மௌனம் ஏனோ?

by **சிவா** Mon May 06, 2013 4:00 am

நீ ஏன் பேசுவதில்லை - தம்பி
நீ ஏன் பேசுவதில்லை ?

உந்தன் ‘செல்போன்’ அழைப்புக்காக
உண்மையாய் காத்திருப்பேன் நான்
வந்த அழைப்பு உன்னதோ என
விரைந்தோடி போனை எடுப்பேன்

வெந்த புண்ணில் வேல் பாய்ந்ததாய்
‘வேண்டா’ அழைப்பு எனை அறுக்கும்

சொந்தம் உறவு உலகில் என்றும்
செத்து மடிந்து விடுவதில்லை
கல்யாணம் சடங்கு காதுகுத்து
காதல் எல்லாம் காலம் கடந்தது தானே?

ஒன்றாய் பிறந்து ஒன்றாய் வளர்ந்த
உயர்ந்த அவ்வாழ்வு மேலன்றோ
இரத்தத்தில் கலந்து இணைந்திட்ட
இவ்வுலகு இல்வாழ்வு ஓர்முறைதானே?

ஆயிரம் உறவுகள் இவ்வுலகு தந்தாலும் உனது எனது
அம்மாவும் அப்பாவும் ஒன்று தானே?
என்று வருவாய் எனதில்லம் என்று
ஏங்கிய காலம் எத்தனை உண்டு?

இன்று வருவாய் இல்லை நாளை
இரவு வருவாய் எனப்பார்த்ததுண்டு
சென்றன காலம் கழிந்தன பொழுதுகள்
செவிக்கு உன்போன் “ஒலி” கூட இல்லையே

நீ ஏன் மௌனமானாய் - தம்பி
நீ ஏன் மௌனமானாய்

மொழிவரதன்

by பூவன் Mon May 06, 2013 9:35 am

வெந்த புண்ணில் வேல் பாய்ந்ததாய்
‘வேண்டா’ அழைப்பு எனை அறுக்கும்

காத்திருப்பின் உணர்வுபூர்வமான வரிகள் ...

ஆயிரம் உறவுகள் இவ்வுலகு தந்தாலும் உனது எனது
அம்மாவும் அப்பாவும் ஒன்று தானே?
என்று வருவாய் எனதில்லம் என்று
ஏங்கிய காலம் எத்தனை உண்டு?

ஏக்கத்தின் வெளிபாடு .....

நல்ல பகிர்வு அண்ணா சூப்பருங்க

by balakarthik Mon May 06, 2013 4:23 pm

அண்ணனுக்கு ஏக்கம் தம்பிக்கு தூக்கம் கவிதை நல்ல தாக்கம் சூப்பருங்க

by yalizini Tue May 07, 2013 8:59 am

உந்தன் ‘செல்போன்’ அழைப்புக்காக
உண்மையாய் காத்திருப்பேன் நான்
வந்த அழைப்பு உன்னதோ என
விரைந்தோடி போனை எடுப்பேன்

வெந்த புண்ணில் வேல் பாய்ந்ததாய்
‘வேண்டா’ அழைப்பு எனை அறுக்கும்

உண்மை எதிர்பார்ப்பு :நல்வரவு: