எரிமலை சீறியதால் விபரீதம் - பலியான சுற்றுலா பயணிகள்

Aarthi Krishna · Aarthi Krishna Tue May 07, 2013 8:06 pm

எரிமலை சீறியதால் விபரீதம் - பலியான சுற்றுலா பயணிகள்

பிலிப்பைன்ஸ் நாட்டில் உள்ள ஒரு எரிமலை வெடித்ததில், அந்த எரிமலையில் சுற்றுபயணம் மேற்கொண்ட 3 பேர் பரிதாபமாக உயிரிழந்துள்ளனர். இச்சம்பவத்தால் இதுவரை 5 பேர் இறந்திருக்ககூடுமென தகவல்கள் வெளியாகியுள்ளன.

பிலிப்பைன்ஸ் நாட்டில் உள்ள மயோன் எரிமலை அலபய் மாகாணத்தில் உள்ளது. தலைநகர் மணிலாவில் இருந்து 330 கிலோமீட்டர் தொலைவில் உள்ள இந்த எரிமலை திடீரென வெடித்தத்தில் எரிமலையை சுற்றிப்பார்க்க சென்ற 3 சுற்றுலா பயணிகள் இறந்துவிட்டதாகவும், மேலும் 4 பேர் படுகாயம் அடைந்து இருப்பதாகவும் தகவல்கள் தெரிவிக்கின்றன.

இதுமுதல்கட்ட விசாரணையில் வெளியாகியுள்ள எண்ணிக்கை எனவும் தற்போது பலி எண்ணிக்கை 5 ஆகவும், காயமடைந்தவர்களின் எண்ணிக்கை 7 ஆக அதிகரித்திருக்ககூடுமெனவும் அந்நாட்டின் பேரிடர் மேலாண்மை குழு தலைவர் டெல் ரொசாரியோ தெரிவித்துள்ளார்.

மயோன் எரிமலை சரியான கூம்பு வடிவ தோற்றத்தை கொண்டுள்ளதால் அந்த எரிமலையை காண சுற்றுலாப் பயணிகள் பெரும் அளவில் வருகிறார்கள்.

இந்த எரிமலை சீரியபோது, சுமார் 500 மீட்டர் உயரம் வரை அடர்த்தியான சாம்பல் வெளியேறியதாக தெரிகிறது.

இதுவரை 48 முறை வெடித்து சிதறியுள்ள இந்த எரிமலை ஆயிரக்கணக்கானோரின் உயிரை பறித்துள்ளது குறிப்பித்தக்கது.

**krishnaamma** · **krishnaamma** Tue May 07, 2013 8:09 pm

அடப்பாவமே............... சோகம்

எரிமலை சீறியதால் விபரீதம் - பலியான சுற்றுலா பயணிகள்

எரிமலை சீறியதால் விபரீதம் - பலியான சுற்றுலா பயணிகள்

Re: எரிமலை சீறியதால் விபரீதம் - பலியான சுற்றுலா பயணிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக