தேற்றாங்கொட்டையின்- Strychnos potatorum பயன்பாடுகள்

தேற்றா என்னும் மரத்தின் கொட்டை, தேற்றாங்கொட்டை எனப்படுகின்றது. இதனைப் பேச்சு வழக்கில் தேத்தாங்கொட்டை என்கிறார்கள். தேற்றாங்கொட்டை என்பது சேறுடன் கலங்கிய நீரைத் தெளிய வைக்க தமிழ்நாட்டின் சில பகுதிகளில் பயன்படுத்தப் படும் தேற்றா மரத்தின் விதை. குளம், ஊருணிகளின் இருந்து பெறப்படும் நீர் கலங்கலாக இருக்கும். இந்நீரை அப்படியே குடிக்க இயலாது. எனவே சிவகங்கை, தஞ்சை மாவட்டங்களில் நீரைத் தெளிய வைக்க தேத்தாங்கொட்டையை கலங்கிய நீருள்ள பானையின் உட்புறம் தேய்ப்பர். சில மணி நேரங்களுக்கப் பிறகு பானை நீர் தெளிந்து காணப்படும்.

பெயர்க்காரணம்

தேற்றாங் கொட்டை நீரைத் தெளிய வைக்கும் விதை என்ற பொருளைத் தருகிறது[1].

தேறு + அம் + கொட்டை
தேறு - தெளிவு
அம் - நீர்
கொட்டை - விதை

பண்டைத் தமிழ் இலக்கியங்களில் தேற்றாமரம்

தேற்றா மரத்திற்கு இல்லம், சில்லம், கதலிகம் போன்ற பெயர்களைக் குறிப்பிடுகிறது பிங்கல நிகண்டு. தொல்காப்பியத்திலும் இது குறிக்கப்பட்டுள்ளது.

"இல்ல மரப்பெயர் விசைமர இயற்றே (தொல். 313)"
தேற்றாமரத்தின் மலர்களை கண்ணியாகக் கட்டி தலையில் அணிந்ததாக நற்றிணைப் பாடல் கூறுகிறது.

"குல்லை குளவி கூதளம் குவளை
இல்லமொடு மிடைந்த ஈர்ந்தண் கண்ணியன் (நற். 376:5-6)"
கலங்கிய நீரைத் தேற்றாங்கொட்டை தெளிய வைப்பது பற்றியும் பண்டைய இலக்கியங்களில் கூறப்பட்டுள்ளது.

பிற பயன்பாடுகள்

சிலர் தேற்றா மரத்தின் காய்களை இடித்து கொட்டையை எடுத்த பின் கிடைக்கும் சக்கையைக் கரைத்து மீன்கள் உள்ள குட்டைகளில் இடுவர். இச்சக்கையின் சாறு மீன்களை ஒரு வித மயக்க நிலைக்கு இட்டுச் சென்று கரையில் ஒதுங்கச் செய்யும். இவ்வாறு மீன் பிடிப்புக்கும் தேற்றா மரம் பயன்படுகிறது.

[code]

நன்றி விக்கிபிடியா

மிகவும் புதிய தகவல்....நன்றி இராஜு சரவணன்

வி. பொ. பா

சில மணி நேரங்களுக்கப் பிறகு பானை நீர் தெளிந்து காணப்படும்

கிராம புறங்களில் மண்பானைகளில் தண்ணீர் எடுத்து வரும் போதே இந்த கொட்டையை பானையின் உட்பக்கம் தேய்த்து விடவர். விட்டிற்கு வந்து பானையை இறக்கிவைத்த ஐந்து அல்லது பத்து நிமிடங்களில் தண்ணணீர் தெளிந்து விடும்.

இதை நான் என் சிறு வயதில் பார்த்திருக்கிறேன்

நல்ல தகவல்

இப்போதும் இந்த கோட்டை கிடைக்கிறதா ?

தற்பொழுது பயன்பாட்டில் இல்லாத, பலரும் அறியாத தேற்றாங்கொட்டை பற்றி அறியத் தந்தமைக்கு நன்றி ராஜு! இதுவும் சுடுகொட்டையும் ஒன்றா அல்லது வெவ்வேறா?

வி. பொ. பா. ராஜு எங்க விட்டில் கூட நான் சின்ன வயதில் இருக்கும் போது பாட்டி உபயோகித்திருக்காங்க இப்போ ஒரு வேளை கிராமங்களில் உபயோகிப்பர்களோ என்னவோ விவரத்துக்கு நன்றி

Muthumohamed wrote:நல்ல தகவல்

இப்போதும் இந்த கோட்டை கிடைக்கிறதா ?

எந்த கோட்டை முத்து?
.
. ஆம் , நாட்டு மருந்து கடைகளில் கிடைக்கும்

சிவா wrote:தற்பொழுது பயன்பாட்டில் இல்லாத, பலரும் அறியாத தேற்றாங்கொட்டை பற்றி அறியத் தந்தமைக்கு நன்றி ராஜு! இதுவும் சுடுகொட்டையும் ஒன்றா அல்லது வெவ்வேறா?

சுடுகொட்டை வேறு தேற்றாங்கொட்டை வேறு தலைவரே.

எனக்கு தெரிந்து சுடுகொட்டை புண்களை ஆற்ற அரைத்து போட பார்த்திருக்கிறேன்.

ராஜு சரவணன் wrote:

சிவா wrote:தற்பொழுது பயன்பாட்டில் இல்லாத, பலரும் அறியாத தேற்றாங்கொட்டை பற்றி அறியத் தந்தமைக்கு நன்றி ராஜு! இதுவும் சுடுகொட்டையும் ஒன்றா அல்லது வெவ்வேறா?

சுடுகொட்டை வேறு தேற்றாங்கொட்டை வேறு தலைவரே.

எனக்கு தெரிந்து சுடுகொட்டை புண்களை ஆற்ற அரைத்து போட பார்த்திருக்கிறேன்.

ஆமாம் சிவா , சூடு கொட்டை என்பது கல்யாண முருங்கை அல்லது காக்கா பூ என்று நாம் சின்ன வயதில் சொல்லுவோமே அதன் கொட்டை . இந்த தேத்தாங்கொட்டை வேறு

பயனுள்ள தகவல், பகிர்தமைக்கு மிக்க நன்றி