மார்த்தாண்டம் அருகே வீடு காணவில்லை

by **krishnaamma** Fri Apr 26, 2013 8:02 pm

First topic message reminder :

மார்த்தாண்டம் : மார்த்தாண்டம் அருகே வீட்டை காணவில்லை என்று சென்னை ஏர்போர்ட் ஊழியரின் மனைவி கொடுத்த புகாரை அடுத்து, 4 பேரை போலீசார் பிடித்து விசாரித்து வருகின்றனர். குமரி மாவட்டம் மார்த்தாண்டம் அருகே ஆலுவிளை பகுதியை சேர்ந்தவர் ரெங்கபாசம் (50). சென்னை ஏர்போர்ட்டில் வேலை பார்த்து வருகிறார். இவரது மனைவி சந்திரகுமாரி (45). இவர்களுக்கு 3 பிள்ளைகள் உள்ளனர். தற்போது, குடும்பத்துடன் சென்னை மீனம்பாக்கத்தில் வசித்து வருகின்றனர்.

ஆலுவிளையில் ரெங்கபாசத்துக்கு வீடு மற்றும் மூன்றரை சென்ட் நிலம் உள்ளது. சென்னையில் இருந்து அடிக்கடி ஊருக்கு வந்து செல்லும் இவர்கள், இந்த வீட்டில் தங்கிச் செல்வது வழக்கம். வீட்டில் கட்டில், பீரோ, டிவி உள்ளிட்ட ஆடம்பர பொருட்கள் இருந்ததாக தெரிகிறது. கடந்த 3 மாதத்துக்கு முன்பு சந்திரகுமாரி வீட்டுக்கு வந்து தங்கிச் சென்றார். அப்போது, வீட்டை சுற்றிலும் காம்பவுண்டு சுவர் கட்டியுள்ளார். இந்நிலையில், கடந்த ஒரு வாரத்துக்கு முன்பு ஆலுவிளைக்கு வந்தவர், வீட்டுக்கு சென்றார். அப்போது வீடு இடிக்கப்பட்டு தரைமட்டமாக இருந்ததைக் கண்டு அதிர்ச்சியடைந்தார்.

வீட்டில் இருந்த பொருட்களையும் காணவில்லை. வீடு இருந்ததற்கான சுவடே இல்லாத அளவுக்கு, யாரோ பொக்லைன் இயந்திரம் மூலம் வீட்டை இடித்து பொருட்களை திருடிச் சென்றது தெரியவந்தது. இது குறித்து உடனடியாக சந்திரகுமாரி, எஸ்பி மணிவண்ணனிடம் புகார் கொடுத்தார். இதுதவிர முதல்வரின் தனிப்பிரிவுக்கும் புகார் மனு அனுப்பினார். விசாரணை நடத்த மார்த்தாண்டம் போலீசாருக்கு எஸ்பி உத்தரவிட்டார். போலீசார் சம்பவ இடத்தை பார்வையிட்டு விசாரித்தனர்.

அப்போது சந்திரகுமாரி, வீடு இருந்ததற்கான புகைப்படங்கள், வீட்டுக்கான ஆவணங்கள் ஆகியவற்றை போலீசாரிடம் கொடுத்தார். இது தொடர்பாக விசாரித்த போலீசார், அதே பகுதியை சேர்ந்த 4 பேரை பிடித்து விசாரித்து வருகின்றனர். வீட்டை காணவில்லை என்று பெண் கொடுத்துள்ள புகார், அந்த பகுதியில் பரபரப்பை ஏற்படுத்தியுள்ளது.

நன்றி : தினகரன்

by DERAR BABU Fri Apr 26, 2013 9:41 pm

:அடபாவி:

by DERAR BABU Fri Apr 26, 2013 9:41 pm

:அடபாவி:

by யினியவன் Fri Apr 26, 2013 9:44 pm

என்ன பாபு ரெண்டு தரம் அதிர்ச்சியா ஆகறீங்க?
உங்க சின்ன வீட்டையும் காணமா? புன்னகை

by ராஜு சரவணன் Fri Apr 26, 2013 10:04 pm

நான் இப்படிதான் சென்னையில் இருந்து சொந்த ஊரு வீட்டுக்கு போனேன். இதே போல் தான் எங்கள் வீட்டையும் காணோம்.

அப்பறம் தான் தெரிஞ்சுது எங்க வீடு பக்கத்து தெருவில் இருக்குதுன்னு

by யினியவன் Fri Apr 26, 2013 10:07 pm

இதுல இருந்தே தெரியுதே ஊருக்கு நீங்க அடிக்கடி போறீங்கன்னு சூப்பருங்க

by **Muthumohamed** Sat Apr 27, 2013 4:29 pm

பூவன் wrote:
krishnaamma wrote:
பூவன் wrote:வீட்டில் இருக்கும் பொருள் காணமல் போனாலே கஷ்டம் , இதில் வீட்டையே காணோமா ?

பாருங்களேன் அநியாயத்தை..........அக்கம் பக்கத்தில் யாரும் இல்லை போலிருக்கு

தனிப்படை அமைத்து தீவிரமாக தேடுதல் தொடர்கிறது , விரைவில் குற்ற்றவாளி பிடிபடுவான் , இதானே தாரக மந்திரம் .....

கொஞ்சநாளில் வீட்டை தொலைத்தவர் 4 வீட்டை கட்டும் அளவு பணம் செலவழிக்க வேண்டி இருக்கும் .....

பூவன்

உண்மையும் கூட

by **உமா** Sat Apr 27, 2013 4:32 pm

:அடபாவி:

இன்னும் என்னென்ன யுத்திகளை கைவசம் வைத்து இருக்கிறார்களோ......

by பூவன் Sat Apr 27, 2013 4:33 pm

உமா wrote: :அடபாவி: இன்னும் என்னென்ன யுத்திகளை கைவசம் வைத்து இருக்கிறார்களோ......

அடுத்து என்ன ஊரை காணோம் அப்படின்னு சொல்ல வேண்டிய நிலை வந்தாலும் சொல்வதற்கு இல்லை

by **Muthumohamed** Sat Apr 27, 2013 4:34 pm

பூவன் wrote:
உமா wrote: :அடபாவி: இன்னும் என்னென்ன யுத்திகளை கைவசம் வைத்து இருக்கிறார்களோ......

அடுத்து என்ன ஊரை காணோம் அப்படின்னு சொல்ல வேண்டிய நிலை வந்தாலும் சொல்வதற்கு இல்லை

மிக விரைவில் இதையும் எதிர் பார்க்கலாம்

by **உமா** Sat Apr 27, 2013 4:35 pm

பூவன் wrote:
உமா wrote: :அடபாவி: இன்னும் என்னென்ன யுத்திகளை கைவசம் வைத்து இருக்கிறார்களோ......

அடுத்து என்ன ஊரை காணோம் அப்படின்னு சொல்ல வேண்டிய நிலை வந்தாலும் சொல்வதற்கு இல்லை

தற்போது செய்திகளை பார்க்கவே பயமாக உள்ளது பூவன்...என்றோ எங்கோ படித்த செய்திகள் தற்போது அடிக்கடி பார்க்க நேரிடிகிறது ......