சேலையோர பூங்கா -1 - தபூ சங்கர்

by **மதுமிதா** Tue May 07, 2013 2:48 pm

கட்டிக்கப் போறவனை
டேய் என்று கூப்பிடலமா
என்று அதட்டுகிறாள் என் அம்மா

கட்டிக்க போகிறவனைக்
கூப்பிடுவதர்கு என்றே
கண்டு பிடிக்கப்பட்ட சொல் தானே "டேய்"
****************************************************
உன் காதலியாய் இருப்பது
எனக்கு பிடிக்கவே இல்லை

கால்பந்து ஆடிவிட்டு நீ
களைப்போடு சாய்கையில்
ஓடிவந்து உன்னை இழுத்து
மடியில் போட்டுக்கொள்ளத் துடிக்கும்
என் ஆசையை
உன் காதலியாய்
என்னால் நிறைவேற்ற முடியவில்லை

அதனால்
உடனே என்னை
மனைவியக்கிக்கொள்
*******************************************************
எல்லாப் பெண்களுமே
நிற்கும் காரைக் கடக்கையிலே
அதன் கண்ணாடியில்
தங்களை சரி செய்து கொள்கிறார்கள்

நானோ
உன்னைக் கடக்கையில்
உன் முகத்தைப் பார்த்தே
சரி செய்து கொள்கிறேன்
********************************************************
எதற்கெடுத்தாலும்
வெட்கப்படுகிறாயே என்று
என்னை கேலி செய்யாதே

இந்த உலகில்
உன்னை தவிர வேற யாராலும்
என்னை வெட்கப்படுத்த முடியாது
************************************************************
என்னிடம் இருக்கும்
எந்த அழகுசாதனத்தை விடவும்
என்னை அழகாக்கி விடுகிறது
உன் ஒற்றைப் பார்வை
******************************************************