என் தனிமை தருணங்கள் .....

பூவன் · பூவன் Sat May 18, 2013 6:06 pm

நீண்ட பயணங்களில் எல்லாம்
என் தனிமை உணர்ந்தேன் ...
நீங்காத உன் நினைவுகளில் எல்லாம்
என் தனிமை உணர்ந்தேன் ...
நிரப்பபடாத பக்கங்களில் எல்லாம்
என் தனிமை உணர்ந்தேன் ...
நினைவோடு போராடிய போதெல்லாம்
என் தனிமை உணர்ந்தேன் ...
நித்திரை நீங்கிய போதெல்லாம்
என் தனிமை உணர்ந்தேன் ...
நிஜங்கள் நிழல் ஆன போதெல்லாம்
என் தனிமை உணர்ந்தேன் ...
இன்பங்கள் இருண்ட போதெல்லாம்
என் தனிமை உணர்ந்தேன் ...
இல்லாமை வாட்டிய போதெல்லாம்
என் தனிமை உணர்ந்தேன் ...
அன்பு இருந்த போதெல்லாம்
இனிமை உணர்ந்தேன் அதே
அன்பு பிரிந்த போதோ
என் தனிமை உணர்ந்தேன் ...
தனிமையின் அருமையை என்
தனிமையில் மட்டுமே உணர்ந்தேன் ....

**Muthumohamed** · **Muthumohamed** Sat May 18, 2013 6:18 pm

தனிமையின் வலிகளின் வரிகள் சூப்பருங்க

இந்த பதிவைத் துவங்கியவர் நன்றி கூறியுள்ளார் Muthumohamed

யினியவன் · யினியவன் Sat May 18, 2013 6:29 pm

தண்ணிய போட்ட தனிமை ஓடிடும்
மனசாட்சி வெளில வந்து பேசும்
பேச்சு துணைக்கு ஆச்சு

தன் மயில் தனிமையிலே தவிக்க விட்டு போன வருத்தம்
கவிதைக்கு கரு ஆகி கலங்க வைத்து போன வருத்தம்
நல்லாவே வருந்துறீங்க எங்கள வருத்துறீங்க

பூவன் · பூவன் Sat May 18, 2013 6:32 pm

யினியவன் wrote:தண்ணிய போட்ட தனிமை ஓடிடும்
மனசாட்சி வெளில வந்து பேசும்
பேச்சு துணைக்கு ஆச்சு

தன் மயில் தனிமையிலே தவிக்க விட்டு போன வருத்தம்
கவிதைக்கு கரு ஆகி கலங்க வைத்து போன வருத்தம்
நல்லாவே வருந்துறீங்க எங்கள வருத்துறீங்க

நீங்களும் நல்லாவே வறுக்கிறீங்க தண்ணி சைடு டிஷ் சொன்னேன் ,,,,,

சூப்பருங்க