போதைச் சேற்றில் மனித நாற்றுகள் !!!

பூர்ணகுரு · பூர்ணகுரு Fri May 17, 2013 12:11 pm

அன்பு மழையில் நனைய அன்னை இருக்க

அறிவை மலையாய் ஈட்ட தந்தை இருக்க

ஆசைக்கு ஆசையாய் உரையாடி மகிழ உறவிருக்க

உள்ளம் உருக்கும் உயிர் வரைக்கும் காதலிருக்க

செல்லும் பாதைகள் வெல்லும் பாதையாக்க நட்பிருக்க

மனங்கள் மென்மையாக்கும் மழலை சிரிப்பிருக்க

கண்கள் குளிர காட்சியாய் இயற்கை வளங்களிருக்க

எண்ணம் தழைத்து ஏற்றம் காண உண்மை உழைப்பிருக்க

மது மாது புகை புகையிலை சுவைக்கும் மானிடா

போதை சேற்றில் மாட்டிக் கொண்ட மனித நாற்று நீயடா

மனம் வெம்புகிறது உள்ளம் வெதும்புகிறது எங்கே உன் வாழ்க்கை ...?

இன்று உனது சிற்றினிப்பு நாளை வாழ்வில் கசப்பின் சேமிப்பு

உடல் உபாதைகள் உள்ளக் குமுறல்கள் உயிரின் வலிகள்

மீண்டு வா வெளியில் வா உனக்காக காத்திருக்கு பரந்த உலகம்

உன்னால் முடிவது எது என எண்ணிப்பார் எதுவும் முடிவது உன்னால் என்று உனக்குள் கூறிப்பார்

ஆதரவற்றோர் தவிக்கவிடப் பட்ட முதியோர் வாழ்விழந்தோர்

உடல் வழுவிழந்தோர் மனநிலை வற்றியோர் என உனக்காக உனதன்பிற்காக ஏங்குதோர் தனி உலகம்

அவர்களைக் காண் அருகில் செல் அன்பு செலுத்து

அவ்வன்பில் அவர்களை வாழ வைப்பாய் அவர்களால் நீ வாழ்வாய்

வாழ்வை பெருக்கு வாழ்த்துக்கள் உனக்கு ...!