பதுங்கு குழிகள் அமைக்க மாட்டோம் என்று சீனாவிடம் இந்தியா உறுதி?

டெல்லி: இந்தியா லடாக் பகுதியில் பதுங்கு குழிகள் அமைக்காது என்று வாக்குறுதி அளித்ததன் அடிப்படையிலேயே சீன ராணுவம் வெளியேறியதாக கூறப்படுகிறது. இந்நிலையில், எல்லையில் சமாதானம் நிலவுவதால் இந்திய வெளியுறவு அமைச்சர் சல்மான் குர்ஷித்தின் சீன சுற்றுப்பயணம் உறுதியாகியுள்ளது.

லடாக் எல்லையில் அத்துமீறி நுழைந்த சீனா ராணுவம் முகாமிட்டு கடந்த 20 நாட்களாக மிரட்டல் விடுத்து வந்ததையடுத்து இந்தியாவும், வெளியுறவு அமைச்சரின் சீன சுற்றுப்பயணத்தை ரத்து செய்வோம், சீனாவுடனான உறவுகளை குறைத்து கொள்வோம் என்று அறிவித்தது.

இதனால், இருநாடுகளிடையேயான 100 பில்லியன் டாலர் வர்த்தகம் பாதிக்கப்படும் என்று அஞ்சப்பட்ட நிலையில் சீன ராணுவம் அங்கிருந்து வெளியேறியுள்ளது. இதன் பின்னணியில், என்ன நடந்தது என்பதில் சந்தேகமும் நிலவுகிறது..

சீனாவில் "ராகி நல்லா" ராணுவ முகாமிற்கு அருகில் உள்ள இந்தியாவின் லடாக் பகுதி "சுமர்" ராணுவம் முகாம் பகுதியில் இந்தியா கட்டிவரும் பதுங்கு குழிகள் நடவடிக்கைகளை கைவிட, சீனாவிற்கு உறுதியளித்ததை அடுத்து சீனா ராணுவம் அங்கிருந்து வெளியேறியுள்ளதாகக் கூறப்படுகிறது.

மேலும், எல்லையில் பதற்றம் தணிந்துள்ள நிலையில், இந்திய வெளியுறவு துறை அமைச்சர் சல்மான் குர்ஷித்தின் சீனப்பயணம் உறுதியாகி உள்ளது. இதை சீன வெளியுறவுத்துறை அமைச்சகமும் உறுதி செய்துள்ளது. சல்மான் குர்ஷித் சீனாவில் வரும் 9, 10 தேதிகளில் பயணம் செய்ய உள்ளதாக சீன வெளியுறவுத்துறை அமைச்சகம் நேற்று அறிவித்தது.

இது தொடர்பாக சீன வெளியுறவுத்துறை அமைச்சக செய்தித்தொடர்பாளர் கூறியதாவது, ‘ இந்திய வெளியுறவுத்துறை அமைச்சர் சல்மான் குர்ஷித்தின் சீன பயணத்தின்போது, இரு நாடுகளுக்கு இடையே இந்த ஆண்டின் மிக முக்கிய உயர் மட்ட பேச்சு வார்த்தைகளில் ஒன்று நடைபெறப்போகிறது. சீனா எல்லையில் சமாதானத்தையும், அமைதியையும் நிலைநாட்ட விரும்புகிறது.

சீனாவும், இந்தியாவும் அண்டை நாடுகள். எல்லை வரையறையை இனிதான் நிறைவு செய்ய வேண்டி உள்ளது. இதன் காரணமாகத்தான் தவிர்க்க இயலாதபடிக்கு எல்லையில் பிரச்சனைகள் ஏற்படுகின்றன' என்றார்.

தட்ஸ்தமிழ்

இந்தியா உறுதியளித்ததை எவை என்பதை நிச்சயம் பொது தேர்தலுக்கு பிறகு வெளிவரும் .

பொதுதேர்தல் சமயத்தில் சீன ஊடுருவல் பெரும் தலைவலியாக இருக்கும் என்று காங்கிரஸ் அரசு என்ன என்ன வாக்குறுதி அளித்து சீனா ராணுவம் அங்கிருந்து வெளியேறியது என்பது அந்த பகவானுக்கே வெளிச்சம்

இந்திய ராணுவத்தின் ஜம்பமெல்லாம் பாகிஸ்தானிடமும் அப்பாவிக் கஷ்மீரிகளிடமும், புலிகளிடமும் தான். குறைந்த பட்சம் ஒரு அழுத்தமான எச்சரிக்கைகூட சீன இராணுவத்திற்கெதிராக விட முடியாத நிலையில்தான் இந்திய அரசும் அதன் இராணுவமும் உள்ளது. சீனாகாரன் இன்னும் சற்று முன்னேறி வந்திருந்தால் அவன் காலில் விழாவும் தயங்காது இந்திய அரசும் இராணுவமும்.

பார்த்திபன் wrote:இந்திய ராணுவத்தின் ஜம்பமெல்லாம் பாகிஸ்தானிடமும் அப்பாவிக் கஷ்மீரிகளிடமும், புலிகளிடமும் தான். குறைந்த பட்சம் ஒரு அழுத்தமான எச்சரிக்கைகூட சீன இராணுவத்திற்கெதிராக விட முடியாத நிலையில்தான் இந்திய அரசும் அதன் இராணுவமும் உள்ளது. சீனாகாரன் இன்னும் சற்று முன்னேறி வந்திருந்தால் அவன் காலில் விழாவும் தயங்காது இந்திய அரசும் இராணுவமும்.

அது யாருங்க அப்பாவி காஷ்மீரிகள்?!...... அவர்கள் எல்லோரும் எப்பவோ சொந்த நாட்டிலேயே அகதிகளாக வேறு மாநிலங்களுக்கு துரத்தபட்டுவிட்டனர்.

இந்திய ராணுவத்தின் ஜம்பமெல்லாம் பாகிஸ்தானிடமும் அப்பாவிக் கஷ்மீரிகளிடமும், புலிகளிடமும் தான்

நல்ல காமடி இது

பாலாஜி wrote:இந்தியா உறுதியளித்ததை எவை என்பதை நிச்சயம் பொது தேர்தலுக்கு பிறகு வெளிவரும் .

பொதுதேர்தல் சமயத்தில் சீன ஊடுருவல் பெரும் தலைவலியாக இருக்கும் என்று காங்கிரஸ் அரசு என்ன என்ன வாக்குறுதி அளித்து சீனா ராணுவம் அங்கிருந்து வெளியேறியது என்பது அந்த பகவானுக்கே வெளிச்சம்

உண்மை தல , இந்தியாவின் எதை எதை அடகு வைத்தார்களோ தெரியவில்லை நாட்டுப்பற்று இல்லாத இந்த காங்கிரெஸ் ஓநாய்கள்

தப்பா நினைக்காதீங்க சைனா அண்ணே சைனா அண்ணே
எங்காளுங்க கொள்ளையடிச்ச பணத்த பதுக்க குழி
தோண்டினாங்க - உங்க ஊரு பக்கம் வரதுகில்ல

ராஜா wrote:

பாலாஜி wrote:இந்தியா உறுதியளித்ததை எவை என்பதை நிச்சயம் பொது தேர்தலுக்கு பிறகு வெளிவரும் .

பொதுதேர்தல் சமயத்தில் சீன ஊடுருவல் பெரும் தலைவலியாக இருக்கும் என்று காங்கிரஸ் அரசு என்ன என்ன வாக்குறுதி அளித்து சீனா ராணுவம் அங்கிருந்து வெளியேறியது என்பது அந்த பகவானுக்கே வெளிச்சம்

உண்மை தல , இந்தியாவின் எதை எதை அடகு வைத்தார்களோ தெரியவில்லை நாட்டுப்பற்று இல்லாத இந்த காங்கிரெஸ் ஓநாய்கள்

மீண்டும் காங்கிரஸ் ஆட்சியில் அமர்ந்துவிட்டால் ( ) சீனாவின் உணமையான முகம் வெளிவரும் ...