நான் 8-ம் வகுப்பு வரை படித்த சாதாரண நடிகன்தான்-கமல்

balakarthik · balakarthik Tue Apr 30, 2013 4:51 pm

கோவையில் இளைய தலைமுறை அவார்ட்ஸ் சார்பில் இலக்கிய விருது வழங்கும் விழா நடந்தது. இதில் கவிஞர் புவியரசு, கோவை ஞானி, தொ.பரமசிவன் ஆகிய 3 பேருக்கும் இளையதலைமுறை விருது மற்றும் ரூ. 50 ஆயிரம் ரொக்கப்பரிசு ஆகியவை வழங்கப்பட்டது. இந்த விழாவில் நடிகர் கமல்ஹாசன் கலந்து கொண்டு அவர்களுக்கு விருது வழங்கினார்.

பின்னர் கமல் பேசுகையில், விருது பெற்றுள்ள எழுத்தாளர்களுக்கு பாராட்டு விழா நடக்கிறது. இது நமக்கு கிடைத்த பெருமை. நாம் அவர்களுக்கு செய்யும் கெளரவம். என்னை சினிமாவை அடுத்தக்கட்டத்துக்கு கொண்டு செல்லுங்கள் என்று கூறியவர்கள் இவர்கள். இவர்களின் எழுத்துக்களில் நிறைய ஆளுமைத்திறன் இருக்கும். அதனால் இவர்களது புத்தகங்களை படியுங்கள.

என்னிடம், நீங்கள் ஏன் அரசியலுக்கு வரக்கூடாது என்று சிலர் கேட்கிறார்கள். அவர்களிடம், நான் சுமாரான நடிகன்தான் அதனால் வரவில்லை என்று கூறிவிட்டேன். இன்னும் சிலரோ, நீங்கள் 8-ம் வகுப்பு வரைதானே படித்திருக்கிறீர்கள். பிறகு எப்படி இவ்வளவு விசயங்களை பேசுகிறீர்கள்? என்று கேட்கிறார்கள். அதற்கு, இங்கு விருது பெற்றவர்களின் தொடர்பு இருப்பதினால்தான என்னால் அந்த அளவுக்கு பேச முடிகிறது என்று நான் பதில் சொன்னேன் என்றார் கமல்.

நன்றி:- தினமலர்

பாலாஜி · பாலாஜி Tue Apr 30, 2013 5:05 pm

படிப்புக்கும் அறிவுக்கும் சம்பந்தம் இல்லை என்று சொல்லுங்கள்

யினியவன் · யினியவன் Tue Apr 30, 2013 5:06 pm

அண்ணே எப்பவும்போல் குழப்புராறு.

இப்ப நான் படிக்கறதா வேண்டாமா பாலா? புன்னகை

பாலாஜி · பாலாஜி Tue Apr 30, 2013 5:09 pm

யினியவன் wrote:அண்ணே எப்பவும்போல் குழப்புராறு.

இப்ப நான் படிக்கறதா வேண்டாமா பாலா?

வேணாம் அண்ணே . படிக்காத அறிவாளி நீங்க ... போதுமா

யினியவன் · யினியவன் Tue Apr 30, 2013 5:15 pm

பாலாஜி wrote:வேணாம் அண்ணே . படிக்காத அறிவாளி நீங்க ... போதுமா

இத இத இதத்தான் எதிர்பார்த்தேன் இப்பதான்
பாலாஜி கையால பாயா சாப்பிட்ட திருப்தி புன்னகை

றினா · றினா Wed May 01, 2013 10:47 am

முக்கியாமாக ஒரு விடயத்தைக் கூற விரும்புகிறேன்...

கல்விக்கும் அறிவுக்கும் சம்பந்தம் இல்லை... எங்களுடைய ஊரில் சுமார் 15 வருடங்களுக்கு முன் நகரசபையின் தவிசாளராக (Chairman) இருந்த ஒருவர் முதலாம் வகுப்பக்கூட பூரணமாக நிறைவு செய்யாதவர். ஆனால் படித்தவர்கள் என்று கூறிக்கொள்ளும் சில தவிசாளர்கள் இன்னும் இருந்து கொண்டிருக்கின்ற நிலையில் இவரது ஆட்சிக்காலமே மக்கள் மத்தியில் சிறந்த ஆட்சியாகக் கருதப்படுகிறது.