2G-பிரதமர்--நிதியமைச்சர்----சிறப்பு கோர்ட் விசாரணைக்கு

புதுடில்லி: 2ஜி ஸ்பெக்ட்ரம் முறைகேடு தொடர்பாக பிரதமர் மன்மோகன் சிங், நிதியமைச்சர் சிதம்பரம் உள்ளிட்ட 5 பேரை விசாரிக்க வேண்டும் என்ற சுப்ரமணியசாமியின் மனுவை சி.பி.ஐ., சிறப்பு கோர்ட் விசாரணைக்கு ஏற்றுக்கொண்டது.

நாட்டையே உலுக்கிய 2ஜி ஸ்பெக்ட்ரம் முறைகேடு தொடர்பாக அப்போதைய தொலைதொடர்புத்துறை அமைச்சர் ராஜாவுடன்சேர்த்து, நிதியமைச்சராக இருந்த சிதம்பரத்தையும் விசாரிக்க வேண்டும் என ஜனதா கட்சி தலைவர் சுப்ரமணிய சாமி டில்லி பாட்டியாலா சி.பி.ஐ., சிறப்பு கோர்ட்டில் மனு தாக்கல் செய்தார். இந்த மனுவை விசாரித்த கோர்ட் மனுவை தள்ளுபடி செய்தது. இதனை எதிர்த்து சுப்ரமணியசாமி சுப்ரீம் கோர்ட்டில் மேல்முறையீடு செய்தார். இந்த மனுவை விசாரித்த சுப்ரீம் கோர்ட், 2ஜி ஸ்பெக்ட்ரம் ஒதுக்கீடு விவகாரத்தில், அமைச்சர் சிதம்பரம், குற்றச்சதியில் ஈடுபட்டார் என்பதற்கோ, அவர் பண ஆதாயம் அடைந்தார் என்பதற்கோ எந்த வித ஆதாரமும் இல்லை என தீர்ப்பளித்தது.

ஸ்பெக்ட்ரம் முறைகேடு தொடர்பாக அமைக்கப்பட்ட பார்லிமென்ட் கூட்டுக்குழுவும், ஸ்பெக்ட்ரம் முறைகேட்டில் பிரதமர் மன்மோகன் சிங்கிற்கும், நிதியமைச்சர் சிதம்பரத்திற்கும் எந்தவித தொடர்புமில்லை என அறிவித்துள்ளதாக தகவல் வெளியாகியுள்ளது.

இந்நிலையில் சுப்ரமணிய சாமி, டில்லி சி.பி.ஐ., கோர்ட்டில் புதிதாக மனு ஒன்றை தாக்கல் செய்தார். அதில், ஜே.பி.சி., தலைவர் சாக்கோவுக்கு, முன்னாள் மத்திய அமைச்சர் ராசா எழுதிய கடிதத்தில், 2ஜி விவகாரம் தொடர்பான முடிவுகள் அனைத்தும், தொலைத்தொடர்புத்துறை அதிகாரிகளை ஆலோசித்த பின்பு தான் எடுக்கப்பட்டது என்றும், இதற்கு பிரதமர் மன்மோகன் சிங் மற்றும் அப்போதைய நிதியமைச்சர் சிதம்பரம் ஆகியோரும் ஒப்புதல் தெரிவித்ததாக கூறியுள்ளார். எனவே இவ்வழக்கில், பிரதமர் மன்மோகன் சிங் மற்றும் நிதியமைச்சர் சிதம்பரம், ரிச்ர்வ் வங்கி கவர்னர் சுப்பா ரெட்டி உள்ளிட்ட 5 பேரை சாட்சியாக விசாரிக்க வேண்டும் என கூறினார்.

இந்த மனுவை ஏற்றுக்கொண்ட நீதிபதி ஓ.பி., சைனி, வழக்கு மீதான வாதம் வரும் ஜூலை மாதம் 15ம் தேதி நடைபெறும் என அறிவித்தார்.

நன்றி : தினமலர்

ரமணியன்

ஏற்று கொள்வது மாதிரி ஏற்று கொண்டு
தள்ளுபடி செய்வது மாதிரி தள்ளு படி
செஞ்சுட்டா முடிஞ்சது கதை

இந்த மாதிரி வித்தைகள் எம்புட்ட ஏற்று கொண்டிருக்கிறோம்
அதனால தான இவனுகளுக்கு ஏத்தம் ஜாஸ்த்தியா போச்சு

மதிப்புக்குரிய நீதிபதி ஒ.பி.சைனி அவர்கள் மிகவும் நேர்மையானவர் எனக் கேள்வி பட்டு உள்ளோம்.

ரமணியன்

நேர்மையானவர்கள் இன்னும் நிறைய இருக்காங்க அய்யா ஆனால்
அவர்களால் சுதந்திரமாக செயல்பட முடிகிறதா என்பது கேள்விக்குறியே

சுப்ரமணி சாமி எடுத்து நடத்தின வழக்கு எது வெற்றிகரமா முடுஞ்சிருக்கு.எப்படி இருந்தாலும் கடைசியில் ஒரு வழியா வழக்கை சொதப்பி ஒன்றுமில்லாமல் முடித்துவிடுவார்

ராஜு சரவணன் wrote:சுப்ரமணி சாமி எடுத்து நடத்தின வழக்கு எது வெற்றிகரமா முடுஞ்சிருக்கு.எப்படி இருந்தாலும் கடைசியில் ஒரு வழியா வழக்கை சொதப்பி ஒன்றுமில்லாமல் முடித்துவிடுவார்

வேற யாராவது போட்டா பிரச்சினை ஆயிடுமேன்னு இந்த சாமியை காங்கிரசே தூண்டிவிட்டு அதை அப்புறம் ஒன்னும் இல்லாம பண்ணிடுவாங்கன்னு நினைக்கிறேன்.