“கறுப்பு 505” – பினாங்கு எதிர்ப்புப் பேரணியில் அன்வார் தலைமையில் 150,000 பேர் திரண்டனர்.

http://www.selliyal.com/wp-content/uploads/2013/05/Anwar-Batu-Kawan-12-May-2.jpg

கிளானா ஜெயாவில் கடந்த மே 8ஆம் தேதி பொதுத் தேர்தல் முறைகேடுகளை எதிர்த்து நடைபெற்ற மாபெரும் பேரணியில் ஒன்றரை லட்சம் பேர் கலந்து கொண்டதை அடுத்து, நேற்று பினாங்கில் பத்து கவான் நகரில் நடைபெற்ற எதிர்ப்பு பேரணியிலும் சுமார் ஒன்றரை லட்சம் பேர் திரண்டனர்.

பொதுத் தேர்தலில் முறைகேடுகள் நடந்ததாகவும் அதற்கு தேசிய முன்னணியும், தேர்தல் ஆணையமும் துணை போனதாகவும் கூறி அன்வார் இப்ராகிமும் மக்கள் கூட்டணியும் நாடு முழுமையிலும் நடத்திவரும் எதிர்ப்புப் பேரணிகளுக்கு ‘கறுப்பு 505’ எனப் பெயர் வைத்திருக்கின்றனர்.

நேற்று பினாங்கின் பத்து கவான் நகரில் நடைபெற்ற பேரணியில் பக்கத்து மாநிலங்களான கெடா, பேராக் மாநிலங்களிலிருந்தும் ஆயிரக்கணக்கானோர் கலந்து கொண்டனர். வந்திருந்தவர்களில் அதிகமானோர் இளைஞர்களும் யுவதிகளும் ஆவர்.

வழக்கம்போல் நிகழ்ச்சி நடைபெற்ற இடத்தின் இருபுறமும் உள்ள நெடுஞ்சாலைகளிலும் கடுமையான போக்குவரத்து நெரிசல் ஏற்பட்டது. பினாங்கு முதல்வர் லிம் குவான், பாஸ் கட்சியின் துணைத் தலைவர் முகமட் சாபு போன்ற முக்கியமான தலைவர்கள் கூட போக்குவரத்து நெரிசலால் சிக்கி, சுமார் 5 கிலோ மீட்டர் தள்ளி கார்களை நிறுத்தி வைத்து விட்டு கூட்டம் நடக்கும் இடத்திற்கு வந்து சேர வேண்டிய நிலைமைக்கு ஆளாயினர்.

அன்வார் இப்ராகிம் இரவு 9 மணியளவில் மேடைக்கு வந்து சேர்ந்தபோது பலத்த கரகோஷத்தோடும், காதைப் பிளக்கும் ஊதுகுழல்களின் சத்தத்தோடும் வரவேற்கப்பட்டார்.

ஏறத்தாழ 4 மணி நேரம் நடந்த நிகழ்வில் கலந்து கொண்ட பலரும் “நாங்கள் மலேசியர்கள்” – “இது மக்களின் சுனாமி” – “இனத் துவேஷத்தை விட்டொழிப்போம்” என்ற பொருள்படும் வாசகங்களை ஏந்தி வலம் வந்தனர்.

நள்ளிரவைத் தாண்டியும் கலையாமல் நின்ற கூட்டத்தினர் முழுமையாகக் கலைந்து செல்லும்போது ஏறத்தாழ பின்னிரவு 3 மணி ஆகிவிட்டிருந்தது.

செல்லியல்.காம்

கறுப்பு 505 : ஈப்போவிலும் 30,000 பேர் எதிர்ப்புப் பேரணிக்குத் திரண்டனர்!

கிளானா ஜெயா, பினாங்கு போன்ற இடங்களில் மாபெரும் பேரணிகளை அன்வார் இப்ராகிம் தலைமையில் நடத்தி முடித்த மக்கள் கூட்டணி இன்று ஈப்போவிலும் அதே போன்றதொரு பேரணியை வெற்றிகரமாக நடத்தியது.

ஏறத்தாழ 30,000 பேர் இந்த பேரணியில் கலந்து கொண்டனர்.

இந்த பேரணிக்கு அனுமதி இல்லை என காவல் துறை எச்சரிக்கை விடுத்தும் ஆயிரக்கணக்காணோர் இந்த பேரணியில் கலந்து கொண்டனர் என்பது குறிப்பிடத்தக்கது.

பேராக் மாநில பிகேஆர் கட்சி அலுவலம் அருகில் பேராக் மாநில அரசாங்க செயலகம் அருகில் நடைபெற்ற இந்த கூட்டம் இரவு 8 மணியளவில் தொடங்கியது.

மக்கள் கூட்டணி தலைவர் அன்வார் இப்ராகிம் முன்னாள் பேராக் மந்திரி பெசார் முகமட் நிசார் ஜமாலுடின் ஆகியோர் இந்த கூட்டத்தில் உரையாற்றினர்.

காவல் துறையினர், கூட்டம் நடக்கும் இடத்திற்கு அருகில் நின்றிருந்தாலும் அவர்கள் எந்தவொரு தடங்கலையும் ஏற்படுத்தவில்லை.

தேர்தல் முறைகேடுகள் குறித்து மக்கள் கூட்டணி அன்வார் இப்ராகிம் தலைமையில் நடத்தி வரும் எதிர்ப்புப் பேரணிகளுக்கு “கறுப்பு 505″ என்று பெயர் வைக்கப்பட்டுள்ளது.

அந்த வரிசையில் இன்று ஈப்போ கூட்டம் நடைபெற்றது.

தொடர்ந்து குவாந்தான், ஜோகூர் பாரு போன்ற நகரங்களிலும் இத்தகைய கறுப்பு 505 பேரணிகள் நடத்தத் திட்டமிடப்பட்டுள்ளது.

இப்போதைக்கு இதனால் பாதிப்பு ஆள்பவர்களுக்கு இருக்க வாய்ப்பில்லையே சிவா.

யினியவன் wrote:இப்போதைக்கு இதனால் பாதிப்பு ஆள்பவர்களுக்கு இருக்க வாய்ப்பில்லையே சிவா.

ஆளுங்கட்சியின் அடிவருடிகள் தான் அனைத்துத் துறைகளிலும் வேலை செய்கின்றனர்! அதனால் அவர்களுக்கு கடுகளவு கூட இதனால் பிரச்சனை வரப்போவதில்லை. மேலும் இன்னும் 100 வருடங்களுக்கு ஆளும் கட்சிதான் தொடர்ந்து ஆட்சியில் இருக்கும்!