பணத்தால் நிச்சயிக்கப்படும் இன்றைய திருமணம்

by **அகல்** Mon May 13, 2013 9:03 pm

First topic message reminder :

ஒரு பெண் தனக்கு வரும் எதிர்கால கணவனிடம் என்ன எதிர்பார்க்கிறாள் என்பதை ஒரு திருமண (மேட்ரிமோனி) இணையதளத்தில் இருந்து இரண்டு நாட்களுக்கு முன் என் நண்பன் காட்டினான். அவள் ஒரு MBBS பட்டதாரி. ஆனால் வேலை செய்யவில்லை. மணமகனிடம் அவளுடைய எதிர்பார்ப்புகள் கீழே உள்ளவாறு குறிப்பிடப்பட்டிருந்தது.

"மருத்துவத்தில் முதுகலைப் பட்டம் பெற்ற, வெளிநாட்டில் பெரிய அளவில் செட்டில் ஆனா அல்லது இந்தியாவில் சொந்தமாக பெரிய மருத்துவமனை வைத்துள்ள அல்லது வருடம் குறைந்தது ஒரு கோடி வருமானம் உடைய ஒரு வரன் வேண்டும் என்று குறிப்பிடப்பட்டிருந்தது"

திருமண வாழ்க்கைக்கு முக்கிய கருப் பொருளான வரனின் குண நலன்களையோ, குடும்பத்தையோ பற்றி ஒரு வார்த்தைகூட குறிப்பிடாமல், இவ்வாறு அந்தப் பெண் சொல்லியதைப் பார்த்தவுடன் எனக்கு மனதில் தோன்றியது ஒன்றே ஒன்றுதான்...

"உனது எதிர்பார்ப்பிற்கு நீ திருமணம் செய்துகொள்ள வேண்டியது பணம் அச்சடிக்கும் மெசினே தவிர ஒரு ஆணை அல்ல"

[இந்த கூற்று, பணம்/ வரதட்சணை எதிர்பார்த்து பெண் தேடும் அத்தனை ஆண்களுக்கும் பொருந்தும்]

Original Source : http://kakkaisirakinile.blogspot.in/2013/05/blog-post_3649.html

அன்புடன்,
அகல்

சதாசிவம் wrote:"இல்லானை ஈன்ற தாயும் விரும்பாள்" என்ற பாடலே நினைவுக்கு வருகிறது. திருமணத்தில் கொடுக்கல் வாங்கல் பல தலைமுறையாக இருந்துள்ளது. இது புதிதல்ல.

வினையும், பொருள் ஈட்டலும் ஆணுக்கு கடமையேன சங்கம் புகல்கிறது. இந்நிலையில் அதிக பொருளீட்டுபவன், மதிப்பு மிக்க சந்தைப் பொருளாகிப் போகிறான். இதை அதிகம் விலை கொடுத்து வாங்க போட்டி நிலவுகிறது. போட்டிநிலவும் பொருளில் விற்பவன் அதிக விலைக்கே விற்க முயற்சிப்பான், வாங்குபவன் தன் வாங்கும் திறத்தை பொறுத்து பொருளில் தரத்தை ஏற்றுக்கொள்கிறான். இதுவே இன்றைய திருமண உலகம். ஒரு சில சதவீதம் மட்டுமே குணத்தை தேடுகின்றனர்.

எட்டு அடுக்கு மாளிகை வைத்தோர் ஏழையை மணந்தார் என்பதை கதையில் மட்டுமே
பார்க்க இயலும். இனம் இனத்தோடு சேரும் என்பது போல் பணம் பணத்தோடு சேர்கிறது.

குணம் ஒரு தேவையற்ற பொருளாய் இன்றைக்கு திருமணச் சந்தையில் பேசப்படுகிறது. மாறிவரும் சுழலில் அனைத்தையும் லாப நோக்கத்தோடு பார்க்கும் அவல நிலைக்கு நம்மை சமுதாயம் தள்ளுகிறது, இல்லை நாம் சமுதாயத்தை தள்ளுகிறோம். படிப்பு மருத்துவம், சமூகச் சேவை இவை அனைத்திலும் லாபம் பார்க்கும் கூட்டம் பெருகி உள்ளது.
சிறு உறவுகளின் அதீத தேவையே இந்த மாற்றத்துக்கு காரணம்.

போதும், எல்லாம் அவன் செயல், பாவம், புண்ணியம், நற்குணங்கள் இவை எதுமே இன்றைக்கு பலரிடத்தில் இல்லை. இது திருமணத் தேடுதலிலும் பிரதிபலிக்கிறது

மிகவும் நன்றாகச் சொன்னீர் தம்பி சதாசிவம் மகிழ்ச்சி

by **அகல்** Tue May 14, 2013 10:50 am

சதாசிவம் wrote:
குணம் ஒரு தேவையற்ற பொருளாய் இன்றைக்கு திருமணச் சந்தையில் பேசப்படுகிறது. மாறிவரும் சுழலில் அனைத்தையும் லாப நோக்கத்தோடு பார்க்கும் அவல நிலைக்கு நம்மை சமுதாயம் தள்ளுகிறது, இல்லை நாம் சமுதாயத்தை தள்ளுகிறோம். படிப்பு மருத்துவம், சமூகச் சேவை இவை அனைத்திலும் லாபம் பார்க்கும் கூட்டம் பெருகி உள்ளது.
சிறு உறவுகளின் அதீத தேவையே இந்த மாற்றத்துக்கு காரணம்.

போதும், எல்லாம் அவன் செயல், பாவம், புண்ணியம், நற்குணங்கள் இவை எதுமே இன்றைக்கு பலரிடத்தில் இல்லை. இது திருமணத் தேடுதலிலும் பிரதிபலிக்கிறது

முற்றிலும் உண்மை...

by சதாசிவம் Tue May 14, 2013 10:57 am

ராஜுவின் கருத்தை முழுமையாக ஏற்கிறேன். இதை நான் என் சொந்த அனுபவத்தில் பெண் பார்க்கும் பொழுது படித்தவை, (பட்டவை)

பெண்களின் எண்ணிக்கை குறைவு என்பதை விட, திருமணத்துக்கு தயாராகும் பெண்களின் எண்ணிக்கை குறைவு என்பதே முழு உண்மை. முன்பெல்லாம் 18-20 தொடங்கினாலே திருமணப் பேச்சை ஆரம்பித்து 22-25 குள் முடித்து விடுவர். ஆனால் இன்று 27-30 தில் கூட பெண்கள் திருமணத்தை தாமதப் படுத்த விரும்புகின்றனர். வேலைக்கு செல்லும் பெண்ணாக இருந்தால் சொல்லத் தேவையில்லை. இதனால் அது சரியில்லை இது சரியில்லை என்று best out of worst என்ற மனநிலையிலே மாப்பிள்ளை பார்க்க ஆரம்பிக்கின்றனர். அக்கம் பக்கம் உள்ளவர்கள் ஏதோ கேள்வி கேட்பார்கள் என்று 23-25 வயதில் தேடும் படலத்தை ஆரம்பித்து ஆண்களை இம்சிக்கின்றனர்.

by யினியவன் Tue May 14, 2013 11:01 am

ராஜு சரவணன் wrote:
நான் மூன்று கல்யாணம் நடத்தி பார்த்தவன் (அதனால் என்னை வயசான ஆளுன்னு நினைக்காதீங்க).

கிளியரா சொல்லுங்க ராஜு - இதப் படிச்சிட்டு நீங்களே மூணு கல்யாணம் பண்ணினவருன்னு நெனச்சிடப் போறோம் புன்னகை

by **ராஜா** Tue May 14, 2013 11:07 am

தற்போதைய காலநிலையில் திருமண சந்தையில் போட்டியாளர்கள் அதிகமாக இருக்கிறார்கள்.

இதே ஒரு 20 வருடத்திற்கு முன் என்றால் ஒரு டாக்டர் பெண்ணுக்கு MD படித்த மாப்பிள்ளை தமிழ்நாட்டில் மொத்தமே ஒரு 200 அல்லது அதற்கும் குறைவாக தான் இருந்திருப்பார்கள் , இன்று நிலை வேறு தெருவிற்கு 4 (MD.MS.FRCS .... etc ) இருக்கிறார்கள். இந்த நிலையில் இருப்பவர்களிலேயே best ஆக தேர்ந்தெடுக்க வேண்டுமென தான் நினைப்பார்கள். அதற்காக மருத்துவத்தில் முதுகலை படித்த கொஞ்சம் கூட நல்ல குணமே இல்லாத ஒருவனை திருமணம் செய்வார்கள் என்பது முற்றிலும் ஏற்றுக்கொள்ளமுடியாது.

by ராஜு சரவணன் Tue May 14, 2013 11:58 am

யினியவன் wrote:
ராஜு சரவணன் wrote:
நான் மூன்று கல்யாணம் நடத்தி பார்த்தவன் (அதனால் என்னை வயசான ஆளுன்னு நினைக்காதீங்க).
கிளியரா சொல்லுங்க ராஜு - இதப் படிச்சிட்டு நீங்களே மூணு கல்யாணம் பண்ணினவருன்னு நெனச்சிடப் போறோம்

இந்த பிரச்னை வரும் என்று தெரிந்து தான் "கல்யாணம் நடத்தி பார்த்தவன் " என்று சொன்னேன் பாஸ்.

வாயகிண்டி வீட்ல உலை வைக்கலாம் என்று நினைக்காதீங்க, நாங்கெல்லாம் ரொம்ப உசாரு.. புன்னகை

by யினியவன் Tue May 14, 2013 12:13 pm

ராஜு சரவணன் wrote:
இந்த பிரச்னை வரும் என்று தெரிந்து தான் "கல்யாணம் நடத்தி பார்த்தவன் " என்று சொன்னேன் பாஸ்.

வாயகிண்டி வீட்ல உலை வைக்கலாம் என்று நினைக்காதீங்க, நாங்கெல்லாம் ரொம்ப உசாரு..

இப்பல்லாம் அவங்க அவங்களுக்கே நடத்தி பார்க்கறது தான் பேஷன் பாஸ்

by ராஜு சரவணன் Tue May 14, 2013 12:28 pm

யினியவன் wrote:
ராஜு சரவணன் wrote:
இந்த பிரச்னை வரும் என்று தெரிந்து தான் "கல்யாணம் நடத்தி பார்த்தவன் " என்று சொன்னேன் பாஸ்.

வாயகிண்டி வீட்ல உலை வைக்கலாம் என்று நினைக்காதீங்க, நாங்கெல்லாம் ரொம்ப உசாரு..
இப்பல்லாம் அவங்க அவங்களுக்கே நடத்தி பார்க்கறது தான் பேஷன் பாஸ்

ஓ.. அறுபதாம் கல்யாணத்தை பற்றி சொல்லிறீங்க போல