தோழியா? காதலியா ? (அல்லது) தோழனா? காதலனா

பசங்களுக்கு, பொண்ணுங்க மேல ஈர்ப்பு வர்றது பதினாலுஇல்ல பதினஞ்சு வயசா இருக்கலாம். அதுக்கு முன்னாடி வரைக்கும் பொம்பளை பிள்ளைகளை பாத்தா முறைச்சுகிட்டு போற பசங்க, அதுக்கு அப்புறம் பொண்ணுங்க முறைச்சாலும் அவங்க பின்னாடி அலைய ஆரம்பிக்கிறாங்க. பின்னாடி போற பொண்ணும் திரும்பி பாத்துட்டா அதுக்கு அப்புறம் அவங்களை கைல பிடிக்க முடியாது.
-
பின்னாடி போறதுக்கு அப்புறம் வர ஸ்டேஜ் பொண்ணுங்க கூட பேச முயற்சி பண்றது . அவங்களை நண்பர்களாக்க முயற்சி பண்றது . எப்பவுமே ஒரு பையனுக்கு, ஒரு பொண்ணு கூட பேசறது ஒரு சந்தோசமான விஷயம். கிட்டத்தட்ட பொண்ணுங்க கூட பேசுறதும் பசங்களுக்கு ஒரு போதை மாதிரிதான் . நெறைய பொண்ணுங்க நண்பர்களா இருந்தா அதுல பசங்களுக்கு ஒரு கர்வம். இப்படி பொண்ணுங்களை நண்பர்களாக்குற முயற்சி பள்ளி காலத்துல தொடங்கி, கல்லூரி, வேலை செய்யுற இடம்னு ஒரு முடிவுறா பயணமா போயிட்டு இருக்கும்.
http://1.bp.blogspot.com/-3TS5xem-VUc/UVXiL9xEDwI/AAAAAAAAAGA/8kMoEertxYg/s320/hrt-male-female-symbol.png
பொண்ணுங்க கூட பழகுறதும் ஒரு கலைதான். பசங்க இதுல இயல்பாவே சிலர் கில்லாடியா இருப்பாங்க. இந்த மாதிரி பசங்களை சுத்தி எப்பவுமே நாலு பொண்ணுங்க இருக்குமுங்க.ஆனா சில பசங்களுக்கு பொண்ணுங்க கூட பேசுறது எப்படின்னு சுட்டு போட்டாலும் வராது. இன்னும் சிலருக்கு பொண்ணுங்களை பாத்தாலே பேச்சு வராது. இவங்க மனசுல ஆசைய வச்சுகிட்டு, பொண்ணுங்க கூடபேசுற பசங்களை கடலைன்னு சொல்லி கலாய்ப்பாங்க. இப்படி பழகுனதுக்கு அப்புறம் அடுத்த ஸ்டேஜ் காதல்தான்.
-
முன்னாடி இருந்த தலைமுறைக்கு பொண்ணுங்க ஒரு வேற்றுகிரகவாசி மாதிரி. அவங்களுக்கு பொண்ணுங்க கூட பழகுற வாய்ப்பு ரொம்ப கம்மி. இதனால அந்த கால ஆளுங்க ஒரு பொண்ணு கூட பழகுற வாய்ப்பு கெடச்சா, அவங்களையே காதலிச்சு கல்யாணமும் செஞ்சுகிட்டாங்க. அந்த கால சினிமா நடிகர்கள் கூட நடிக்கிற நடிகைகளை கல்யாணம் செஞ்சுகிறதுக்கு அந்த காலத்துல இருந்த ஆண்-பெண் இடைவெளியே காரணம். ஆனா இப்போ பசங்க நெறைய பொண்ணுங்க கூட பழகுறதால அவங்களுக்கு பொண்ணுங்க ஒரு புதிர் இல்ல. இருக்குற தோழிகள்ள யாரை கல்யாணம் செஞ்சா பெஸ்ட்னு பாத்து லவ் பண்ண ஆரம்பிக்கிறாங்க. மத்தவங்களை தோழியாவே வச்சுகிறாங்க.
பசங்க மட்டும்தான் இப்படின்னு நெனைக்காதீங்க. பொண்ணுங்களையும் சும்மா சொல்ல கூடாது. அவங்களும் பசங்களை தேவைக்கு தகுந்த மாதிரி பயன்படுத்தறாங்க. கூட பழகுற பசங்க 'A' ஜோக் அடிச்சா கூட ரசிக்கிறாங்க .நண்பன்னு சொல்லி முடிஞ்சவரை ஊர் சுத்திட்டு,பையன் லவ்னு ஆரம்பிச்சா நண்பன்னு சொல்லி கழட்டி விட்டுடுறாங்க. ஒரு வேளை அவனே செட்டிலானவனா , குடும்பத்துக்கு ஏத்தவனா இருந்தா ஓகே சொல்லிடுறாங்க.
-
பொண்ணுங்க மாதிரி பழகவும் முடியாது;அவங்களை மாதிரி எல்லாத்தையும் மறந்துட்டு பிரிஞ்சு போகவும் முடியாது.தோழியா பழகுனாலும் சரி, காதலியா பழகுனாலும் சரி, கூட பழகுன பொண்ணு தள்ளி போறப்போ பசங்க அடையுற வலி ஜாஸ்தி. ஆனா அந்த மாதிரி பிரிவை சந்திக்க வேண்டியது வந்தாலும் அதை ரொம்ப சீக்கிரமா மறந்துட்டு அடுத்த பொண்ணை தேடுறதுதான் இன்னைக்கு நடக்குது.
-
மொத்ததுல ஹார்மோன் செய்யுற கலகத்தை காதல்னு நம்பி கல்யாணம் வரை போகாம , காதலையும் கல்யாணத்தையும் ரொம்ப தெளிவா பிரிச்சு பாக்குறதுதான் இன்றைய காதல். அப்படி பிரிக்கிறதுக்கு நட்பை ரொம்ப அழகா பயன்படுத்திக்கிறாங்க. பசங்க, பொண்ணுங்க இன்னைக்குரெண்டு பேரோட வழியும் இதுதான்.
-
குறிப்பு : ஒரு சில விதிவிலக்கான காதல்கள் இருக்கலாம். இங்கே சொல்லி இருப்பது மாநகர காதல்களுக்கே அதிகம் பொருந்தும்.
-
வத்திக்குச்சி வலைப்பூ