காணாமற்போகாத நீ

Rangarajan Sundaravadivel · Rangarajan Sundaravadivel Sat Apr 13, 2013 8:17 pm

அன்றாடம் செவிப்புலனைக் கிழிக்கும் இரைச்சல்களால்
உன் குரல் மெல்லிய முணுமுணுப்புகளாய் மாறி
மறைந்து போகிறது.

அவ்வப்போது எழுதும் பைத்தியக்காரக் கவிதைகளினூடே
உன் நினைவுகள் நதியாய் வழிந்தோடி கரைந்து
மறைந்து போகிறது.

எஞ்சி நிற்கும் உன் அழகின் பிம்பங்கூட
எங்கெல்லாமோ காணும் அழகுப் பதுமைகளால்
களையிழந்து போகிறது.

எல்லாம் காணமற் போன பின்னும் இன்னும்
ஏதோ எஞ்சி நிற்கிறது.
அதையும் அழிக்க முயன்று மீண்டுமொருமுறை
நான் தோற்றுப் போகிறேன்.

யினியவன் · யினியவன் Sat Apr 13, 2013 8:25 pm

அழியாத அழிக்க இயலாத நினைவுகளுடன் வந்தது நன்று

ரங்கராஜன் நீங்கள் காணாமல் போகாதீர்கள் அடிக்கடி
மீண்டு வந்தமைக்கு வரவேற்புகள்

இந்த பதிவைத் துவங்கியவர் நன்றி கூறியுள்ளார் யினியவன்

kannammak62 · kannammak62 Sat Apr 13, 2013 8:35 pm

''அதையும் அழிக்க முயன்று மீண்டுமொருமுறை
நான் தோற்றுப் போகிறேன். .''
உண்மை

kannammak62 · kannammak62 Sun Apr 14, 2013 6:57 am

''எஞ்சி நிற்கும் உன் அழகின் பிம்பங்கூட
எங்கெல்லாமோ காணும் அழகுப் பதுமைகளால்
களையிழந்து போகிறது.''
களையிழந்த வாழ்விற்கு
காணும் நல்பதுமை ஒன்றைக்
கண்டெடுத்தால் தவறா?

Rangarajan Sundaravadivel · Rangarajan Sundaravadivel Sun Apr 14, 2013 7:39 am

kannammak62 wrote:''எஞ்சி நிற்கும் உன் அழகின் பிம்பங்கூட
எங்கெல்லாமோ காணும் அழகுப் பதுமைகளால்
களையிழந்து போகிறது.''
களையிழந்த வாழ்விற்கு
காணும் நல்பதுமை ஒன்றைக்
கண்டெடுத்தால் தவறா?

தோழரே, இது சரியா அல்லது தவறா என்று ஒழுக்க அடிப்படையில் பதிலளிக்க எனக்குத தெரியாது. ஆனால் இங்கு பிம்பம் என்பது நினைவுகள், அதாவது மனம் சம்பந்தப்பட்டது. ஆனால் பதுமைகள் என்கிற வார்த்தை வெளிப்புறத் தோற்றத்தை மட்டுமே அடிப்படையாகக் கொண்டது. மனதின் நினைவுகளுக்கும், புறத்தோற்ற அழகால் ஏற்படும் உணர்வுகளுக்கும் மறைந்து போய்க் கொண்டிருக்கும் காதலால் ஏற்படும் குழப்பத்தையே இவ்வரிகளில் என்னால் முடிந்த அளவு சித்தரிக்க முயன்றுள்ளேன்.

Sponsored content · Sponsored content

காணாமற்போகாத நீ

காணாமற்போகாத நீ

Re: காணாமற்போகாத நீ

Re: காணாமற்போகாத நீ

Re: காணாமற்போகாத நீ

Re: காணாமற்போகாத நீ

Re: காணாமற்போகாத நீ

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக