சிறுமி போட்டோவுடன் "ஸ்டாம்ப்' ரிலீஸ்!

சிறுமி போட்டோவுடன் "ஸ்டாம்ப்' ரிலீஸ் : "மை ஸ்டாம்ப்' திட்டத்தில் விண்ணப்பிக்க ஆர்வம்.

திருச்சி: அஞ்சல் துறை சார்பில் அறிமுகப்படுத்தப்பட்டுள்ள, "மை ஸ்டாம்ப்' திட்டத்தின் கீழ், தங்களது போட்டோ இடம் பெற்ற, "ஸ்டாம்ப்'களை (அஞ்சல் தலைகள்) திருச்சி மக்கள் ஆர்வத்துடன் பெற்று வருகின்றனர்.

இந்தியாவில் ரயில்வேக்கு அடுத்து அஞ்சல் துறை தான் மிகப்பெரிய துறை. 15 ஆண்டுக்கு முன், தபால்கள் தான் முக்கிய தகவல் பரிமாற்று சாதனமாக திகழ்ந்தது. போன் என்பது பெரும்பாலான வீடுகளில் கிடையாது.பேஜர், மொபைல்போன் வருகையால், தபால் அனுப்புவோரின் எண்ணிக்கை கணிசமாக குறைந்தது. இதற்கிடையே, தனியார் நிறுவனங்களில், "கூரியர்' சேவையால், தபால் பரிமாற்றம் குறைந்தது. ஆயினும் இன்றளவும் தபாலுக்கு தனி, "கிரேஸ்' உள்ளது.தபாலில் ஒட்டப்பயன்படுத்தும், "ஸ்டாம்ப்'களில் தேசத்தலைவர்கள், விலங்குகள், பூக்கள் போன்ற படங்கள் மட்டுமே இடம் பெற்றிருக்கும். இதை பார்க்கும் பலருக்கு, தங்களது படமும் ஸ்டாம்பில் இடம் பெற்றால் நன்றாக இருக்குமே என்று ஏங்கி வந்தனர். அந்த குறையை அஞ்சல் துறை தற்போது போக்கி உள்ளது.

இந்திய அஞ்சல் துறை, "மை ஸ்டாம்ப்' (எனது அஞ்சல் தலை) என்ற திட்டத்தை அறிமுகப்படுத்தி உள்ளது. இத்திட்டத்தின் கீழ், ஒவ்வொரு இந்திய குடிமகனும் தங்களது போட்டோ இடம் பெற்ற, "ஸ்டாம்ப்'களை பெறலாம். இத்திட்டம், சென்னை, மதுரை, திருச்சி, கோவை ஆகிய முக்கிய நகரங்களில் உள்ள போஸ்ட் ஆபீஸ்களில் செயல்படுத்தப்படுகிறது.
தங்களது போட்டோ அல்லது தாங்கள் எடுத்த போட்டோவுடன், "ஸ்டாம்ப்' வேண்டும் என விரும்புவோர், 325 ரூபாய் பணம் கட்டி, விண்ணப்பிக்க வேண்டும். வெள்ளை நிற பின்னணியில் போட்டோ இருக்க வேண்டும். பத்து நாள் கழித்து, தபாலில், "ஸ்டாம்ப்' வீட்டுக்கு வந்து சேரும்.
இத்திட்டம் கடந்த, 5ம் தேதி அறிமுகப்படுத்தப்பட்டது.

திருச்சியில், கடந்த, 9ம் தேதியிலிருந்து, 22ம் தேதி வரை, 12 பேர் இதுவரை, "மை ஸ்டாம்ப்' திட்டத்தின் கீழ் விண்ணப்பித்துள்ளனர். திருச்சி, புத்தூரை சேர்ந்த யோகா நிபுணர் விஜயகுமார் மற்றும் நான்காம் வகுப்பு படிக்கும் இவரது மகள் கீர்த்தனா ஆகிய இருவரும், "மை ஸ்டாம்ப்' திட்டத்துக்கு விண்ணப்பித்தனர். இருவரது போட்டோ அச்சடிக்கப்பட்ட, "ஸ்டாம்ப்' நேற்று முன்தினம் வீட்டுக்கு வந்தது.

இதுகுறித்து விஜயகுமார் கூறுகையில், ""ஸ்டாம்பில் போட்டோ இடம் பெற்றதை பார்த்து மிகவும் மகிழ்ச்சி அடைந்துள்ளோம். இதனால், அஞ்சல் துறைக்கு கூடுதல் வருவாய் கிடைப்பதோடு, புத்துயிர் கிடைக்கும்,'' என்றார்.

இதுகுறித்து திருச்சி தலைமை போஸ்ட் ஆபீஸ் அதிகாரி கூறியதாவது:தினமும், நான்கு பேர் விசாரித்து செல்கின்றனர். நல்ல, "ரெஸ்பான்ஸ்' உள்ளது. 325 ரூபாய் கட்டி விண்ணப்பித்தால், ஐந்து ரூபாய் மதிப்புடைய, விண்ணப்பித்தவர்களின் போட்டோவுடன் கூடிய, 12 "ஸ்டாம்ப்'கள் வீட்டுக்கு அனுப்பப்படும். தற்போது, சென்னைக்கு அனுப்பி தான் இந்த "ஸ்டாம்ப்'கள் அச்சடிக்கப்படுகிறது. விரைவில் அதற்கான இயந்திரம் திருச்சிக்கு வரவாய்ப்பு உள்ளது, என்றார்.

நன்றி : தினமலர்

நல்ல முயற்சி அடுத்து நம்ம போட்டோவும் வந்தால் ஆச்சர்யபடுவதற்க்கில்லை

தகவல் பதிவு

Muthumohamed wrote:நல்ல முயற்சி அடுத்து நம்ம போட்டோவும் வந்தால் ஆச்சர்யபடுவதற்க்கில்லை

தகவல் பதிவு

நீங்க உங்க போட்டோ வை அனுப்பினால் தான் வரும் முத்து

krishnaamma wrote:

Muthumohamed wrote:நல்ல முயற்சி அடுத்து நம்ம போட்டோவும் வந்தால் ஆச்சர்யபடுவதற்க்கில்லை

தகவல் பதிவு

நீங்க உங்க போட்டோ வை அனுப்பினால் தான் வரும் முத்து

சரி அனுபிட்றேன் அம்மா