கோவையில் 35 அடி தூரத்துக்கு வீட்டை நகர்த்தி சாதனை

**ராஜா** · **ராஜா** Tue May 14, 2013 11:30 am

கோவையில் ஒரு வீட்டை 35 அடி தூரத்திற்கு நகர்த்தி தனியார் நிறுவனம் சாதனை படைத்துள்ளது. வீட்டு உரிமையாளரின் தந்தை ஆறுச்சாமி கூறியதாவது:-

கோவை மேட்டுப்பாளையம் சாலையில் எனது மகன் தங்கவேலுக்கு சொந்தமாக 2400 சதுர அடி பரப்பளவில் முதல் தளத்துடன் கூடிய வீடு உள்ளது.

கடந்த 2000-ம் ஆண்டு கட்டப்பட்ட வீட்டின் தற்போதைய மதிப்பு ரூ. 70 லட்சம் ஆகும். வீட்டின் முன்புறம் தங்கவேலுக்கு சொந்தமாக உள்ள காலி இடத்தில் வணிக வளாகம் கட்ட முடிவு செய்யப்பட்டது. ஆனால் வணிக வளாகம் கட்டுவதற்கு 40 அடி அளவிற்கு இடப்பற்றாக்குறை ஏற்பட்டது. இதற்காக வீட்டை இடித்து புதிய வீடு கட்டினால் ரூ. 1 கோடிக்கு மேல் செலவு ஆகும் என தெரிவிக்கப்பட்டது.

இந்த நிலையில் சில மாதங்களுக்கு முன்பு அரியானாவை சேர்ந்த டி.டி.பி.டி. நிறுவனத்தினர் சாயிபாபா காலனியில் உள்ள ஒரு வீட்டை சில அடிகள் உயர்த்தினர்.

இதையடுத்து டி.டி.பி.டி. நிறுவனத்தை தொடர்புகொண்டு கேட்டபோது தங்கவேலு வீட்டை இடிக்காமல் எவ்வித பாதிப்பும் இன்றி நகர்த்தி தர உறுதியளித்தனர். இதற்கு ரூ.20 லட்சம் வரை செலவாகும் எனவும் தெரிவித்தனர்.

எனவே வீட்டை இடிக்காமல் நகர்த்துவது என முடிவு செய்யப்பட்டு பிப்ரவரி மாதம் பணி தொடங்கியது. இதற்காக 300 ஜாக்கிகள் மூலம் சுமார் 1.5 அடிக்கு உயர்த்தி அஸ்தி வாரத்தை துண்டித்து செங்கல் வைக்கப்பட்டது. பின்னர் 300 ரோலர்கள் பொருத்தப்பட்டு ஒரு நாளைக்கு 3 முதல் 4 அடி வரை வீட்டை பின்னோக்கி நகர்த்தி வருகின்றனர். இந்த வீட்டின் கழிவு நீர் தொட்டி இணைப்பு மட்டும் துண்டிக்கப்பட்டுள்ளது. குடிநீர், மின்சாரம் உள்ளிட்ட இணைப்புகள் துண்டிக்கப் படவில்லை. ஜன்னல், கதவு போன்றவையும் அகற்றப்படவில்லை. தற்போது 15 பணியாளர்கள் உதவியுடன் 35 அடி தூரத்திற்கு வீடு தகர்த்தப்பட்டுள்ளது.

இவ்வாறு அவர் கூறினார்.

டி.டி.பி.டி. நிறுவனத்தின் நிர்வாக இயக்குனர் சுஷில் ஷிசோடியா கூறும்போது, இதுவரை சுமார் 150 டன் எடையுள்ள வீடுகளை மட்டுமே நகர்த்தியுள்ளோம். முதல் தளத்துடன் 400 டன் எடையுடன் கூடிய கட்டிடத்தை இப்போதுதான் முதல் முறையாக நகர்த்தி வருகிறோம். வீட்டின் சுவர்களுக்கு பாதிப்பு இல்லாமல் 35 அடி தூரத்திற்கு நகர்த்தியுள்ளோம். மே மாத இறுதிக்குள் 50 அடி தூரத்திற்கு நகர்த்தி புதிதாக கட்டப்பட்டுள்ள அஸ்திபாரத்தில் வீடு நிலை நிறுத்தப்படும் என்றார்.

-maalaimalar

ராஜு சரவணன் · ராஜு சரவணன் Tue May 14, 2013 12:04 pm

நல்ல Engineering சம்பத்தப்பட்ட பதிவு புன்னகை

**சிவா** · **சிவா** Tue May 14, 2013 5:03 pm

சாதனைதான்!

நானும் என் வீட்டை இவ்வாறு நகர்த்த வேண்டும், ஆனால் வீட்டின் மதிப்பு 2 லட்சம், நகர்த்துவதற்கு 20 லட்சம் என்றால் எப்படித்தான் நகர்த்துவது?

யினியவன் · யினியவன் Tue May 14, 2013 5:06 pm

ஒ ஓனருக்கு தெரிஞ்சே தானா?

சூப்பருங்க

யினியவன் · யினியவன் Tue May 14, 2013 5:06 pm

சிவா wrote:சாதனைதான்!

நானும் என் வீட்டை இவ்வாறு நகர்த்த வேண்டும், ஆனால் வீட்டின் மதிப்பு 2 லட்சம், நகர்த்துவதற்கு 20 லட்சம் என்றால் எப்படித்தான் நகர்த்துவது?

மடிச்சு சூட் கேசில் வச்சுட்டு நீங்களே மாத்திடுங்க பாஸ்

**சிவா** · **சிவா** Tue May 14, 2013 5:13 pm

யினியவன் wrote:
சிவா wrote:சாதனைதான்!

நானும் என் வீட்டை இவ்வாறு நகர்த்த வேண்டும், ஆனால் வீட்டின் மதிப்பு 2 லட்சம், நகர்த்துவதற்கு 20 லட்சம் என்றால் எப்படித்தான் நகர்த்துவது?
மடிச்சு சூட் கேசில் வச்சுட்டு நீங்களே மாத்திடுங்க பாஸ்

நீங்கள் சொல்வது வீடு காலி செய்வது?

தளிர் அலை · தளிர் அலை Tue May 14, 2013 5:30 pm

ம்ம்ம்... இப்படி வீட்டையே நகர்த்த முடியுமா...!!! பலே.. பலே!!! மகிழ்ச்சி

யினியவன் · யினியவன் Tue May 14, 2013 5:40 pm

சிவா wrote:நீங்கள் சொல்வது வீடு காலி செய்வது?

வாடகை வீட்ட மாத்தினா ஒனறு அடிப்பாரு

Aarthi Krishna · Aarthi Krishna Tue May 14, 2013 7:53 pm

35 அடி தூரத்துக்கு வீட்டை நகர்த்தி சாதனை

கோவையில் வீட்டை 35 அடி தூரத்திற்கு நகர்த்தி தனியார் நிறுவனம் சாதனை படைத்துள்ளது.
இது குறித்து வீட்டு உரிமையாளரின் தந்தை ஆறுச்சாமி கூறியது: கோவை மேட்டுப்பாளையம் சாலையில் எனது மகன் தங்கவேலுக்கு சொந்தமாக 2400 சதுர அடி பரப்பளவில் முதல் தளத்துடன் கூடிய வீடு உள்ளது. கடந்த 2000-ஆவது ஆண்டு கட்டப்பட்ட வீட்டின் தற்போதைய மதிப்பு ரூ.70 லட்சம் ஆகும்.
வீட்டின் முன்புறம் தங்கவேலுக்கு சொந்தமாக உள்ள காலி இடத்தில் வணிக வளாகம் கட்ட முடிவு செய்யப்பட்டது. ஆனால் வணிக வளாகம் கட்டுவதற்கு 40 அடி அளவிற்கு இடப் பற்றாக்குறை ஏற்பட்டது. இதற்காக வீட்டை இடித்து புதிய வீடு கட்ட ரூ. 1 கோடிக்கு மேல் செலவு ஆகும் என தெரிவிக்கப்பட்டது.
இந்நிலையில், சில மாதங்களுக்கு முன்பு ஹரியாணாவை சேர்ந்த டி.டி.பி.டி. நிறுவனத்தினர், சாயிபாபா காலனியில் உள்ள ஒரு வீட்டை சில அடிகள் உயர்த்தினர்.
இதையடுத்து டி.டி.பி.டி. நிறுவனத்தை தொடர்பு கொண்டு கேட்டபோது, தங்கவேலு வீட்டை இடிக்காமல் எவ்வித பாதிப்பும் இன்றி இடமாற்றம் செய்ய அவர்கள் உறுதியளித்தனர். இதற்கு ரூ.20 லட்சம் வரை செலவாகும் எனவும் தெரிவித்தனர்.
எனவே வீட்டை இடிக்காமல் இடமாற்றுவது என முடிவு செய்யப்பட்டு, பிப்ரவரி மாதம் பணி தொடங்கியது.
இதற்காக 300 ஜாக்கிகள் மூலம் சுமார் 1.5 அடிக்கு வீட்டை உயர்த்தி அஸ்திவாரத்தை துண்டித்து செங்கல் வைக்கப்பட்டது. பின்னர் 300 ரோலர்கள் பொருத்தப்பட்டு, ஒரு நாளைக்கு 3 முதல் 4 அடி வரை வீட்டை பின்னோக்கி நகர்த்தி வருகின்றனர்.
இந்த வீட்டின் கழிவுநீர் தொட்டி இணைப்பு மட்டும் துண்டிக்கப்பட்டுள்ளது. குடிநீர், மின்சாரம் உள்ளிட்ட இணைப்புகள் துண்டிக்கப்படவில்லை. ஜன்னல், கதவு போன்றவையும் அகற்றப்படவில்லை. தற்போது 15 பணியாளர்கள் உதவியுடன் 35 அடி தூரத்திற்கு வீடு நகர்த்தப்பட்டுள்ளது என்றார் அவர்.
டி.டி.பி.டி. நிறுவனத்தின் நிர்வாக இயக்குநர் சுஷில் ஷிசோடியா கூறியது: இது வரை சுமார் 150 டன் எடையுள்ள வீடுகளை மட்டுமே நகர்த்தியுள்ளோம். முதல் தளத்துடன் 400 டன் எடையுடன் கூடிய கட்டடத்தை இப்போதுதான் முதல் முறையாக நகர்த்தி வருகிறோம்.
வீட்டின் சுவர்களுக்கு பாதிப்பு இல்லாமல் 35 அடி தூரத்திற்கு நகர்த்தியுள்ளோம். மே மாத இறுதிக்குள் 50 அடி தூரத்திற்கு நகர்த்தி, புதிதாக கட்டப்பட்டுள்ள அஸ்திவாரத்தில் வீடு நிலைநிறுத்தப்படும் என்றார்.

--தினமணி

**krishnaamma** · **krishnaamma** Tue May 14, 2013 7:56 pm

நல்ல முயற்சி புன்னகை

Sponsored content · Sponsored content

கோவையில் 35 அடி தூரத்துக்கு வீட்டை நகர்த்தி சாதனை

கோவையில் 35 அடி தூரத்துக்கு வீட்டை நகர்த்தி சாதனை

Re: கோவையில் 35 அடி தூரத்துக்கு வீட்டை நகர்த்தி சாதனை

Re: கோவையில் 35 அடி தூரத்துக்கு வீட்டை நகர்த்தி சாதனை

Re: கோவையில் 35 அடி தூரத்துக்கு வீட்டை நகர்த்தி சாதனை

Re: கோவையில் 35 அடி தூரத்துக்கு வீட்டை நகர்த்தி சாதனை

Re: கோவையில் 35 அடி தூரத்துக்கு வீட்டை நகர்த்தி சாதனை

Re: கோவையில் 35 அடி தூரத்துக்கு வீட்டை நகர்த்தி சாதனை

Re: கோவையில் 35 அடி தூரத்துக்கு வீட்டை நகர்த்தி சாதனை

35 அடி தூரத்துக்கு வீட்டை நகர்த்தி சாதனை

Re: கோவையில் 35 அடி தூரத்துக்கு வீட்டை நகர்த்தி சாதனை

Re: கோவையில் 35 அடி தூரத்துக்கு வீட்டை நகர்த்தி சாதனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக