லஞ்ச ஊழியருக்கு மதுரை கலெக்டர் நூதன தண்டனை : விவசாயிகளுக்கு அடித்தது "லக்'

DERAR BABU · DERAR BABU Wed Apr 17, 2013 9:31 pm

மதுரை : மதுரையில், விவசாயிடம் லஞ்சம் கேட்ட வருவாய் ஊழியருக்கு, கலெக்டர் அன்சுல் மிஸ்ரா நூதன தண்டனை வழங்கினார்.

மதுரை, அண்டமான் கிராமத்தைச் சேர்ந்த விவசாயி, நவநீத கிருஷ்ணன். வயலில், சொட்டு நீர்ப்பாசன வசதி அமைப்பதற்காக, "சிறு விவசாயி' என்ற சான்றிதழ் பெற, மனைவி ருக்மணி பெயரில், தாலுகா அலுவலகத்தில், மார்ச் 11ல் விண்ணப்பித்தார்.அங்குள்ள ஊழியர் ஒருவர், தன்னை, "கவனிக்கும்படி' கூறியதால், அவரிடம் நவநீதகிருஷ்ணன், 200 ரூபாய் கொடுத்தார். அந்த ஊழியரோ, 5,000 ரூபாய் தந்தால், உடனே சான்றிதழ் தருவதாக கூறினார். தன்னிடம் அவ்வளவு தொகை இல்லை என, நவநீத கிருஷ்ணன் கூறியதால், சான்றிதழ் கிடைப்பது தாமதமானது.இதுகுறித்து நவநீதகிருஷ்ணன், கலெக்டர் அன்சுல் மிஸ்ராவிடம் புகார் தெரிவித்தார். நேற்று முன்தினம், இருவரையும் வரவழைத்த கலெக்டர், விசாரணை நடத்தினார்."நவநீத கிருஷ்ணனுக்கு உடனே சான்றிதழ் வழங்க வேண்டும். மேலும், மதுரை வடக்கு தாலுகாவில் உள்ள சிறு, குறு விவசாயிகள் எத்தனை பேர் என கணக்கெடுத்து, விண்ணப்பித்தோர், விண்ணப்பிக்காதோர் என, அத்தனை பேருக்கும், காசு வாங்காமல், ஏப்., 30க்குள் சான்றிதழ்களை கொடுத்து, அறிக்கை சமர்ப்பிக்க வேண்டும்' என, லஞ்சம் கேட்ட ஊழியருக்கு உத்தரவிட்டார்.தண்டனையை கேட்ட ஊழியர், சற்றே மலைத்தாலும், "தலை தப்பியது தம்பிரான் புண்ணியம்' என, உடனே செயலில் இறங்கி விட்டார்.

நவநீதகிருஷ்ணன் கூறியதாவது:நான் கொடுத்த தொகையை வாங்காமல், பேரம் பேசி இழுத்தடித்ததால், என்ன செய்வதென தெரியவில்லை. விஜிலன்ஸ் போலீசாரிடம் தெரிவிக்கவும் மனம் வரவில்லை. வேறு வழியின்றி, கலெக்டரிடம் சென்றேன். அவரது தீர்ப்பால் எல்லா விவசாயிகளுக்கும் பயன் கிடைத்துள்ளது.இவ்வாறு, அவர் கூறினார்.

தினமலர்

பாலாஜி · பாலாஜி Thu Apr 18, 2013 12:17 pm

நல்ல செயல்

**கரூர் கவியன்பன்** · 23/09/2012

அவரின் செயலால் அனைவருக்கும் நல்லது நடந்தது மகிழ்ச்சி.இருப்பினும் தன்னால் தர இயலாத தொகை என்பதாலோ என்னவோ அவர் ஆட்சியரிடம் சென்று உள்ளாரோ? ஒரு வேளை தன்னால் இயலும் தொகை என்றிருந்தால் போகாமல் இருந்திப்பாரோ என்னாவோ தெரியவில்லை.

s.m.aanand · s.m.aanand Fri Apr 19, 2013 6:17 am

200 ரூபாயாய இருந்தாலும்,5000 ரூபாயாக இருந்தாலும் தயவு செய்து கையூட்டு கொடுக்காதீர்கள்.கேட்டால் கிடைக்கும் என்ற எண்ணம் இருப்பதால்தான் கேட்கிறார்கள்.நம் காரியம் ஆனால் போதும் என்ற எண்ணத்தைக் கைவிடுங்கள்.கையூட்டுக் கொடுத்தால் உடனே நடக்கும் வேலை சற்றுக் காலதாமதம் ஆனாலும் பொறுத்துக் கொண்டோமேயானால் நாம் சமுதாயத்துக்குச் செய்யும் நன்மையாக இருக்கும்.

Sponsored content · Sponsored content

லஞ்ச ஊழியருக்கு மதுரை கலெக்டர் நூதன தண்டனை : விவசாயிகளுக்கு அடித்தது "லக்'

லஞ்ச ஊழியருக்கு மதுரை கலெக்டர் நூதன தண்டனை : விவசாயிகளுக்கு அடித்தது "லக்'

Re: லஞ்ச ஊழியருக்கு மதுரை கலெக்டர் நூதன தண்டனை : விவசாயிகளுக்கு அடித்தது "லக்'

Re: லஞ்ச ஊழியருக்கு மதுரை கலெக்டர் நூதன தண்டனை : விவசாயிகளுக்கு அடித்தது "லக்'

www.karurkaviyanban.blogspot.in

Re: லஞ்ச ஊழியருக்கு மதுரை கலெக்டர் நூதன தண்டனை : விவசாயிகளுக்கு அடித்தது "லக்'

Re: லஞ்ச ஊழியருக்கு மதுரை கலெக்டர் நூதன தண்டனை : விவசாயிகளுக்கு அடித்தது "லக்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக