மீனவர் சுட்டுகொல்லப்பட்ட சம்பவம் எதிரொலி - பிலிப்பைன்ஸ் நாட்டுக்கான தூதரை திரும்ப அழைத்தது தைவான் அரசு

தைவான் நாட்டு மீனவரான ஹங் ஷி செங், கடந்த வாரம் தைவான் மற்றும் பிலிப்பைன்ஸ் நாட்டு கடல் எல்லையில் மீன்பிடித்துக் கொண்டிருந்தபோது, பிலிப்பைன்ஸ் கடலோரக் காவல் படையினரால் சுட்டுக் கொல்லப்பட்டார். இரு நாடுகளுமே தங்களின் எல்லைக் கோட்டிற்குள் நடந்த சம்பவம் என்று கூறினாலும், தைவான் அரசு மன்னிப்பு கேட்க மூன்று நாட்கள் கெடு விதித்திருந்தது.

மூன்று நாட்கள் காலக்கெடுவின் கடைசி நாளான இன்று, தைவான் அரசிடம் பிலிப்பைன்ஸ் தூதர் அந்தோனியோ பசிலியோ மன்னிப்புக் கோரியுள்ளார். மேலும், இறந்த மீனவரின் குடும்பத்திற்கு பிலிப்பைன்ஸ் அரசு தகுந்த இழப்பீட்டுத் தொகை வழங்குவதாகவும், இரு நாடுகளின் விசாரணைக்கு ஒத்துழைப்பதாகவும் தெரிவித்தார்.

ஆயினும், இந்த மன்னிப்பு மேலிடத்திலிருந்து முறையாக வரவில்லை என்றும், இதில் நேர்மை இல்லை என்றும் கருதிய தைவான் அதிபர் மா இங் ஜியோ, தனது அதிருப்தியை வெளியிட்டுள்ளார். இதன் விளைவாக, பிலிப்பைன்ஸ் நாட்டில் உள்ள தைவான் நாட்டுத் தூதரைத் திரும்ப அழைத்துள்ளார். மேலும், பிலிப்பைன்சிலிருந்து தைவானுக்கு பணிக்கு வருபவர்களையும் தைவான் அரசு நிறுத்தி வைத்துள்ளது.

அதுமட்டுமில்லாமல், பிலிப்பைன்ஸ் நாட்டுத் தூதரை அந்நாட்டிற்குத் திரும்பிச் சென்று, இந்த வழக்கினை சரிவர நடத்த ஒத்துழைக்கும்படியும் கேட்டுக்கொண்டுள்ளதாக அதிபரின் தகவல் பெண் அதிகாரி தெரிவித்துள்ளார்.

இதற்கிடையே மீனவர் கொல்லப்பட்டதற்கு முறைப்படி மன்னிப்பு கோருவதற்காக, பிலிப்பைன்ஸ் அதிபர் தனது பிரதிநிதி ஒருவரை தைவானுக்கு அனுப்பியிருக்கிறார்.

-maalaimalar

தம் குடிமக்கள் மீது நாடு எவ்வளவு அன்பு வைத்துள்ளது என்பதற்கு தைவான் உதாரணம்.

ராஜா wrote:தம் குடிமக்கள் மீது நாடு எவ்வளவு அன்பு வைத்துள்ளது என்பதற்கு தைவான் உதாரணம்.

நம்ம மேல இந்தியா எந்த அளவிற்கு அன்பு வைத்துள்ளது என்பதை இதை வைத்து அளக்கலாம்.

ராஜு சரவணன் wrote:

ராஜா wrote:தம் குடிமக்கள் மீது நாடு எவ்வளவு அன்பு வைத்துள்ளது என்பதற்கு தைவான் உதாரணம்.

நம்ம மேல இந்தியா எந்த அளவிற்கு அன்பு வைத்துள்ளது என்பதை இதை வைத்து அளக்கலாம்.

இதுக்கு மேல பேசினோம் என்றால் இந்திய இறையாண்மைக்கு எதிரா பேசினோம் என்று சொல்லுவார்கள்.

இந்தியாவும் இருக்கிறதே

தமிழர் நலன் மீது நடுவன்அரசு எவ்வளவு அக்கறை கொண்டுள்ளது என்பதற்கு இது உதாரணம் ..

கர்நாடக தேர்தலில் தமிழர் அதிகம் வசிக்கும் பகுதிகளில் காங்கிரஸ் வெற்றி பெற்ற போது மனதிற்கு மிக கஷ்டமாக இருந்தது

பாலாஜி wrote:தமிழர் நலன் மீது நடுவன்அரசு எவ்வளவு அக்கறை கொண்டுள்ளது என்பதற்கு இது உதாரணம் ..

கர்நாடக தேர்தலில் தமிழர் அதிகம் வசிக்கும் பகுதிகளில் காங்கிரஸ் வெற்றி பெற்ற போது மனதிற்கு மிக கஷ்டமாக இருந்தது

அவர்களின் சூழ்நிலை அது