கதை எழுதி கடனை அடைத்தவர்!

**சிவா** · **சிவா** Mon Apr 29, 2013 3:01 am

உலகில் மிக அதிகமாக விற்பனையாகும் கிரைம் நாவல் ஆசிரியர்களின் பட்டியலில் முக்கிய இடத்திலிருப்பவர் ஜெஃபரி ஆர்ச்சர். இங்கிலாந்துக்காரர். வயது 73. கடந்த 30 ஆண்டுகளில் எழுதி இருப்பது 31 புத்தகங்கள். 97 நாடுகளில் 33 மொழிகளில் வெளியிடப்படும் இவரது புத்தகங்கள் இதுவரை விற்றிருப்பது 25 கோடி பிரதிகளுக்கும் மேல். 1975ல் வெளியான இவரது முதல் புத்தகம் இதுவரை 2 கோடி பிரதிகளுக்கு மேல் விற்றிருக்கிறது.

சமீபத்தில் தமது 31வது புத்தகமான “பெஸ்ட் கெப்ட் சீக்ரட்ஸ்’ஐ இந்தியாவில் 4 நகரங்களில் அறிமுகப்படுத்துவதற்காக மேற்கண்ட பயணத்தில் சென்னைக்கு வந்திருந்தார். தனக்காகக் காத்திருந்த இளைஞர் பட்டாளத்தைப் பார்த்து பிரமித்துப் போனார். “அத்தனை இளம்பெண்களும் என்னைப் பார்த்த உற்சாகத்தில் குரல் எழுப்பியதில் என்னை ஒரு ராக்ஸ்டார் போல் உணர்ந்தேன். தெரிந்திருந்தால் கிதாரை கொண்டு வந்திருப்பேன்’ என்று சொல்லும் ஜெஃப்ரியின் வாழ்வு, கிரைம் நாவல்களைவிட சுவாரஸ்யமான திருப்பங்கள் கொண்டது. ஆக்ஸ்போர்ட்டில் கல்வியை முடித்தபின்னர் ஆர்வத்துடன் இறங்கியது அரசியலில். லண்டன் நகர்மன்ற உறுப்பினராகத் தொடங்கிய அரசியல் வாழ்க்கை 29 வயதிலே இங்கிலாந்து நாடாளுமன்ற உறுப்பினராகும் அளவுக்கு உயர்ந்தது.

ஜெஃப்ரி முதலீடு செய்து இயக்குனராக இருந்த கம்பெனி திவாலாகியதால் தம் எம்.பி. பதவியை இழக்க நேர்ந்தது. தமது கன்ஸர்வேட்டிவ் கட்சியில் செல்வாக்கையும், சொத்துகளையும் இழந்து 4 லட்சம் பவுண்டுகள் கடனுடன் திவாலான நேரத்தில் எடுத்த முடிவுதான் ஒரு எழுத்தாளராவது என்பது.

34 வயதில் எழுதிய முதல் புத்தகம் “ஒரு பைசா அதிகமோ, ஒரு பைசா குறைவோ இல்லை’ என்ற நாவல் லண்டனில் வெளியான உடனேயே சூப்பர் ஹிட்டான இந்தப் புத்தகம் சில வாரங்களிலேயே 17 நாடுகளில் வெளியாகி பணத்தைக் கொட்டியது. கடன்களை அடைத்த சந்தோஷத்தில் எழுதித் தள்ளினார் ஜெஃப்ரி. உலகம் அறிந்த எழுத்தாளராக உயர்ந்த பின்னரும் அரசியல் ஆர்வம் குறையவில்லை. கட்சியில் செல்வாக்கு உயர்ந்து தேசிய அளவில் உபதலைவராக இருந்தபோது லண்டன் நகர் மேயராக விரும்பி உள்கட்சித் தேர்தலில் பெரிய அளவில் வெற்றியும் பெற்று கட்சியின் வேட்பாளராக 1999ல் அறிவிக்கப்பட்டார். ஆனால் தேர்தலுக்கு முன், 10 ஆண்டுகளாக நடந்து கொண்டிருந்த வழக்கில் பொய் சாட்சி அளித்ததற்காக இவருக்கு 4 ஆண்டுகள் சிறைதண்டனை அளிக்கப்பட்டது, அரசியல் வாழ்வு அஸ்தமனம் ஆனது. ஆனால் ஜெயிலில் இருந்தபடி இரண்டு ஆண்டுகளில் ஜெஃப்ரி “கைதியின் டைரி’ என்ற புத்தகத்தின் மூன்று தொகுதிகள் எழுதினார்.

ஒராண்டு முழுவதும் ஆராய்ச்சி செய்து தகவல்கள் திரட்டியபின் 6 வாரங்களில் ஒரு நாவலின் முதல் டிராப்ட்டை எழுதும் இவர், அது மறந்துபோகுமளவுக்கு வேறு விஷயங்களில் அடுத்த 4 வாரங்கள் கவனம் செலுத்துவார். பின்னர் டிராப்ட்டை திருத்த ஆரம்பித்து பலமுறை திருத்தங்கள் செய்து ஒரு நாவலை உருவாக்குகிறார். நாவல்கள் எழுதும் காலங்களை ஏதாவது ஒரு வெளிநாட்டில் கழிக்கிறார். ஜெஃப்ரிக்கு எழுத்துக்கு அடுத்தபடியாக பிடித்த விஷயம் கிரிக்கெட்டும் நமது இந்திய வீரர்களில் தோனியும்.

தமது புத்தகங்களில் மிகச் சிக்கலான நுணுக்கமான டெக்ஜாலஜி சமாசாரங்களைக்கூட தெளிவாக சொல்லும் இவர், தம் புத்தகங்களை மை நிரப்பிய பேனாவின் மூலம், கையால்தான் எழுதுகிறார். சொன்ன காரணம், “எனக்கு கம்ப்யூட்டர் டெக்னாலஜி தெரியாது.’

- ரமணன்

பாலாஜி · பாலாஜி Mon Apr 29, 2013 1:10 pm

பகிர்வுக்கு நன்றி தல ..

நானும் எழுத ஆரம்பிக்க வேண்டியதுதான்

யினியவன் · யினியவன் Mon Apr 29, 2013 1:21 pm

பாலாஜி wrote:நானும் எழுத ஆரம்பிக்க வேண்டியதுதான்

கதை எழுதி உயிரை எடுப்பவர் ன்னு ஒரு கதை வரணுமா? புன்னகை

பூவன் · பூவன் Mon Apr 29, 2013 1:23 pm

யினியவன் wrote:
பாலாஜி wrote:நானும் எழுத ஆரம்பிக்க வேண்டியதுதான்
கதை எழுதி உயிரை எடுப்பவர் ன்னு ஒரு கதை வரணுமா?

நானும் கவிதை எழுதி கடன் வாங்கணும் அப்படின்னு முடிவு பண்ணிட்டேன் ....
அப்புறம் கதை எழுதி அடைத்து விடவேண்டியது தான் ....

பாலாஜி · பாலாஜி Mon Apr 29, 2013 2:12 pm

யினியவன் wrote:
பாலாஜி wrote:நானும் எழுத ஆரம்பிக்க வேண்டியதுதான்
கதை எழுதி உயிரை எடுப்பவர் ன்னு ஒரு கதை வரணுமா?

எப்படியோ வரலாற்றில் இடம் பெற்றால் சரிதான்

யினியவன் · யினியவன் Mon Apr 29, 2013 2:15 pm

பாலாஜி wrote:எப்படியோ வரலாற்றில் இடம் பெற்றால் சரிதான்

கல்யாணம் ஆனவுடன் ஆட்டோமாடிக்கா வரலாறு,
ஜாக்கிரபி, சயன்சுல நாம இடம் பிடிச்சுடறோமே தல

mohan-தாஸ் · mohan-தாஸ் Mon Apr 29, 2013 2:17 pm

பாலாஜி wrote:பகிர்வுக்கு நன்றி தல ..

நானும் எழுத ஆரம்பிக்க வேண்டியதுதான்

ஆழ்ந்த அனுதாபங்கள் ஆறுதல்

Sponsored content · Sponsored content

கதை எழுதி கடனை அடைத்தவர்!

கதை எழுதி கடனை அடைத்தவர்!

Re: கதை எழுதி கடனை அடைத்தவர்!

Re: கதை எழுதி கடனை அடைத்தவர்!

Re: கதை எழுதி கடனை அடைத்தவர்!

Re: கதை எழுதி கடனை அடைத்தவர்!

Re: கதை எழுதி கடனை அடைத்தவர்!

Re: கதை எழுதி கடனை அடைத்தவர்!

Re: கதை எழுதி கடனை அடைத்தவர்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக