தர மேலாண்மை (Quality Management)

தரம் என்றால் என்ன?

தரம் என்பது பொதுவாக ஒரு குறிப்பிட்ட அளவு நேர்த்தியைக் குறிக்கிறது. அமெரிக்க தேசிய தரநிலைகள் ஸ்தாபனம் மற்றும் தரக்கட்டுப்பாற்றிற்கான அமெரிக்க சங்கம் தரம் என்பதை "ஒரு தயாரிப்பு அல்லது சேவை கொடுக்கப்பட்ட தேவைகளை திருப்திகரமாக பூர்த்தி செய்யகூடிய பொருள் அல்லது சேவையின் அம்சங்கள் மற்றும் இயற்பண்புகள் ஆகியவற்றின் மொத்தத்துவம்" என்று விளக்கமளிக்கிறது. ”.

தரம் என்பதை விளக்குவதில் இரண்டு முக்கியாமான பார்வைகள் உள்ளன, ஒன்று வாடிக்கையாளரிடமிருந்து வருவது, மற்றது தாயாரிப்பாளர் அல்லது உற்பத்தியாளரிடமிருந்து வருவது.

• வடிவமைப்பின் தரம் - வாடிக்கையாளர் பார்வையில் தரம் மற்றும் தயரிப்பில் வடிவமைத்தல் தரப் பண்புகளை ஈடுபடுத்துதல்

• பொருந்து நிலையின் தரம் - உற்பத்தியாளர் பார்வையிலிருந்து தரம் மற்றும் பொருள் வடிவமைப்பிற்கு இணங்க தயாரிக்கப்படுகிறதா என்பதை உறுதிசெய்யக்கோருவது. QOC-யை எட்டுவது என்பது உபகரணத்தின் வடிவமைப்பில் மேம்பாடு, இடுபொருட்கள், பயிற்சி, மேற்பார்வை மற்றும் கட்டுப்பாடு ஆகியவையாகும். கடையின் தள மட்டத்தில் தரமான வேலைத்திறனை மதிப்பீடு செய்ய இந்த தர விளக்கம் அடிப்படையை அமைத்துத் தருகிறது.

தரம் என்பது ஏன் முக்கியத்துவம் வாய்ந்தது?

கடந்த 20 ஆண்டுகளில் உற்பத்தித்தொழில் உலகம் நிறைய மாறியுள்ளது. அதாவது நிறுவனங்கள் சிறந்த போட்டித்திறனாக மாறுவதற்கும் சிறந்த போட்டியாக இருப்பதற்குமான சவால்கள் இந்த காலக்கட்டத்தில் அதிகம். போட்டி என்பதன் அடிப்படை வெறும் செலவுகளில் மட்டும் செலுத்தும் கவனம் அல்ல, மாறாக தரம், நெகிழ்வுத்தன்மை, டெலிவரி, சேவை, மற்றும் புதுமை ஆகிய முக்கிய வெற்றிக்காரணிகளில் கவனம் செலுத்துவது.

நிறுவனங்கள் ஏன் தரத்தை எட்ட விரும்புகின்றன? நல்ல தரத்தை பராமரிக்கும் நிறுவனம் கூடுதல் விலையை நிர்ணயிக்கலாம், மேலும் வாடிக்கையாளர்களால் நினைவில் வைத்துக்கொள்ளப்படும். ஆனால் தரம் எவ்வாறு லாபத்துடன் தொடர்புடையது? தரத்தை சாதிக்க என்ன செலவினங்கள் உள்ளன?

தயாரிப்பு, சேவை, நடைமுறை ஆகியவற்றில் நல்ல தரம், தரமான நிர்வாகத்தை நடைமுறைப்படுத்தும் நிறுவனங்கள் சந்தை லாபங்கள் (அதிக சந்தைப்பங்கீடு மற்றும் விலையால் விளைந்த பயன்) மற்றும் நிறுவனத்திற்கு நல்ல லாபங்களை பெற்றுத்தரும் செலவு மிச்சங்கள் (செயல்முறைகள் மற்றும் சேவைகளின் குறைந்த செலவு) ஆகியவற்றி பெறும்.

தரத்திற்கான செலவினங்கள் என்னன்ன?

ஆனால் தர நிலையை சாதிக்க சில செலவுகள் உள்ளன.

• தரக்கட்டுப்பாட்டு செலவுகள்.-குறைபாடுகள் நிகழ்வதை தடுக்க ஆகும் செலவுகள் உட்பட குறைபாடுகளை முற்றிலும் களைந்த நிலையை எட்ட நிறுவனத்திற்கு ஆகும் செலவுகள் ஆகியவையும் அடங்கும் நல்ல தரமுள்ள பொருட்கள், நடைமுறை,தொழில் நுட்பம் ஆகியவற்றோடு தரமான ஆய்வு ஆகியவற்றிற்கு நிறுவனம் முதலீடு செய்த தொகையும் அடங்கும்.

• தரத்தை கட்டுப்படுத்தாதால் ஏற்படும் செலவுகள் - ஒரு நிறுவனம் தனது தர இலக்கை எட்டுவதில் தோல்வி அடைந்தால், மோசமான பொருள் அல்லது சேவை ஆகியவற்றால் வாடிக்கையாளர் அதிருப்தி அடைதல் போன்றவற்றால் ஏற்படும் செலவுகளை குறிக்கிறது. உள் மற்றும் வெளி தோல்விக்கான செலவுகளையும் இது உள்ளடக்குகிறது.

தரத்தை எவ்வாறு நிர்வாகம் செய்வது?

ஒட்டுமொத்த தர மேலாண்மை(TQM) தரத்தை நிர்வகிப்பதில் முக்கியமாக கருதப்படுகிறது TQM தனது பாடங்களை கீழ்வரும் துறைகளின் வழியாக பெறுகிறது - புள்ளியியல், நிறுவனவியல் கோட்பாடு, உத்திபூர்வ மேலாண்மை மற்றும் தொழிற்சாலை அமைப்பாக்கம். TQM ஐ நடைமுறைப்படுத்தும் நிறுவனத்தின் முயற்சி நிர்வாக உத்திகளைப் பயன்படுத்தி குறுக்குசால் செயல்முறை குறிக்கோள்களை நோக்கியும், உற்பத்திதிறன் மேம்பாட்டு முயற்சிகள் மற்றும் பல்வேறு பிரச்சனை தீர்க்கும் உபாயங்கள் மற்றும் உத்திகளைக் கடைபிடிப்பது ஆகியவையை இலக்காக கொண்டது. TQM --இன் உடனடியான குறிக்கோள் எல்லா நேரங்களிலும் வாடிக்கையாளர் திருப்தியை சாதிப்பது.

உங்கள் நிறுவனம் TQM -ஐ கடைபிடிக்க திட்டமிட்டால், 12 முக்கிய பரிந்துரைகள் கீழே வழங்கப்படுகிறது:

• தரத்தை கடைபிடிக்க உறுதியாக உள்ளீர்களா?

• தரத்திற்காக திட்டமிடுவீர்களா?

• உங்கள் நிறுவனம் வாடிக்கையாளர் சேவை நோக்கியதா?

• பொருள் வழங்குவோர் தரத்தை உங்கள் நிறுவனம் நிர்வகிக்கிறதா?

• உங்கள் மக்கள் தரத்தில் கண்ணும் கருத்துமாக உள்ளனரா?

• தரத்திற்காக பணியாளர்களுக்கு பயிற்சி அளிப்பீர்களா?

• உங்கள் பணியிடம் ஒருங்கமைக்கப்பட்ட ஒரு ஒழுங்குமுறையில் இருக்குமா?

• உங்கள் தயாரிப்பு வடிவமைப்பில் தரம் என்பது ஒருங்கிணைக்கப்பட்டதா?

• உங்கள் உங்கள் தொழில் நடைமுறைகளில் தரம் என்பது ஒருங்கிணைக்கப்பட்டதா?

• தரத்தை அளவிட்டு உங்கள் நிறுவனம் கண்காணிக்கிறதா?

• அனைத்திலும் சிறந்ததை தங்களது உச்சபட்ச இலக்காக உங்கள் நிறுவனம் கொண்டுள்ளதா?

• உங்கள் நிறுவனம் தனது தர/உற்பத்தித்திறன் முயற்சிகளை தக்கவைக்குமா?

நன்றி smetoolkit