மனைவிக்காக முதியவர் கட்டும் குட்டி தாஜ்மகால்!

**krishnaamma** · **krishnaamma** Fri May 17, 2013 9:34 pm

ஷாஜகான் அவரது மனைவி மும்தாஜ் நினைவாக கட்டிய தாஜ் மகாலை போலவே ஒரு சிறிய தாஜ்மகாலை முதியவர் ஒருவர் அவரது மனைவி நினைவாக கட்டிவருகிறார்.

உத்தர பிரதேசத்தை சேர்ந்தவர், பைசுல் ஹசன் காதிரி (77) , இவரது மனைவி பேகம் டாஜ்முல்லி. இவர் கடந்த 2011 ஆம் ஆண்டு காலமானார். மனைவியின் மறைவிற்கு பிறகு அவரது நினைவாக ஒரு சிறிய தாஜ் மகாலை கட்ட துவங்கியுள்ள பைசுல்,அவருக்கு சொந்தமான 5000 சதுர அடி நிலத்தில், ஆக்ராவில் உள்ள நிஜ தாஜ்மகாலை போலவே அவளில் மட்டும் சிறிய தாஜ் மகாலை கட்டிவருகிறார்.

இதுவரை இந்த குட்டி தாஜ்மகாலுக்கு ரூ.20 லட்சம் வரை செலவு செய்துள்ள இவர், அவரது மனைவியின் நினைவகம் இந்த குட்டி தாஜ்மகாலின் மைய பகுதியில் அமையுமாறு வடிவமைத்துள்ளார்.

மனைவி மீது கொண்ட அதீத அன்பால், குட்டி தாஜ்மகாலை கட்டிவரும் பைசுல், தான் இறந்தபிறகு தன்னையும் மனைவியின் அருகில் அடக்கம் செய்யவேண்டுமென உயில் எழுதிவைத்திருப்பது குறிப்பிடத்தக்கது.