ஸ்பாட் பிக்சிங் சூதாட்டம்: போலீசில் ஸ்ரீசாந்தை சிக்க வைத்தது டிராவிட்?!!

**ராஜா** · **ராஜா** Mon 20 May 2013 - 13:16

ஐ.பி.எல். போட்டியில் விளையாடும் ராஜஸ்தான் ராயல்ஸ் அணியை சேர்ந்த ஸ்ரீசாந்த், அஜித் சண்டிலா, அங்கீட் சவான் ஆகிய 3 பேர் ஸ்பாட் பிக்சிங் சூதாட்டத்தில் ஈடுபட்டது கண்டுபிடிக்கப்பட்டது. இந்த 3 வீரர்களையும் டெல்லி போலீசார் கைது செய்து விசாரணை நடத்தி வருகிறார்கள்.

ஸ்பாட்பிக்சிங் சூதாட்டத்தால் அதிர்ச்சி அடைந்த இந்திய கிரிக்கெட் வாரியம் 3 வீரர்களையும் சஸ்பெண்டு செய்து நடவடிக்கை எடுத்துள்ளது. கிரிக்கெட் வாரியத்தின் ஊழல் தடுப்பு அதிகாரி ரவிசவானி தலைமையிலான விசாரணை குழுவும் அமைக்கப்பட்டுள்ளது.

இந்த குழுவின் அறிக்கை அடிப்படையில் 3 வீரர்கள் மீதும் இறுதிக்கட்ட நடவடிக்கை மேற்கொள்ளப்படும். இதேபோல் 3 வீரர்கள் மீது ராஜஸ்தான் ராயல்ஸ் அணி நிர்வாகம் போலீசில் கிரிமினல் புகாரும் அளித்து உள்ளது.

இந்த நிலையில் ஸ்பாட் பிக்சிங் சூதாட்டத்தில் ஈடுபட்ட ஸ்ரீசாந்தை ராஜஸ்தான் ராயல்ஸ் அணி கேப்டன் ராகுல் டிராவிட் சிக்க வைத்து இருக்கலாம் என்ற தகவல் வெளியாகி உள்ளது.

ஸ்ரீசாந்தின் செயல்பாட்டால் டிராவிட் அதிருப்தி அடைந்து இருந்தார். இதனால் கடந்த 9-ந்தேதி கிங்ஸ் லெவன் பஞ்சாப் அணிக்கு எதிரான ஆட்டத்தில் அவர் இடம் பெறுவதை விரும்பவில்லை. எப்படியோ அந்த ஆட்டத்தில் ஸ்ரீசாந்த் இடம் பெற்றுவிட்டார்.

அந்த ஆட்டத்தில்தான் அவர் தனது 2-வது ஓவரில் 13 ரன்களை விட்டுக் கொடுத்து ஸ்பாட் பிக்சிங் சூதாட்டத்தில் ஈடுபட்டார். இதற்காக ஸ்ரீசாந்த் ரூ.40 லட்சம் பணத்தை சூதாட்ட தரகரிடம் பெற்று இருக்கிறார்.

பஞ்சாப் அணிக்கு எதிரான ஆட்டத்துக்கு பிறகு ராஜஸ்தான் ஆடிய சென்னை (12-ந்தேதி), மும்பை (15-ந்தேதி) அணிகளுக்கு எதிராக ஸ்ரீசாந்த் சேர்க்கப்படவில்லை. மும்பையுடன் மோதிய ஆட்டத்துக்கு மறுநாள்தான் (16-ந்தேதி) ஸ்பாட் பிக்சிங் வழக்கில் ஸ்ரீசாந்த் கைதானார்.

மேலும் ஸ்ரீசாந்த் அணியில் இருந்து கடந்த 12-ந்தேதியே கழற்றி விடப்பட்டதாகவும் கூறப்படுகிறது. அவரது சண்டித்தனம் அதிகரித்ததால் சென்னை அணிக்கு எதிரான போட்டி முடிந்த பிறகு வீரர்கள் தங்கி இருந்த ஓட்டலை விட்டு வெளியேறுமாறு அணி நிர்வாகம் அவரை கேட்டுக் கொண்டுள்ளது.

