"விஜேந்தர் சிங் 12 முறை போதை மருந்து உட்கொண்டார்"

இந்தியாவின் பிரபல குத்துச்சண்டை வீரரும் ஒலிம்பிக் பதக்கம் வென்றவருமான விஜேந்தர் சிங்குக்கு, அவர் சிக்கியுள்ள போதை மருந்து பயன்பாடு தொடர்பான குற்றச்சாட்டுகளில் புதிய தலைவலிக்கு ஆளாகியுள்ளார்.
அனூப் சிங் என்ற வெளிநாடு வாழ் இந்தியரிடம் இருந்து போதை மருந்தை பெற்ற விஜேந்தர், 12 முறை ஹெராயின் உட்கொண்டுள்ளார் என்று தமது விசாரணைகளில் தெரியவந்துள்ளதாக பஞ்சாப் பொலிசார் தெரிவித்துள்ளனர்.
ஆனாலும் விஜேந்தர் சிங்கும் சக குத்துச்சண்டை வீரர் ராம் சிங்கும் இந்த போதை மருது கடத்தலில் நேரடியாகத் தொடர்புகொண்டுள்ளனர் என்று தமது விசாரணைகள் நிரூபிக்கவில்லை என்பதால் தற்போதைக்கு அவர்களைத் தாம் கைது செய்யவில்லை என்று பொலிசார் தெரிவித்துள்ளனர்.
ஆனால் தாங்கள் உட்கொள்வதற்காக விஜேந்தர் சிங்கும் ராம் சிங்கும் கடந்த நான்கு மாதங்களில் போதை மருத்து கடத்தல்காரர்களிடம் இருந்து ஹெராயின் வாங்கியுள்ளனர் என்பது விசாரணைகளில் நிரூபணமாகியதாக பொலிசார் கூறினர்.
போதை மருந்து வாங்குவதற்காக இவ்விரு குத்துச்சண்டை வீரர்களும் சேர்ந்து இருமுறை ஸிராக்புர் என்ற இடத்துக்கு சென்றுள்ளனர் என்றும் தமது விசாரணைகள் தெரிவிப்பதாக பொலிசார் குறிப்பிட்டனர்.
விஜேந்தரிடம் இருந்து பரிசோதனைக்காக இரத்தமும் ரோமமும் பெறுவதற்கான நீதிமன்ற நடவடிக்கைகள் ஆரம்பிக்கப்பட்டுள்ளதாக பொலிசார் தெரிவித்துள்ளனர்.
பரிசோதனைக்காக இரத்தம், ரோமம் ஆகியவற்றை கொடுப்பதற்கு விஜேந்தர் மறுத்திருந்தார்.
பதேகர் ஷாஹிப் பகுதியில் வைத்து போதை மருந்துகள் பறிமுதல் செய்யப்பட்ட வழக்கில் சர்வதேச சந்தையில் சுமார் ஐநூறு கோடி ரூபாய் விலை போகக்கூடிய அளவிலான போதை மருந்துகள் பிடிபட்டுள்ளன என்று பொலிசார் கூறூகின்றனர்.
கனடிய பிரஜைகள் இருவர் ஐக்கிய ராஜ்ஜிய பிரஜை ஒருவர் உட்பட 15 பேர் இந்த வழக்கு சம்பந்தமாக இதுவரை கைதுசெய்யப்பட்டுள்ளனர்.
பொலிசார் தெரிவித்துள்ள விடயங்கள் தொடர்பிலிருந்து விஜேந்தர் தரப்பில் பதில் எதுவும் இதுவரை தெரிவிக்கப்படவில்லை.
நன்றி BBC

என்னங்க ஐவரும் போதை மருந்து ஆசாமியா?