பெண்களுக்கு பெரும் ஆபத்து: நீரழிவு நோய் பிடியில் இந்தியர்கள்

by தாமு Thu Oct 22, 2009 6:05 am

பெண்களுக்கு பெரும் ஆபத்து: நீரழிவு நோய் பிடியில் 5 கோடி இந்தியர்கள்; ஆண்டுக்கு 10 லட்சம் பேர் உயிரிழப்பு

இந்தியாவில் எந்த நோயும் ஏற்படுத்தாத பாதிப்பை இப்போது நீரழிவு ஏற்படுத்தி கொண்டிருக்கிறது. மோசமான உணவு பழக்கம், உடல் உழைப்பு, உடற்பயிற்சி இல்லாமை சுற்றுச்சூழல் பாதிப்பு, மன அழுத்தம் போன்றவற்றால் நீரழிவு நோய் இந்தியர்களை குறிவைத்து தாக்குகிறது.

உலகத்திலேயே இப்போது இந்தியாவில் தான் அதிக நீரழிவு நோயாளிகள் இருப்பதாக சர்வதேச நீரழிவு நோய் தடுப்பு கூட்டமைப்பு தெரிவிக்கிறது.

இந்த அமைப்பு எடுத்த ஒரு கணக்கெடுப்பு படி இந்தியாவில் அடுத்த ஆண்டு 5 கோடியே 8 லட்சம் பேர் நீரழிவு நோயாளிகளாக இருப்பார்கள். இது 20, 30-ம் ஆண்டு 8 கோடியே 70 லட்சமாக உயர்ந்து விடும்.

அடுத்த ஆண்டு முதல் ஒவ்வொரு ஆண்டும் 10 வயதில் இருந்து 79 வயதுக்கு உட்பட்டோரில் 10 லட்சத்து 7 ஆயிரம் பேர் நீரழிவால் உயிரிழப்பார்கள்.

இதில் பெண்கள் எண்ணிக்கையே அதிகமாக இருக்கும் ஒவ்வொரு ஆண்டும் 5 லட்சத்து 81 ஆயிரம் பெண்கள் உயிரிழப்பார்கள்.

இப்போது பெரியவர்களில் 100-ல் 7 பேருக்கு நீரழிவு நோய் இருக்கிறது. இது 2030-ல் 8.4 ஆக அதிகரித்து விடும்.

நீரழிவு நோய் பாதிப்பில் சீனா 2-வது இடத்தில் உள்ளது. அங்கு இப்போது 4 கோடியே 32 லட்சம் பேருக்கு நீரழிவு உள்ளது. 2030-ம் ஆண்டு அது 6 கோடியே 21 லட்சமாக அதிகரிக்கும்.

பாகிஸ்தானில் 71 லட்சம் பேர் பாதிக்கப்பட்டு உள்ளனர். உலக வரிசையில் பாகிஸ்தான் 7-வது இடத்தில் உள்ளது. இது 2030-ல் 1 கோடியே 38 லட்சமாக அதிகரித்து உலகில் 4-வது இடத்துக்கு வந்து விடும்.

உலக அளவில் 1985-ம் ஆண்டு 3 கோடி நீரழிவு நோயாளிகள் இருந்தனர்.
2000-ம் ஆண்டு அது 15 கோடி ஆனது. அடுத்த ஆண்டு அது 28 கோடியே 50 லட்சம் ஆகிவிடும்.

40 வயதில் இருந்து 59 வயதுக்கு உட்பட்டவர்களே அதிக பாதிப்புக்கு ஆளாவார்கள். அடுத்த ஆண்டு இந்த வயதினர் 13 கோடியே 20 லட்சம் பேருக்கு நீரழிவு நோய் இருக்கும். இது 2030-ல் 18 கோடியே 80 லட்சமாக இருக்கும்.

அடுத்த ஆண்டு கணக்குபடி 14 கோடியே 30 லட்சம் பெண்களுக்கும் 14 கோடியே 20 லட்சம் ஆண்களுக்கும் நீரழிவு நோய் இருக்கும். 2030-ம் ஆண்டில் 22 கோடியே 20 லட்சம் ஆண்களும், 21 கோடியே 60 லட்சம் பெண்களும் நீரழிவால் பாதிக்கப்படுவார்கள்.

கிராம மக்களை விட நகர மக்களையே நீரழிவு அதிகம் தாக்கும். அடுத்த ஆண்டு 11 கோடியே 30 லட்சம் நகர மக்களும், 7 கோடியே 80 லட்சம் கிராம மக்களும் நீரழிவுக்கு ஆளாவார்கள். 2030-ம் ஆண்டு 22 கோடியே 80 லட்சம் நகர மக்களையும் 9 கோடியே 90 லட்சம் கிராம மக்களையும் இந்த நோய் தாக்கும்.

உலக அளவில் அடுத்த ஆண்டு மட்டும் 20 வயதில் இருந்து 79 வயதுக்கு உட்பட்டோரில் 40 லட்சம் பேர் நீரழிவுக்கு உயிரிழப்பார்கள். இதில் இந்தியா, சீனா, அமெரிக்கா, ரஷியா ஆகிய நாடுகளில் தான் அதிகம் பேர் பலியானார்கள்.

