சிரிப்பு + புன்னகை = சிறப்பு

by **பிஜிராமன்** Fri May 24, 2013 2:19 pm

கருமை நிற மேகம்
சிந்தும் மழைத்துளி போல்
நம்மில் புன்னகை சிந்திடனும்
அதில் பல முகங்கள் பூத்திடனும்

புன்னகை ஒன்றை மட்டும் - நம்முள்
பூட்டா திருந்திடனும் - பூட்டிய
புன்னகையால் - யாதொரு
பயனும் இல்லையங்கே - அங்ஙனம்
பூட்டிய நாட்களெல்லாம் - உலகில்
நாம் வாழா நாட்களன்றோ

விலங்கால் முடியாத - வித்தை
இதுவொன்றாம் - மனிதன்
தனக்கே எனப்பெற்ற - பெரும்
வரமும் இதுவேயாம்

சிரிப்போம் சிறப்பாக - சிந்தையில்
விதைப்போம் இதமாக - சிலநாள்
வரும் வலியால் - நாம்
சிரிப்பை மறக்காது - சிரித்தே
விரட்டிடுவோம் சிரிப்பை சிரித்தே வளர்த்திடுவோம்......