செல்போன் பயன்பாட்டில் தமிழ்நாடு 2–வது இடம்

soplangi · soplangi Mon 6 May 2013 - 13:07

பிப்ரவரி மாத நிலவரப்படி தமிழ்நாட்டில் 7.18 கோடி செல்போன் சந்தாதாரர்கள் உள்ளனர். இந்த வகையில் இந்தியாவில் தமிழகம் இரண்டாது இடத்தில் உள்ளது. நாட்டிலேயே அதிக மக்கள்தொகை கொண்ட மாநிலமான உத்தரபிரதேசம் 12.16 கோடி வாடிக்கையாளர்களை பெற்று முதலிடத்தில் உள்ளது.

மூன்றாவது இடத்தில் உள்ள மகாராஷ்டிராவில் 6.77 கோடி செல்போன் சந்தாதாரர்கள் உள்ளனர். அடுத்த ஆந்திரா, பீகார் ஆகிய மாநிலங்களில் முறையே 6.41 கோடி மற்றும் 6.07 கோடி வாடிக்கையாளர்கள் உள்ளனர். இந்த ஐந்து மாநிலங்களும் ஒட்டுமொத்த அளவில் 38.60 கோடி சந்தாரர்களை பெற்றுள்ளன. இது, நாட்டிலுள்ள மொத்த செல்போன் வாடிக்கையாளர்களில் 45 சதவீதமாகும்.

இந்தியாவில், 2012 ஜூன் மாதத்தில் வரலாறு காணாத அளவிற்கு செல்போன் இணைப்புகளின் எண்ணிக்கை 96.55 கோடியை எட்டியிருந்தது. எனினும் அதற்கு பின் வந்த மாதங்களில் செயல்படாத நிலையில் இருக்கும் இணைப்புகள் துண்டிக்கப்பட்டதால் மொத்த இணைப்புகளின் எண்ணிக்கை சரிவடைந்துள்ளது.

உலக அளவில், வாடிக்கையாளர் எண்ணிக்கை அடிப்படையில் நம் நாடு இரண்டாவது பெரிய செல்போன் சந்தையாக உள்ளது. 2013 பிப்ரவரி நிலவரப்படி செல்போன் சந்தாதாரர்களின் மொத்த எண்ணிக்கை 86.17 கோடியை எட்டியுள்ளது. செல்போன் மற்றும் லேண்டுலைன் இணைப்புகளின் மொத்த எண்ணிக்கை 89.26 கோடியாக உள்ளது. இது, ஜனவரி மாதத்தில் 89.31 கோடியாக இருந்தது.

-- தினத்தந்தி

பூவன் · பூவன் Mon 6 May 2013 - 13:39

முதலிடம் போச்சே , அடுத்த ஆண்டு முதல் இடம் வந்தாலும் சொல்வதற்கு இல்லை ....

balakarthik · balakarthik Mon 6 May 2013 - 13:41

பூவன் wrote:முதலிடம் போச்சே , அடுத்த ஆண்டு முதல் இடம் வந்தாலும் சொல்வதற்கு இல்லை ....

சொன்னாத்தானே காங்கிரசின் அஞ்சாண்டு சாதனை தெரியும் பூவன் இப்படி சொல்வதற்கில்லைன்னு மம்தாபேனர்ஜி மாதிரி சொன்னா எப்படி

பூவன் · பூவன் Mon 6 May 2013 - 14:00

balakarthik wrote:
பூவன் wrote:முதலிடம் போச்சே , அடுத்த ஆண்டு முதல் இடம் வந்தாலும் சொல்வதற்கு இல்லை ....

சொன்னாத்தானே காங்கிரசின் அஞ்சாண்டு சாதனை தெரியும் பூவன் இப்படி சொல்வதற்கில்லைன்னு மம்தாபேனர்ஜி மாதிரி சொன்னா எப்படி

செல் செல்லாத இடம் இல்லை ...
சென்ற இடமெல்லாம் செல்லரித்து விட்டது ....

Sponsored content · Sponsored content

செல்போன் பயன்பாட்டில் தமிழ்நாடு 2–வது இடம்

செல்போன் பயன்பாட்டில் தமிழ்நாடு 2–வது இடம்

Re: செல்போன் பயன்பாட்டில் தமிழ்நாடு 2–வது இடம்

Re: செல்போன் பயன்பாட்டில் தமிழ்நாடு 2–வது இடம்

Re: செல்போன் பயன்பாட்டில் தமிழ்நாடு 2–வது இடம்

Re: செல்போன் பயன்பாட்டில் தமிழ்நாடு 2–வது இடம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக