உப்புமா வகைகள்

by **krishnaamma** Thu Apr 25, 2013 6:05 pm

First topic message reminder :

மாலை வேளைகளில் செய்யப்படும் டிபன்களில் இது ரொம்ப பிரபலமானது புன்னகை

இதில் பல வகைகள் உண்டு. அதாவது, அரிசி உப்புமா ( அதிலேயே பலவகை), ரவா உப்புமா , அவல் உப்புமா , ஜவ்வாரிசி உப்புமா, சேமியா உப்புமா, கோதுமை ரவா உப்புமா என பல பொருட்களில் உப்புமா செய்யலாம். இங்கு நாம் ஒவ்வொன்றாக பார்க்கலாம் நண்பர்களே !

ரவா உப்புமாவை எல்லோரும் 'நிலைய வித்துவான்' என்று செல்லமாக சொல்வார்கள், ஏன் என்றால் உடனடியாகவும் சுவையாகவும் இதை தயாரிக்க முடியும் என்பதால்.

by **Ahanya** Fri Apr 26, 2013 5:09 pm

ஆகா....எனக்கு உப்புமா மிகவும் பிடிக்கும் கிருஷ்னாம்மா....ஒவ்வொன்றாக செய்து பார்கிறேன்... சிரி

பகிர்வுக்கு நன்றி.....

by யினியவன் Fri Apr 26, 2013 5:59 pm

krishnaamma wrote:ஆமாம் உமா, பிரட் திரி லும் போட்டிருக்கேன், உப்புமா வகைக்காக இங்கும் போட்டேன் சுலபம் மட்டும் அல்ல நல்லாவும் இருக்கும். மீந்த பிரட் இல் கூட செய்து விடலாம்.

பிரட்டை எங்க டாமி கூட சாப்பிடாது - சாப்பிடும் என்னை ஒரு மாதிரி லுக்கு விடும்?

இதுல மீந்த பிரெட்ல உப்புமாவா? ஒரு மனுஷன் எம்புட்டு கஷ்டத்தை தான் தாங்குவது? புன்னகை

by **krishnaamma** Fri Apr 26, 2013 6:49 pm

யினியவன் wrote:
krishnaamma wrote:ஆமாம் உமா, பிரட் திரி லும் போட்டிருக்கேன், உப்புமா வகைக்காக இங்கும் போட்டேன் சுலபம் மட்டும் அல்ல நல்லாவும் இருக்கும். மீந்த பிரட் இல் கூட செய்து விடலாம்.
பிரட்டை எங்க டாமி கூட சாப்பிடாது - சாப்பிடும் என்னை ஒரு மாதிரி லுக்கு விடும்?

இதுல மீந்த பிரெட்ல உப்புமாவா? ஒரு மனுஷன் எம்புட்டு கஷ்டத்தை தான் தாங்குவது?

ஹா...ஹா...ஹா.. சரியான ஆள் நீங்க புன்னகை

எனக்கு சிரிச்சுசிரிச்சு முடியலை இனியவன் புன்னகை

எங்க விடுல நாங்க எல்லோருமே டாமி தான் ஜாலி

by **krishnaamma** Fri Apr 26, 2013 6:50 pm

Ahanya wrote:ஆகா....எனக்கு உப்புமா மிகவும் பிடிக்கும் கிருஷ்னாம்மா....ஒவ்வொன்றாக செய்து பார்கிறேன்...

பகிர்வுக்கு நன்றி.....

அப்படா.............. நீங்க வாழ்க அஹன்யா.........உப்புமா மகிமையை அந்த இனியவனுக்கு கொஞ்சம் சொல்லுங்கோ புன்னகை

உங்களுக்குபுண்ணியமாய் போகும் :வணக்கம்:

by **krishnaamma** Tue May 07, 2013 7:55 pm

தேவையானவை :

இட்லி 10 - 12
தோசை மிளகாய் பொடி - 4 டீ ஸ்பூன்
நல்லெண்ணெய் - 2 டேபிள் ஸ்பூன்
கடுகு, உளுத்தம் பருப்பு தாளிக்க கொஞ்சம்
வேண்டுமானால் 1/2 டீ ஸ்பூன் பெருங்கயப்பொடி

செய்முறை :

இட்லிகளை உதிர்த்து வைக்கவும்.
வாணலி இல் எண்ணெய் விட்டு, கடுகு, உளுத்தம் பருப்பு தாளிக்கவும்.
இட்லி யை போட்டு நன்கு வறுக்கவும்.
வேண்டுமானால் துளி உப்பு போடலாம்.
உதிர்த்த இட்லியை வாணலி இல் போட்டு அது கொஞ்சம் வதங்கியதும், தோசை மிளகாய் பொடி தூவி, நன்கு கிளறி இறக்கவும்.
அருமையாக இருக்கும்.

by **krishnaamma** Tue May 07, 2013 8:01 pm

தேவையானவை :

இட்லி 10 - 12
வெங்காயம் - 2 ( பொடியாக நறுக்கவும் )
பச்சை மிளகாய் - 4 பொடியாக நறுக்கவும்
நல்லெண்ணெய் - 2 டேபிள் ஸ்பூன்
கடுகு, உளுத்தம் பருப்பு தாளிக்க கொஞ்சம்
வேண்டுமானால் 1/2 டீ ஸ்பூன் பெருங்கயப்பொடி

செய்முறை :

இட்லி களை உதிர்த்து வைக்கவும்.
வாணலி இல் எண்ணெய் விட்டு கடுகு, உளுத்தம் பருப்பு தாளிக்கவும்.
பச்சை மிளகாய் மற்றும் வெங்காயம் போட்டு வதக்கவும்.
இப்போது உதிர்த்த இட்லி யை போட்டு நன்கு வதக்கவும்..
வேண்டுமானால் உப்பு போடவும்.
ஒரு 2 நிமிடம் வதக்கி விட்டு இறக்கவும்.
சாம்பாருடன் பரிமாறவும்.
இதுவும் நல்லா இருக்கும்.

by **krishnaamma** Tue May 07, 2013 8:07 pm

தேவையானவை:

வறுத்த, பன்சி ரவா 1 கப் ( அதாவது சோள ரவை )
மிளகு சீரகம் 2 டீ ஸ்பூன் ( உடைத்து வைத்துக்கொள்ளவும் )

தாளிக்க:

கடுகு 1 ஸ்பூன்
உளுந்து 1 ஸ்பூன்
கடலை பருப்பு 1 ஸ்பூன்
கறிவேப்பிலை 1 கைப்பிடி
எண்ணை 3 - 4 ஸ்பூன்
நெய் 2 -3 ஸ்பூன்
முந்திரி உடைத்தது - 1 டேபிள் ஸ்பூன்

செய்முறை:

ஒரு ஆழமான வாணலி இல் எண்ணை மற்றும் நெய் விடவும்.
தாளிக்க கொடுத்துள்ள பொருட்களை தாளிக்கவும்.
அதிலேயே உடைத்த மிளகு சீரகத்தையும் போடவும்.
இப்ப அடுப்பை சின்ன தாக்கி விட்டு, பன்சி ரவையை கொட்டி கிளறவும்.
நன்கு வறுக்கவும்; 1 ஸ்பூன் நெய்விட்டு மீண்டும் நன்கு வறுக்கவும்.
அது நன்கு வறுபட்டதும் 2 டம்பளர் தண்ணீர் விடவும், கிளறி விடவும்.
ரவை நன்கு வெந்ததும் கிளறி இறக்கவும்.
நல்ல சுவையான 'பன்சி ரவா உப்புமா ' தயார்.
மஞ்சளாக பார்க்கவும் ரொம்ப அழகாக இருக்கும் புன்னகை

தொட்டுக்கொள்ள தேங்காய் சட்டினி அல்லது சாம்பார் நல்லா இருக்கும்.

by **ஜாஹீதாபானு** Thu May 23, 2013 1:15 pm

ஓட்ஸ் உப்புமா இன்று செய்தேன்மா ஆனால் உதிரியாக வரவில்லையெ சோகம்

by **krishnaamma** Thu May 23, 2013 2:14 pm

ஜாஹீதாபானு wrote:ஓட்ஸ் உப்புமா இன்று செய்தேன்மா ஆனால் உதிரியாக வரவில்லையெ

முதலில் நன்னா வறுத்திங்களா ? கொஞ்சம் ஆறினால் உதிராக வரும் பானு....என்றாலும் அவல் உப்புமா போல அவ்வளவு உதிராக வராது புன்னகை

by **ஜாஹீதாபானு** Thu May 23, 2013 2:35 pm

krishnaamma wrote:
ஜாஹீதாபானு wrote:ஓட்ஸ் உப்புமா இன்று செய்தேன்மா ஆனால் உதிரியாக வரவில்லையெ

முதலில் நன்னா வறுத்திங்களா ? கொஞ்சம் ஆறினால் உதிராக வரும் பானு....என்றாலும் அவல் உப்புமா போல அவ்வளவு உதிராக வராது

அடடா வறுக்காம அள்ளி கொட்டிட்டேன் ....

அடுத்து வறுத்து செய்றேன்மா சூப்பருங்க