சுக்ரன் தேவயானி உரையாடல் | ஆதிபர்வம் - பகுதி 79

(சம்பவ பர்வ தொடர்ச்சி)

சுக்ரன் தொடர்ந்தார், "ஓ தேவயானி, மற்றவர்களின் தீய பேச்சுகளை பொருட்படுத்தாதவன் அனைத்தையும் அடைகிறான் என்பதை அறிந்து கொள். ஞானமுள்ளோர், குதிரைகளின் கடிவாளத்தை இறுகப்பற்றாமல் தளர்ந்தவாறு பற்றுபவனே உண்மையான சாரதி. ஆகையால், தனது வளரும் கோபத்தைக் கட்டுப்படுத்துபவனே உண்மையான மனிதன். ஓ தேவயானி, தனது வளரும் கோபத்தைக் அமைதியாகக் கட்டுப்படுத்தி இருப்பவன் அனைத்தையும் அடைகிறான் என்பதை அறிந்து கொள். மன்னிப்புக்கு தஞ்சம் கொடுப்பவன், தனது வளரும் கோபத்தை , சதுப்பு நிலத்தைவிட்டு அகலும் பாம்பைப் போல அசைத்து, உண்மையான மனிதனாகிறான். தனது கோபத்தைக் கட்டுப்படுத்துபவன், மற்றவர்களின் தீய பேச்சைப் பற்றி அக்கறைகொள்ள மாட்டான். காரணமிருந்தும் கோபமடையாதவன், நாம் வாழ்வதற்கு அவசியமான நான்கு நிலைகளையும் அடைவான் (அறம், பொருள், இன்பம், வீடு). சோர்வடையாமல் நூறு வருடங்களுக்கு மாதாமாதம் வேள்விகள் செய்பவனுக்கும் இவனுக்கும் வித்தியாசமில்லை. எப்போதும் கோபமடையாதவன் உயர்ந்தவனாவான். நன்மைக்கும் தீமைக்கும் வித்தியாசம் தெரியாத ஆண்களும் பெண்களும் தங்களுக்குள் சண்டையிட்டுக் கொள்வர். ஞானமுள்ளோர் அவர்களைப் பின்பற்ற மாட்டார்கள்."

தனது தந்தையிடமிருந்து இவற்றைக் கேட்ட தேவயானி, " ஓ தந்தையே, கோபத்துக்கும் மன்னிப்புக்கு உள்ள வித்தியாசத்தையும் அதன் சக்திகளையும் நான் அறிவேன். ஆனால், ஒரு குரு தனது சீடனுக்கு நன்மையைச் செய்ய விரும்பினால், அந்தச் சீடன் மரியாதை குறைவாக நடக்கும்போது அவனை மன்னிக்கக்கூடாது. ஆகையால், தீய நடத்தையுள்ள இந்த நாட்டில் இனியும் வாழ நான் ஆசைப்படவில்லை. நன்னடத்தையுள்ள நல்லவர்களைப் பழித்துப் பேசி பாவகர காரியங்கள் செய்யும் மனிதர்களுடன், நன்மை செய்வதில் விருப்பம் கொண்ட ஞானமுள்ளோர் வசிக்கக்கூடாது நல்ல நடத்தையுள்ள, பிறப்பால் உயர்ந்தவர்கள், மரியாதைக்குரியவர்கள் வசிக்கும் இடமே ஒருவன் வாழத்தகுந்த இடம். விருஷபர்வனின் மகள் உச்சரித்த தீய வார்த்தைகள் வெறும் எரிபொருளை எரிக்க நெருப்பைத் தூண்டிவிட்டது போல எனது இதயத்தை எரித்துக் கொண்டிருக்கின்றன. நற்பேறு பெற்ற ஒரு எதிரியைப் புகழ்பாடுவதைவிட ஒரு தீய காலம் மூன்று உலகிலும், நற்பேறற்ற ஒரு மனிதனுக்கு வேறு இல்லை. அப்படிப்பட்ட மனிதன் வாழ்வதை விட இறந்தே போகலாம்.



சுக்ரன் தேவயானி உரையாடல் | ஆதிபர்வம் - பகுதி 79 எனது வலைப்பூவில் காண முன் சுட்டியை அழுத்தவும்