உலக அளவில் நீரழிவு நோய்க்குதான் அதிக மருத்துவ செலவு செய்யப்படும் அடுத்த ஆண்டு மட்டும் ரூ.19 லட்சம் கோடி மருத்துவ செலவு செய்யப்படும்.

இது உலக அளவில் செய்யப்படும் மருத்துவ செலவில் 11.6 சதவீதமாகும். இது 2030-ம் ஆண்டில் ரூ.24 லட்சம் கோடியாகிவிடும்.

மற்ற நோய்களை விட அதிக உயிரை குடிக்கும் மோசமான நோயாக நீரழிவு உள்ளது. ஆனால் எந்த நாடுமே இதை தடுக்க சரியான நடவடிக்கை எடுக்கவில்லை என்று சர்வதேச நீரழிவு நோய் தடுப்பு கூட்டமைப்பு கூறுகிறது.

இதன் இயக்குனர் அனுப் மிஸ்ரா கூறும் போது பிரசவ காலத்தில் பெண்கள் சரியான ஊட்டச்சத்து சாப்பிடுதல், 10 வயதுக்கு பின்னர் தேவையான உடல் உழைப்புகளை மேற்கொள்ளுதல் மூலம் நீரழிவை தடுக்கலாம் என்றார்.

by mdkhan Thu Oct 22, 2009 10:15 am

நல்ல தகவல்........ நீரிழிவு நோய்களால் அதிகம் பெண்கள் தற்ப்போது உள்ள சூழ்நிலையில் பாதிக்கப்படுகிறார்கள். முக்கிய காரணம் இன்றைய பெண்களுக்கு அதிக உடல் உழைப்பு இல்லாமல் போய்விட்டது.

எல்லோரும் எப்படியாவது வசதியாக வாழ கற்றுக்கொள்கிறார்கள். தன்னுடைய சொந்த வேலைகளை பார்க்கக்கூட வீட்டில் வேலை ஆட்களை வைத்துக்கொள்கிறார்கள். மேலும் முன்புபோல் தண்ணீர் எடுத்து வரவோ விறகு எடுத்துவரவோ அதிக தூரம் இப்போது உள்ள பெண்கள் நடக்கக்கூடிய தேவை இல்லை. அனைத்தும் வீட்டு வாசலுக்கே வந்துவிடுகிறது.

சிறமம் இல்லாமல் வாழ்வது எப்படி என்று கற்றுக்கொள்பவர்கள் நோய் இல்லாமல் வாழ்வது எப்படி என்று கற்றுக்கொள்ள மறந்துவிட்டார்கள்.

... நன்றி தாமு,....

by தாமு Thu Oct 22, 2009 11:27 am

நீரிழிவு நோய்களால் அதிகம் பெண்கள் தற்ப்போது உள்ள சூழ்நிலையில் பாதிக்கப்படுகிறார்கள். முக்கிய காரணம் இன்றைய பெண்களுக்கு அதிக உடல் உழைப்பு இல்லாமல் போய்விட்டது.

எல்லோரும் எப்படியாவது வசதியாக வாழ கற்றுக்கொள்கிறார்கள். தன்னுடைய சொந்த வேலைகளை பார்க்கக்கூட வீட்டில் வேலை ஆட்களை வைத்துக்கொள்கிறார்கள். மேலும் முன்புபோல் தண்ணீர் எடுத்து வரவோ விறகு எடுத்துவரவோ அதிக தூரம் இப்போது உள்ள பெண்கள் நடக்கக்கூடிய தேவை இல்லை. அனைத்தும் வீட்டு வாசலுக்கே வந்துவிடுகிறது.

சிறமம் இல்லாமல் வாழ்வது எப்படி என்று கற்றுக்கொள்பவர்கள் நோய் இல்லாமல் வாழ்வது எப்படி என்று கற்றுக்கொள்ள மறந்துவிட்டார்கள்.

பெண்களுக்கு பெரும் ஆபத்து: நீரழிவு நோய் பிடியில் இந்தியர்கள் 677196

பெண்களுக்கு பெரும் ஆபத்து: நீரழிவு நோய் பிடியில் இந்தியர்கள் 677196

நன்றி கான் பெண்களுக்கு பெரும் ஆபத்து: நீரழிவு நோய் பிடியில் இந்தியர்கள் 678642

by Sponsored content

பெண்களுக்கு பெரும் ஆபத்து: நீரழிவு நோய் பிடியில் இந்தியர்கள்

பெண்களுக்கு பெரும் ஆபத்து: நீரழிவு நோய் பிடியில் இந்தியர்கள்

Re: பெண்களுக்கு பெரும் ஆபத்து: நீரழிவு நோய் பிடியில் இந்தியர்கள்

Re: பெண்களுக்கு பெரும் ஆபத்து: நீரழிவு நோய் பிடியில் இந்தியர்கள்

Re: பெண்களுக்கு பெரும் ஆபத்து: நீரழிவு நோய் பிடியில் இந்தியர்கள்