கண்ணதாசன் கவிதைகள்

by **முனைவர் ம.ரமேஷ்** Wed Apr 24, 2013 7:34 pm

First topic message reminder :

நன்றி : கண்ணதாசன்

"பெண்ணாக ஏன் பிறந்தேன்
பேராசை ஏன் அசைந்தேன்-
கண்ணாரத் தூக்கம் இல்லையே-தோழி
கண்ணாரத் தூக்கம் இல்லையே
கண்ணாடி முன்னிருந்து
கட்டி யணைப்பதற்கு
கண்ணன்தன் உருவம் இல்லையே - தோழி
கண்ணன்தன் உருவம் இல்லையே'

by **முனைவர் ம.ரமேஷ்** Wed Apr 24, 2013 8:01 pm

என்னை அழவிடு என்னை அழவிடு
அன்னை என்னை அழவே படைத்தாள்
வானம் அழுவது மழையெனும் போது
வையம் அழுவது பனியெனும் பொது
கானம் அழுவது கலையெனும் பொது
கலைஞன் அழுவது கவிதையா காதோ?

by **முனைவர் ம.ரமேஷ்** Wed Apr 24, 2013 8:02 pm

கைநிறையப் பொருள்குவித்துக் காலமெல்லாம் அள்ளிவிட்டு
இல்லையென வருவார்க்கும் ஏங்கி அழுவார்க்கும்
தொல்லையிலே வீழ்வார்க்கும் துணையாக வாழ்ந்திருந்து
கல்யாண மாகாத காளையர்க்கும் கன்னியர்க்கும்
நல்ல மணமுடித்து நல்வாழ்வுக் கைகொடுத்து
எல்லார்க்கும் நல்லவனாய் இரக்கம் மிகுந்தவனாய்
வாழ நினைத்திருந்தேன் வாழ்வும் முழுமையில்லை

by **முனைவர் ம.ரமேஷ்** Wed Apr 24, 2013 8:02 pm

"போனால் போகட்டும் போட! இறந்து விட்டால்
நானாரோ நீயாரோ நல்ல பொழுதையெல்லாம்
அழுதே கழிக்காமல் ஆடித்தான் பார்க்கிறேன்'

by **முனைவர் ம.ரமேஷ்** Wed Apr 24, 2013 8:03 pm

இனித்தசுவை வாழ்க்கைமுறை பலவுங் கொண்ட
இயல்புமிகு தமிழரெல்லாம் இனத்தால் ஒன்று
மனிதக்குணம் சிறிதுமிலா வடவர் தம்மில்
மாறுபடு இனத்தார் காரணத்தால் ஒன்று'

by **முனைவர் ம.ரமேஷ்** Wed Apr 24, 2013 8:03 pm

காட்டுமலர்க் கொத்தேபோல் இனிமை தேக்கிக்
காத்த மொழி தமிழாகும் நம்மதாகும்!
கெட்ட மொழி இந்திஅதன் பகைவ னாகும்
கேட்கின்ற பிரிவினைக்குப் பொருள் இரண்டாம்
... ... ... ...
அற்புதமாம் தமிழ்க்கலைக்கு வடவர் நாட்டின்
அசடுவழி கலைவேறு! கொள்கை மூன்று'

by **முனைவர் ம.ரமேஷ்** Wed Apr 24, 2013 8:04 pm

குதிரையைக் கூடிய கோமள வல்லிகள்
கூடியிருந்தது வடநாடு!'
பதிமுறை காத்தநற் பத்தினிப் பெண்மையின்
பண்புவ ளர்த்தது தென்னாடு!
அதிசயக் கடவுளர் ஆயிர மாயிரம்
ஆதிநி லைத்தது வடநாடு!
கதிரொடு திங்களைக் கண்ணுற வாழ்த்திய
காவியம் புகழ்வது தென்னாடு!
காதலர் கண்டதும் மேகலை வீழ்வுறும்
காமம்வ ளர்த்தது வடநாடு!
காதலர் கண்டதும் நாணிய பெண்மையிற்
கற்புநி லைத்தது தென்னாடு!'

by **முனைவர் ம.ரமேஷ்** Wed Apr 24, 2013 8:05 pm

எவ்வழி ஓரினம் எவ்வழி ஓர்கலை
எவ்வழி பாரதம் ஒன்றாகும்
... ... ... ...
செவ்வழி தமிழர் ஆந்திரர் ஒன்றாய்த்
திராவிடம் காணல் நன்றாகும்

by **முனைவர் ம.ரமேஷ்** Wed Apr 24, 2013 8:05 pm

கோழிக்குள் முட்டை வைத்து
முட்டைக்குள் கோழிவைத்து
வாழைக்குள் கன்றுவைத்தான் ஒருவன் - அந்த
ஏழையின் பேர் இறைவன்'

by **முனைவர் ம.ரமேஷ்** Wed Apr 24, 2013 8:06 pm

இறைவனென் றொருவன் உண்டு
இவரிவர் வாழ்க்கை இந்த
முறையிலே போகும் என்று
முடிவுற்ற கணக்கும் உண்டு

by **முனைவர் ம.ரமேஷ்** Wed Apr 24, 2013 8:07 pm

முற்றும் கசந்ததென்று
பற்றற்று வந்தவர்க்குச்
சுற்றமென நின்றிருப்பான் ஒருவன் - அவனைத்
தொடர்ந்து சென்றால் அவன்தான் இறைவன்'

by Sponsored content

கண்ணதாசன் கவிதைகள்

கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்

Re: கண்ணதாசன் கவிதைகள்