மனம் தொட்ட மலர் .....

by பூவன் Sat Apr 27, 2013 7:31 pm

மழையோடு உறவாடி
மனதோடு மகிழ்ந்து
மனமெல்லாம் மணந்து
மங்கை அவள் மனதும்
மலர மலர்ந்த மலரே .....

முகமலர நீ ஒரு
முன்மாதிரியாம் உன் போலவே
முழுநிலவும் உனக்கு ஒரு
முன்மாதிரியாம் ...

முத்தங்கள் தந்திட தோணும்
முகம் காட்டிடும் உன் வரவை கண்டால்
முட்களும் முன்வந்திடும் உனக்கு ஒரு
முள்வேலியாய் காத்திடவே .....

வாசம் வீசியே நீ
வருவோரை வசம் செய்திடுவாய்
வண்ணவண்ணமாய் பூத்தே
வரவேற்றிடும் வஞ்சியவள் நீயோ
வண்ணத்துபூச்சிகள் கொஞ்சிடும்
வரம் பெற்றவள் நீயோ ....

இறைஅருள் தொடங்கி
இனியவரின் மனம் வரை
இயல்பாய் சிறை செய்திடும்
இனியவள் நீயோ .....

மனம் வருட மணம் கொண்ட
மலரவள் உன்னையே
மனம் மகிழ மகிழ்ந்து
மணம் பரப்ப இந்த கவி
மாலை தொடுத்து வந்தேன் .....