கண்களைப் பார்த்தாலும் கண்டுபிடிக்க முடியாது!

**சிவா** · **சிவா** Mon Apr 29, 2013 1:46 am

'தங்களைப் புரிந்துகொள்வதில்லை' என்று ஆண்கள் மீது பெண்கள் குற்றஞ்சாட்டுவதில் அர்த்தமிருக்கிறது என்கிறார்கள், ஆய்வாளர்கள்.

ஆண்களில் பலரால், பெண்களின் கண்களைப் பார்த்து அவர்களின் உணர்வுகளைப் படிக்க முடிவதில்லையாம்.ஜெர்மனியின் போச்சமில் உள்ள எல்.டபிள்யூ.எல். பல்கலைக்கழக ஆய்வாளர் போரிஸ் ஷிப்பர் இது தொடர்பான ஆய்வை மேற்கொண்டார்.

அவர், 21 வயது முதல் 52 வயதுக்கு உட்பட்ட 22 ஆண்களைத் தனது ஆய்வுக்குப் பயன்படுத்திக் கொண்டார். அவர் களிடம் 36 ஜோடி கண்கள் காண்பிக்கப்பட்டு, அவை என்ன உணர்வை வெளிப்படுத்துகின்றன என்று கண்டுபிடிக்கும்படி கூறப்பட்டது.

அந்தக் கண்களில் சரிபாதி ஆண்களுடையவை, சரிபாதி பெண்களுடையவை. அந்த ஆய்வின்போது, குறிப்பிட்ட ஆண்களின் மூளைச் செயல்பாடும் எம்.ஆர்.ஐ. ஸ்கேனர் மூலம் கண்காணிக்கப்பட்டது.

அப்போது, ஆண்கள் பெண்களின் கண்களைப் பார்த்து, அவை என்ன உணர்வுகளை வெளிப்படுத்துகின்றன என்று கூறுவதற்குக் கஷ்டப்படுவது உறுதியானது. அதேவேளையில் ஆண்களால் தங்கள் சக ஆண்களின் கண்களைப் பார்த்து, அவை என்ன உணர்ச்சியை வெளிப்படுத்துகின்றன என்று ஓரளவு சரியாகக் கூற முடிந்தது.

பண்டைக் காலம் முதலே ஆண்கள் சக ஆண்கள் விஷயத்தில்தான் உஷாராக இருந்திருக்கிறார்கள் என்பதால், அவர்களின் கண்களைப் படிக்கக் கற்றிருக்கிறார்கள் என்கின்றனர் ஆய்வாளர்கள்.

தினத்தந்தி

**Ahanya** · **Ahanya** Mon Apr 29, 2013 9:02 am

பகிர்வுக்கு நன்றி அண்ணா

கண்களைப் பார்த்தாலும் கண்டுபிடிக்க முடியாது!

கண்களைப் பார்த்தாலும் கண்டுபிடிக்க முடியாது!

Re: கண்களைப் பார்த்தாலும் கண்டுபிடிக்க முடியாது!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக