை தவிர பல்வேறு நிறத்திற்காக சோப்பில் சேர்க்கப்படும் சாயப்பொடிகளும், நுரைக்காக சேர்க்கப்படும் சல்பேட்டுகளும் தோல் வறட்சியை அதிகப்படுத்துவதுடன் அரிப்பையும், வறட்சியையும் உண்டாக்கிவிடுகின்றன. நாம் பலவகையான சோப்புகளை விரும்பி பயன்படுத்துவதற்கு காரணம் அவற்றின் நுரைப்புத்தன்மையே.

நுரை பொங்க குளித்துவிட்டு வந்தால்தான், குளித்தது போன்ற புத்துணர்ச்சி உண்டாகிறது என்ற மாயை அனைவரிடமும் நிலவிவருகிறது. பழங்காலத்தில் நுரை தரக்கூடிய பொருட்களை, குளியல் பொடியில் பயன்படுத்தினர். செம்பரத்தை பூ, துளசி, சுரை, பீர்க்கு குடுவைகள், வாழை மட்டை போன்றவை நுரை மற்றும் வழுவழுப்பு தருவதால், குளியல் பொடிகளில் இவற்றை பயன்படுத்தி குளித்து மகிழ்ந்தனர்.

நாம் பயன்படுத்தும் குளியல்பொடி மற்றும் கேசப்பொடிகளில் இயற்கையின் கலவை அதிகமாக இருந்தால் தான், நமது தோலும், கேசமும் ஆரோக்கியமாக இருக்கும். கேசத்திற்கு பளபளப்பையும், தோலுக்கு வழுவழுப்பையும் தந்து நுரை பொங்க குளித்த திருப்தியை தரும் மூலிகை தான் பூந்திக்கொட்டை.

சபின்தஸ் எமார்ஜினேட்டஸ் என்ற தாவரவியல் பெயர் கொண்ட சப்பின்டேசியே குடும்பத்தைச் சார்ந்த இந்த மரத்தின் உலர்ந்த பழங்கள் பூந்திக்கொட்டை என்றும் பூவந்திக்கொட்டை என்றும், சோப்புக்காய் என்றும் அழைக்கப்படுகின்றன. இதன் பழத்தோலில் உள்ள சப்போனின்கள், சப்பின்டோசைடுகள், ஹெடராஜெனின்கள் மற்றும் டெர்பினாய்டுகள் பூஞ்சை கிருமிகளின் வளர்ச்சியை கட்டுப்படுத்தி, தோலுக்கு பிரகாசத்தையும் மென்மையும் உண்டாக்குகின்றன. உசிலை இலை, இலுப்பை பிண்ணாக்கு, ரோஜாப்பூ, செம்பரத்தை பூ, செம்பரத்தை இலைகள், சிகைக்காய், வெட்டிவேர், விளாமிச்சம் வேர், நன்னாரி, பூலாங்கிழங்கு, ஆவாரம்பூ, வெந்தயம், பூந்திக்கொட்டை ஆகியவற்றை சமஅளவு எடுத்து, சுத்தம் செய்து வெயிலில் நன்கு உலர்த்தி, நுண்ணியதாக அரைத்து, துணியில் சலித்து வைத்துக் கொள்ளவேண்டும். இதை நீரில் குழப்பி, சற்று நேரம் வைத்திருந்து, பின் தலை மற்றும் உடலில் தேய்த்து குளித்துவர நுரை உண்டாகி, அழுக்கு நீங்கி, தோலும், கேசமும் சுத்தமடையும்.

வீட்டில் ஏற்கனவே வேறு குளியல் பொடி உபயோகப்படுத்துபவர்கள் பத்தில் ஒரு பங்கு பூந்திக்கொட்டை பொடியை கலந்துகொள்ளலாம். பூந்திக்கொட்டையை லேசாக வறுத்து, மேற்தோலை உரித்து, இடித்து வைத்துக் கொண்டு அவ்வப்போது சோறு வடித்த கஞ்சி அல்லது சீயக்காய் தூளுடன் கலந்து தலையில் தேய்த்து, அலசி, குளித்துவரலாம்.