ஸ்ரீசாந்தின் செயல்பாட்டில் சந்தேகம் அடைந்துதான் அவரை கேப்டன் டிராவிட் சிக்க வைத்து இருக்கலாம் என்று கூறப்படுகிறது. ராஜஸ்தான் அணி நிர்வாகி ஒருவர் இதை மறுத்துள்ளார். அவர் கூறும்போது மும்பைக்கு எதிரான ஆட்டத்தில் நீக்கப்பட்டதற்கும், ஓட்டலில் இருந்து வெளியேற்றப்பட்டதற்கும் ஸ்பாட் பிக்சிங் சந்தேகம் எதுவுமில்லை. தற்செயலாக எடுக்கப்பட்ட முடிவு. ஸ்பாட்பிக்சிங் நடந்து இருக்கலாம் என்ற எண்ணம் எதுவும் எங்களுக்கு அப்போது இல்லை என்றார்.

பாலாஜி · பாலாஜி Mon 20 May 2013 - 13:21

மும்பைக்கு எதிரான ஆட்டத்தில் நீக்கப்பட்டதற்கும், ஓட்டலில் இருந்து வெளியேற்றப்பட்டதற்கும் ஸ்பாட் பிக்சிங் சந்தேகம் எதுவுமில்லை. தற்செயலாக எடுக்கப்பட்ட முடிவு. ஸ்பாட்பிக்சிங் நடந்து இருக்கலாம் என்ற எண்ணம் எதுவும் எங்களுக்கு அப்போது இல்லை என்றார்.

ஸ்ரீசாந்த் என்றாலே சர்ச்சைதான் போல

யினியவன் · யினியவன் Mon 20 May 2013 - 13:25

அப்படியே டிராவிட் அவரை சிக்க வைத்திருந்தாலும் - அது இந்தியக் கிரிக்கெட்டுக்கு நல்லது தான்.

balakarthik · balakarthik Mon 20 May 2013 - 16:15

என்னது சிவாஜி செத்துட்டாரா சோகம்

ராஜு சரவணன் · ராஜு சரவணன் Mon 20 May 2013 - 16:28

balakarthik wrote:என்னது சிவாஜி செத்துட்டாரா

என் இவ்வளவு ஷாக் உங்களுக்கு கடன் கொடுத்த சிவாஜி தானே இறந்தார் புன்னகை

balakarthik · balakarthik Mon 20 May 2013 - 16:33

ராஜு சரவணன் wrote:
balakarthik wrote:என்னது சிவாஜி செத்துட்டாரா
என் இவ்வளவு ஷாக் உங்களுக்கு கடன் கொடுத்த சிவாஜி தானே இறந்தார்

கடன் கொடுத்த அவர் இறந்தாரோ இல்ல எனக்கு கடன் கொடுத்ததுனாலையே இறந்தாரோ எதுவா இருந்தாலு முதலில் ஷாக் ஆகணும் அப்புறம் பேக் ஓடனும் இது நான் கத்துகிட்ட பாலபாடம்

**Muthumohamed** · **Muthumohamed** Mon 20 May 2013 - 20:38

balakarthik wrote:
ராஜு சரவணன் wrote:
balakarthik wrote:என்னது சிவாஜி செத்துட்டாரா
என் இவ்வளவு ஷாக் உங்களுக்கு கடன் கொடுத்த சிவாஜி தானே இறந்தார்
கடன் கொடுத்த அவர் இறந்தாரோ இல்ல எனக்கு கடன் கொடுத்ததுனாலையே இறந்தாரோ எதுவா இருந்தாலு முதலில் ஷாக் ஆகணும் அப்புறம் பேக் ஓடனும் இது நான் கத்துகிட்ட பாலபாடம்