நான் தமிழன்

தர்மா · தர்மா Sun Apr 21, 2013 10:39 am

மகாபலிபுரத்தில் வன்னியர்கள் கூடும் சித்திரை முழு நிலவு இளைஞர் பெருவிழா வருகிற 25-ந்தேதி (வியாழன்) நடக்கிறது. ஜெ.குரு எம்.எல்.ஏ. தலைமையில் நடக்கும் இந்த மாநாட்டில் உத்திரபிரதேச முதல்-மந்திரி அகிலேஷ்சிங் யாதவ் கலந்து கொள்வதாக இருந்தது. இந்த நிலையில் அவரது வருகையில் மாற்றம் செய்யப்பட்டுள்ளது. முன் கூட்டியே அதாவது நாளை (22-ந்தேதி) சென்னை வருகிறார்.

நாளை காலை 9 மணியளவில் சென்னை வரும் அகிலேஷ் சிங் யாதவுக்கு விமான நிலையத்தில் பா.ம.க. சார்பில் பிரமாண்ட வரவேற்பு கொடுக்கப்படுகிறது. விமான நிலைய வரவேற்பு நிகழ்ச்சி முடிந்ததும் நேராக ஐ.டி.சி. ஓட்டலுக்கு செல்கிறார். அங்கு வன்னியர் இளைஞர் சங்க மாநாட்டை தொடங்கி வைக்கிறார்.

நிகழ்ச்சிக்கு ஜெ.குரு தலைமை தாங்குகிறார். பா.ம.க.தலைவர் ஜி.கே.மணி, துணை பொது செயலாளர் ஏ.கே. மூர்த்தி ஆகியோர் முன்னிலை வகிக்கிறார்கள். பா.ம.க. நிறுவனர் டாக்டர் ராமதாஸ், டாக்டர் அன்புமணி ராமதாஸ், முன்னாள் மத்திய மந்திரி ரா.வேலு, சமூக முன்னேற்ற சங்க தலைவர் கோபால், சமாஜ்வாடி கட்சி மாநில தலைவர் இளங்கோ யாதவ் ஆகியோர் பேசுகிறார்கள்.

பின்னர் அகிலேஷ் சிங் யாதவ் பத்திரிகையாளர்களை சந்திக்கிறார். சென்னை நிகழ்ச்சிகளை முடித்து கொண்டு நாளை இரவே அவர் லக்னோ திரும்புகிறார். அகிலேஷ் சிங் யாதவை வரவேற்க பா.ம.க. இளைஞர் சங்கத்தினர் பிரமாண்ட ஏற்பாடுகள் செய்து வருகிறார்கள்.