வேறு பல உபயோகங்கள் :

1. தங்க நகைகளை இந்த பூவந்திக்கொட்டை ஊறவைத்த நீரில் தேய்த்தால் ரொம்ப பளபளப்பாக இருக்கும். நான் என் நகைகளை இப்படித்தான் பராமரிப்பேன் புன்னகை

2. பட்டுப்புடவைகளை இந்த பூவந்திக்கொட்டை ஊறவைத்த நீரில் தோய்த்தால் ரொம்ப 'மெத்' என்றும் புடவை shining - பளபளப்பாக இருக்கும். பட்டுப்புடவைகளை இதில் தோய்ப்பதால் பலவருடங்கள் அதன் பள பள ப்பு மங்காமல் இருக்கும். இது என் அனுபவத்தில் கண்டது புன்னகை

3. ஆந்திராவில் இதை பாத்திரங்கள் தேய்க்கவும் உபயோகிப்பார்கள்.

4. தலைக்கு குளிக்கணும் என்றால் ஒரு 4 -5 கொட்டைகளை ஊறவைத்து ( ஒரு 10 நிமிஷம்) கையால் கசக்கினால் நல்ல நுரை வரும்; அதை அப்படியே தேக்க வேண்டியது தான். நல்ல நுரை வரும் மேலும் தலை 'சில்க்' - பட்டு போல ஆகும் புன்னகை

இதுவும் நாடு மருந்து கடைகளில் கிடைக்கும்.

by யினியவன் Sat May 25, 2013 11:44 am

நல்ல பகிர்வும்மா.

அந்த தங்க நகைகள குரியர் பண்ணுங்க - நாங்க டெஸ்ட் பண்ணிட்டு நம்புறோம்.

by பூவன் Sat May 25, 2013 11:57 am

பொன் நகைகளை இப்படி எல்லாம் பளபளக்க செய்யாலாமா ?

ஓ இதான் பூவாரம் பொன்னாரம் அப்படின்னு பாடினார்களோ ....

by **krishnaamma** Sat May 25, 2013 12:00 pm

யினியவன் wrote:நல்ல பகிர்வும்மா.

அந்த தங்க நகைகள குரியர் பண்ணுங்க - நாங்க டெஸ்ட் பண்ணிட்டு நம்புறோம்.

இப்படி செய்யலாமே இனியவன், உங்க நகைகளை என்னிடம் அனுப்புங்கோ , நான் நல்லா வாஷ் பண்ணி தருகிறேன் புன்னகை

by யினியவன் Sat May 25, 2013 12:09 pm

நீங்க நல்ல வசதியான ஆளுங்கள சொல்லுங்க - அவங்ககிட்ட அடிச்சு அப்புறம் அனுப்பிடறேன் புன்னகை

by ராஜு சரவணன் Sat May 25, 2013 12:10 pm

நல்ல பதிவு அம்மா நன்றி.

by ராஜு சரவணன் Sat May 25, 2013 12:15 pm

krishnaamma wrote:
யினியவன் wrote:நல்ல பகிர்வும்மா.

அந்த தங்க நகைகள குரியர் பண்ணுங்க - நாங்க டெஸ்ட் பண்ணிட்டு நம்புறோம்.

இப்படி செய்யலாமே இனியவன், உங்க நகைகளை என்னிடம் அனுப்புங்கோ , நான் நல்லா வாஷ் பண்ணி தருகிறேன்

இனியவரே தங்கம் தான் அவரை நாங்களே தேய்த்து பார்த்து பதில் சொல்கிறோம்.

by யினியவன் Sat May 25, 2013 12:19 pm

ராஜு சரவணன் wrote:இனியவரே தங்கம் தான் அவரை நாங்களே தேய்த்து பார்த்து பதில் சொல்கிறோம்.

ரத்தக் களரியா ஆக்க துடிக்கிறீங்க!!! புன்னகை

by ராஜு சரவணன் Sat May 25, 2013 12:23 pm

கொட்டை வேணாமுன்னா என்ன செங்கல்லை வச்சு தேச்சு பாத்தரலாம் தல புன்னகை

by **ஜாஹீதாபானு** Sat May 25, 2013 12:26 pm

4. தலைக்கு குளிக்கணும் என்றால் ஒரு 4 -5 கொட்டைகளை ஊறவைத்து ( ஒரு 10 நிமிஷம்) கையால் கசக்கினால் நல்ல நுரை வரும்; அதை அப்படியே தேக்க வேண்டியது தான். நல்ல நுரை வரும் மேலும் தலை 'சில்க்' - பட்டு போல ஆகும் புன்னகை

ஷாம்பூ போட வேணாமா