பேத்திக்கு பாட்டி சொன்ன வைத்தியக் குறிப்புகள்

• மாதுளைச் சாறு தினமும் குடித்து வந்தால் ரத்த அழுத்தம், கொழுப்பு, நச்சுத்தன்மை என பல பிரச்னைகளுக்கு தீர்வு கிடைக்கும்.

• பொடி செய்த ஓமத்தை பாலில் கலந்து வடிகட்டி படுக்கும் முன் குழந்தைகளுக்குக் கொடுத்தால் சளியை தூர விரட்டும்.

• திராட்சையை பன்னீரில் ஊறவைத்துச் சாப்பிட்டால் இதயம் பலம் பெறும். தொடர்ந்து திராட்சை உண்பவர்களுக்கு நோய் எதிர்ப்பு சக்தி நிச்சயம்.

• வயிற்றுப்போக்கு அதிகமாக இருந்தால் ஜவ்வரிசியை சாதம் போல வைத்து மோரில் கரைத்து உப்புப் போட்டுச் சாப்பிட்டால் வயிற்றுப்போக்கு நின்றுவிடும்; வயிற்று வலியும் இருக்காது.

• குழந்தைகள் ஞாபகசக்தியுடன் இருக்க வேண்டுமானால் தினமும் காலை உணவுக்குப் பின் வெந்நீரில் ஒரு தேக்கரண்டி தேன் கலந்து குடிக்க வையுங்கள்.

• சின்ன வெங்காயத்தை சிறிது எண்ணெய்விட்டு வதக்கவும். வெறும் வயிற்றில் தினமும் ஐந்தாறு என்ற கணக்கில் இரண்டு வாரங்கள் சாப்பிட்டு வர நரம்புத் தளர்ச்சி குணமாகும். உடலும் குளிர்ச்சியடையும்.

• நெல்லி வற்றல், சந்தனத்தூள், தனியா மூன்றையும் தண்ணீரில் ஊற வைத்தபின் வடிகட்டி அந்த நீரை அருந்தி வந்தால் தலை சுற்றல், கிறுகிறுப்பு முதலியன குறையும்.

• வெல்லத்தை கெட்டியாகப் பாகு வைத்து அதில் மிளகை ஒன்றிரண்டாகப் பொடித்துப் போட்டு உருட்டி வைத்தால் இருமல் வரும்போது வாயில் அடக்கிக் கொள்ள இருமல் நிற்கும்.

• மண் சட்டியில் உப்பை வறுத்துத் துணியில் கட்டி உப்பு ஒத்தடம் இரண்டு மூன்று வேளை கொடுத்தால் கழுத்து வலி நீங்கிவிடும்.

• வயலட் நிறமுள்ள பிஞ்சு கத்தரிக்காய், கருஞ்சிவப்பு நிறமுள்ள பசலைக் கீரை, சிவப்பு பொன்னாங்கண்ணிக் கீரை இவற்றில் அயோடின் சத்து அதிகம் உள்ளது. இவற்றை அதிகமாகக் குழையவிடாமல் சாப்பிட்டு வர சிறுநீர் போகும்போது ஏற்படும் எரிச்சல் நீங்கிவிடும்.

• நூல்கோலைத் துருவி ஊறவைத்து பயத்தம் பருப்பு கலந்து உப்பு பிசறி எலுமிச்சைச்சாறு பிழிந்து சாப்பிட்டால் சர்க்கரை நோய்க்கு அருமருந்தாகும்.

• தேங்காய் எண்ணெயை மிதமான தீயில் வைத்துக் காய்ந்ததும் வேப்பிலையைப் போட்டு பொரித்து எடுத்துவிடவும். கொத்தாகக்கூடப் போடலாம். பிறகு இறக்கி வைத்துக் கொஞ்சம் வெந்தயம் போட்டு மூடிவைக்கவும். இந்த எண்ணெய்யைத் தலையில் தடவிவந்தால் வெயிலால் வரும் உடல் சூடு குறையும். வெப்ப நோய்கள் தாக்காது.

• வயிற்றில் பிரச்னை ஏற்பட்டால் கொஞ்சம் சீரகத்தை எடுத்து கொதிநீரில் போட்டு கஷாயமாக இரண்டு வேளை குடித்து வர நிவாரணம் கிடைக்கும்.

நன்றி-ஞாயிறு கொண்டாட்டம்-தினமணி

நல்ல பகிர்வு சாமி.

பானுவுக்கு இதெல்லாம் தெரியுமா? பேரன்களுக்கு ஒன்னும் இல்லியா?

இது போல பாட்டி
எல்லா பேரன் பேத்திகளுக்கும் கிடைக்கவில்லை.நாமாவது இதை தெரிந்துகொண்டு நமது பேரன்,பேத்திகளுக்கு சொல்லி கொடுக்கலாம்.

அனைத்துமே நல்ல தகவல்கள்த்தான் ஆனால் ஒரு சந்தேகம் எங்க பாட்டி

• குழந்தைகள் ஞாபகசக்தியுடன் இருக்க வேண்டுமானால் தினமும் காலை உணவுக்குப் பின் வெந்நீரில் ஒரு தேக்கரண்டி தேன் கலந்து குடிக்க வையுங்கள்.

இதை காலையில் மலசிக்கல் சுலபமாக போக அல்லவா இப்படி சொல்லுவாங்க இது ஞயாபக சக்திக்கா குழப்பமா இருக்கே

பகிர்வுக்கு நன்றி

யினியவன் wrote:நல்ல பகிர்வு சாமி.

பானுவுக்கு இதெல்லாம் தெரியுமா? பேரன்களுக்கு ஒன்னும் இல்லியா?

பேரனுக்கும் சேர்த்து தான்

ஜாஹீதாபானு wrote:பேரனுக்கும் சேர்த்து தான்

பேரனுக்கு டாஸ்மாக்குன்னு அரசு சொல்லுது அதான் கேட்டேன்

யினியவன் wrote:

ஜாஹீதாபானு wrote:பேரனுக்கும் சேர்த்து தான்

பேரனுக்கு டாஸ்மாக்குன்னு அரசு சொல்லுது அதான் கேட்டேன்

இப்போ நடக்கிற அநியாயத்தைப் பார்த்தா வரும்காலத்தில் குழந்தைகளுக்கு புட்டிப்பாலுக்கு பதிலா குவார்ட்டர் பாட்டில் இருக்கும்....

எனக்கு இப்பவே பேரன் பேத்திகள நினைச்சு கவலையா இரூக்கு