ஜப்பானில் தமிழும், தமிழர் விழாவும் !

ஜப்பானிய நாடு, நிப்பான் என்றும் நிஃகோ(ன்) என்றும் அழைக்கப்படும் பெருவள நாட்டினை இரண்டு முறை (2008-இல், 2012-12 இல்) நேரில் கண்டு மலைப்படைந்தேன்! ஒவ்வொரு ஜப்பானியரும் ஒழுங்கு, கட்டுப்பாடு,எதிலும் தூய்மை, செய்நேர்த்தி, இயல்பான மொழிப்பற்று கொள்வதில் பெருமிதம் கொண்டு வாழ்வதைக் கண்குளிரக் கண்டேன் !
நாட்டுப் பற்று தவிர எங்கும் எதிலும் தாய் மொழியால் உயர் தொழில் நுட்பத்தில், ஏன் அனைத்திலும் அசுர வளர்ச்சி !

1) ஜப்பானுடன் பழந்தமிழரின் 2000 ஆண்டு வணிக உறவு :

தமிழ்நாட்டில் சென்னையில் உள்ள இன்றைய ஜப்பானிய தூதரான திரு.டக்கயுக்கி கிட்டகாவா அவர்கள் சங்க காலத்திலிருந்தே தமிழ்நாட்டுடன் ஜப்பானிய உறவு இருந்ததாகச் சொல்கிறார். 2000 ஆண்டுகட்கு முன்னர் (கி.மு.100 ) ரோமானியருடன் முத்து வாணிகம் செய்தபோது, நம் தமிழ்க் கடலோடிகள் ஜப்பானிலிருந்தும் முத்துக்களை (Outsource) வாங்கி ஏற்றுமதி செய்தனர் என்று வரலாற்றுப் பதிவு செய்கிறார்.



2). ஜப்பானிய மொழியில் 500 – மேற்பட்ட தமிழ்ச் சொற்கள்:

i. அம்மா, அப்பா, சல்லி - போன்ற 500 – மேற்பட்ட தமிழ்ச் சொற்கள் யப்பான் மொழியில் புழங்குவதாகவும் பெருமையுடன் சொல்கிறார்.

ii.மேலும் பல ஜப்பானிய - தமிழ்ச் சொற்கள் :


நம்பு = நபு

யாரு = யர,

நீங்கு = நிகு ,

உறங்கு = உரகு,

கறங்கு = கரகு

அகல் = அரகு,

அணை = அண,

கல் = கர

கால்வாய் = காவா (கவா)


எ.கா:டோக்கியோ நகரில் நடுவில் உள்ள ஆறு “நக்க காவா” = நடு கால்வாய் (ஆறு)

iii. ஜப்பானில் தமிழ்ப் பெயருள்ள ஊர்கள்:

“மருதை” என்ற பெயருள்ள ஊர் ஜப்பானின் வட பகுதியில் இன்றும் உள்ளது. இது மட்டுமா ? மேலும் தமிழரின் வரலாற்றுத் தடங்களாக விளங்கும் ஒரிசாவிலும், வங்கத்திலும், தைவானிலும், சீனாவிலும் கூட ‘காஞ்சி” என்ற பெயருள்ள ஊர்கள் உள்ளன.

“காஞ்சி” என்ற ஊர் ஜப்பானின் தென் மேற்குப் பகுதியில் ஒக்கினாவா கென் (Perfecture) மாநிலத்தில் உள்ளது.
“காஞ்சி” என்பது சீனப் பட எழுத்துக்களைக் கொண்ட சீனச் சொற்கள் கொண்ட ஜப்பானிய மொழிப் பகுதி ஆகும்.



மருதைக்கும் வடமேற்கே “குறில்” என்ற பெயருடைய தீவுக்கூட்டமே உள்ளது. ரசியாவுக்கும் ஜப்பானுக்கும் பொதுவானதாக இத்தீவுக் கூட்டம் எல்லைப் பிரச்சினையாகவும் உள்ளது. ரசியாவின் கிழக்கு எல்லையில் விளாடி வாசுடாக் பகுதியில் “ஆமூர்” ( ஆமையூர் ) என்ற பெயருடைய ஆறு ஓடுகிறது.

3)முத்து என்ற தமிழருக்கு ஜப்பானிய அரசின் அஞ்சல்தலை:

பல தமிழ் நூல்களை ஜப்பானிய மொழியில் மொழி பெயர்த்த சூசோ(JO) மட்சுனுக்கா அவர்களுக்கு உதவிய தமிழரும் தமிழ் நாட்டின் விடுதலைப் போராட்ட வீரரும் ஆன முத்து அவர்களுக்கு யப்பானிய அரசு அஞ்சல் தலை வெளியிட்டு நன்றியுடன் பெருமை செய்தது.



i.திருமணப் பெண் பார்க்கும் நிகழ்வு :

அந்த காலத்திலிருந்து ஜப்பானில் பெண்பார்க்கச் செல்லும் போது மூன்றாவது நாள் பெண்வீட்டார் திருமணத்திற்குச் சம்மதம் என்றால் அரிசி இனிப்பு (சருக்கரைப் பொங்கல்) கொடுப்பர். இது பழங்காலத்திலிருந்து இன்றுவரை உள்ளது. இலக்கிய, இலக்கணம், பண்பாடு போன்றவை இருமொழிகட்கும் ஒற்றுமையாக உள்ளன.

ii. “பொங்கலோ பொங்கல்” ஜப்பானில் “கொங்கரா கொங்கரா”:

வியப்புக்குரிய செய்தி என்னவென்றால், போகி, பொங்கல், மாட்டுப் பொங்கல் தமிழ்நாட்டில் கொண்டாடும் அதே நாட்களில் அதே முறையில் “கோஷோகட்சு” (Koshogatsu) எனும் பெயரில் பொங்கல் விழா நடக்கிறது. அவர்கள் இதனைச் சிறிய புத்தாண்டு எனவும் நாம் தமிழ்ப் புத்தாண்டு எனவும் சொல்கிறோம். (அன்று தேசிய விடுமுறை)



பொங்கலோ பொங்கல் என்று நாம் சொல்வதைப் போலவே “கொங்கரா கொங்கரா” என்றே சொல்கிறார்கள். அவர்கள் மொழிப் படி “பொ” வை - “கொ” எனவும் “லோ”-வை “ரா” என மாற்றிச் சொல்கிறார்கள்.



பொங்கலுக்கு முதல் நாள் நம்மைப் போலவே பழைய பொருள்களைக் எரித்துப் போகி கொண்டாடுவதும் அங்கே உண்டு. அதே போல பொங்கலுக்கு மறுநாள் மாட்டுப் பொங்கல் போலவே குதிரைக்கு அவர்கள் விழா எடுக்கிறார்கள்.

(நன்றி ஜப்பானில் கண்ணன் - சில பகுதிகள்)

சூப்பர் பகிர்வுங்க ராஜூ

மிகவும் நன்று இராசு

மிகவும் பயனுள்ள பகிர்விற்கு நன்றி ராசு சரவணன்.

சச்சிதானந்தம்

நல்ல பதிவு

ஜப்பானில் தமிழிருக்கு தமிழ்நாட்டில் ????????????

நல்லதொரு பகிர்வுக்கு நன்றி