பின் சக்கரங்கள் பிரிந்ததால் பஸ் விபத்து

**krishnaamma** · **krishnaamma** Thu May 02, 2013 6:14 pm

சேலம் : அரசு டவுன் பஸ்சில், பின் சக்கரம் தனியாக கழன்று ஓடியதால், பயணிகள் கடும் அதிர்ச்சிக்குள்ளாகினர். பஸ்சின் பின் பகுதி, சாலையை தேய்த்தபடி சென்றதால், பரபரப்பு ஏற்பட்டது. சேலம் பழைய பஸ் ஸ்டாண்டில் இருந்து, அம்மாபேட்டை, அயோத்தியாபட்டணம் வழியாக கோலாத்துக்கோம்பைக்கு, 89ஏ தடம் எண்ணில், டவுன் பஸ் இயக்கப்படுகிறது. நேற்று பகல், 12:30 மணிக்கு, 50 பயணிகளுடன், இந்த பஸ் புறப்பட்டது. அயோத்தியாபட்டணம் ரயில்வே கேட்டை கடந்து, அரிசி மார்க்கெட் பகுதியில் வந்தபோது, பஸ்சின் அடிப்பகுதியல், பயங்கர சத்தம் கேட்டது. பயணிகள் அதிர்ச்சியில் உறைந்தனர். டிரைவர், பஸ்சை நிறுத்த முயன்றார். பின்பகுதியில் ஆக்ஸில் உடைந்து, தனியாக சக்கரங்களுடன் பிரிந்து பஸ்சில் இருந்து விலகின. இதனால், பஸ்சின் பின்புறப்பகுதி, சாலையை தேய்த்தபடி ஓடி நின்றது. இந்த சம்பவத்தில், பயணிகள் காயமின்றி தப்பினர். பஸ் டிரைவர், ஒருவர் கூறியதாவது: சேலம் மாவட்டத்தில், 16 பணிமனைகள் உள்ளன. டவுன் பஸ்களின் பராமரிப்பு மோசமாக உள்ளது. இதனால், டிரைவர், கன்டக்டர்கள் புறநகர் பஸ்களில் பணி செய்வதையே விரும்புகின்றனர். கோலாத்துகோம்பைக்கு சென்ற டவுன் பஸ், மோசமான நிலையில் இருப்பதாக, டிரைவர் கூறியபோதும், அதை இயக்குமாறு, அதிகாரிகள் கூறியுள்ளனர். அரசு பஸ்கள் ஓட்டை, உடைசலாக இருப்பதால், தனியார் பஸ்களை நாடி பயணிகள் செல்கின்றனர். இந்த நிலையை, தமிழக அரசு மாற்ற வேண்டும். இவ்வாறு, அவர் கூறினார்.

நன்றி : தினமலர்

**krishnaamma** · **krishnaamma** Thu May 02, 2013 6:25 pm

நல்ல வேலை பஸ் பின்னாடி எந்த ஒரு வாகனமும் வரலை புன்னகை

யினியவன் · யினியவன் Thu May 02, 2013 6:30 pm

இந்த மாதிரி பஸ்களை அங்கங்க நிறுத்தி
மொபைல் டாஸ்மாக் பார் வேனா அரசு நடத்தும்

இந்த பதிவைத் துவங்கியவர் நன்றி கூறியுள்ளார் யினியவன்

**krishnaamma** · **krishnaamma** Thu May 02, 2013 6:37 pm

யினியவன் wrote:இந்த மாதிரி பஸ்களை அங்கங்க நிறுத்தி
மொபைல் டாஸ்மாக் பார் வேனா அரசு நடத்தும்

சும்மா இல்லாமல் நீங்க வேற ஏன் ஐடியா தரிங்க இனியவன் ? புன்னகை

பூவன் · பூவன் Fri May 03, 2013 9:56 am

யினியவன் wrote:இந்த மாதிரி பஸ்களை அங்கங்க நிறுத்தி
மொபைல் டாஸ்மாக் பார் வேனா அரசு நடத்தும்

அப்புறம் மப்புடன் தள்ளாடும் வண்டிகள் ஆகிவிடும் , அதிர்ச்சி

Sponsored content · Sponsored content

பின் சக்கரங்கள் பிரிந்ததால் பஸ் விபத்து

பின் சக்கரங்கள் பிரிந்ததால் பஸ் விபத்து

Re: பின் சக்கரங்கள் பிரிந்ததால் பஸ் விபத்து

Re: பின் சக்கரங்கள் பிரிந்ததால் பஸ் விபத்து

Re: பின் சக்கரங்கள் பிரிந்ததால் பஸ் விபத்து

Re: பின் சக்கரங்கள் பிரிந்ததால் பஸ் விபத்து

Re: பின் சக்கரங்கள் பிரிந்ததால் பஸ் விபத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக