காதல் கிறுக்கல்கள் - திரு ரா.பார்த்திபன்

**மதுமிதா** · **மதுமிதா** Wed 8 May 2013 - 9:58

நீ அழிக்க
காத்திருக்கிறது
ஈர மணலில்
என் பெயர்.
******************************
கிழக்கே போகும் ரயிலில்
நான் போகும்போது
மேற்கே செல்லும் தந்திக்கம்பமாக
எதிர்திசையில் நீ சென்றால்
எங்கு...எப்போது...சந்திப்பது?
*****************************************
உருகிப்போகவே
விரும்புகிறேன்
சுடராய்
நீ இருக்க...!!
*****************************************
அழுதுகொண்டே
இருப்பேன்
நீ
அணைக்கும்வரை....!!!
****************************************
விதை முளைக்க
நீர், நிலம்,ஒளி
எல்லாம் வேண்டும்
கவிதை முளைக்க
நீ போதும் எனக்கு...!!!
****************************************
உள்ளுக்குள்
நீ
இருப்பதால்
உயிரோடு
நான்
இருக்கிறேன்..!
******************************************
யார் வேண்டுமானாலும்
உன் காதலனாக
கனவனாக..
ஏன் கடவுளாக
நான் மட்டுமே
உன் காதலாக...!!!
******************************************
விலக
விலக
புள்ளிதானே..
நீ
எப்படி
விசுவரூபம்?
****************************************
மெய் மறந்து
பொய் சொன்னாயா?
என்னை
காதலிக்கிறேன் என்று.
*****************************************
படைத்தல்
காத்தல்
அழித்தல்
கா..த...ல்..!!!
*****************************************
கண்னைத் திற
உலகம் தெரியும்
கண் மூடு
நான் தெரிவேன்.
*****************************************
பார்த்தல் பேசுதல
அணைத்தல்,
சுவைத்தல்
நீக்கியும்
நினைத்தல், நீடித்தல்
.....காதல்!
********************************************
எரித்தாலோ
புதைத்தாலோ
புதையாமல்
எரிந்துகொண்டிருக்கும்
உன்
நினைவுத் தீ.!
***************************************
நம்
நினைவில்
நான்..!!!

என்னை கிறுக்கனாக்கிய
கிறுக்கியே....................................
................................................................................
................................................................................
புரியுதாடி?
************************************************
நான் .
யானாலும்
நீ மட்டும் ,

கிழக்கில் விளக்காய்
நீ சிரிக்க
மேற்கில் இருட்டாய்
நான் ரசிப்பேன்!
*****************************
அதெப்படி..
உள்ளில் இருக்கும் உனக்கு
உருவம் மட்டும்
தொலைவில்...!!!
**********************************
அடியே..!!
’Total அம்னீசியா’ உனக்கு
‘Selective அம்னீசியா’ எனக்கு
நீ மட்டும்
நினைவில்.
***********************************
என்ன எழவு விஞ்ஞானமோ?
என் Chest X-ray ல்
உன் Photo.
***************************************
காதல்
கல்யானத்தில் முடியாது

ஆமாம்
என் காதல்
உன் கல்யாணத்தில் முடியாது!!!!!!!!!.
*****************************************************
நன்றி - திரு ரா.பார்த்திபன்

காதல் கிறுக்கல்கள் - திரு ரா.பார்த்திபன்

காதல் கிறுக்கல்கள் - திரு ரா.பார்த்திபன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக