இப்போதெல்லாம் காதல் வருவதே இல்லை

by **ரா.ரா3275** Thu Apr 11, 2013 10:47 pm

First topic message reminder :

இப்போதெல்லாம்
காதல் வருவதே இல்லை
கனவுகளில் கூட

அழகுத் ததும்பி வழியும்
கண்கள் கொண்டாடும்
கவினுறுப் பெண்களைக் கண்டால் கூட
காதல் வருவதே இல்லை
இப்போதெல்லாம்

கழுத்து முறியத் திரும்பிப் பார்க்கும்
காமம் வழிவதே இல்லை
இப்போதெல்லாம்

பெண்ணுரசலோடு இறுக்கமாய் அமர்ந்தும்
கவிதைகளாய்க் கூட வழிவதில்லை காதல்
இப்போதெல்லாம்

"அப்படியெனில்...
மன நலப் பிரச்சினை
மருத்துவம் செய்துகொள் "
-இப்படியும் தோன்றும்
கிழட்டு நக்கல் கீற்றுச் சிரிப்பு

அட போங்கய்யா...

பார்வதியம்மாளின் பேரன்
பாலச்சந்திரன் தங்கம்
இன்று
திருமணமாகாதோருக்குக் கூட
பிள்ளைப் பாசத்தைப்
பிரித்துக்கொடுத்துவிட்டுப்
போன பின்னர்

விளங்காத காதல்
இருந்தாலென்ன?
செத்தாலென்ன?

விடியல் தீபம் ஏற்றும் நேரம் இது

எனவே

விளங்காத காதல்
இருந்தாலென்ன?
செத்தாலென்ன?

by **முனைவர் ம.ரமேஷ்** Fri Apr 12, 2013 6:59 pm

ரா.ரா3275 wrote:இப்போதெல்லாம்
காதல் வருவதே இல்லை
கனவுகளில் கூட

புரிதலின் உச்சம்... பாராட்டுகள்

by **ரா.ரா3275** Fri Apr 12, 2013 7:02 pm

யினியவன் wrote:
ரா.ரா3275 wrote:சோகம் தலை தூக்கிக் கிடக்கும்போது காதல் எப்படி வரும் என்ற அர்த்தத்தில் சொன்னது... குழப்பிவிட்டேனோ?...
பார்வதி அம்மாளின் பேரன் என்று ஏன் வந்தது?

இன்னும் குழப்பமா இருந்தா சொல்ல வேண்டாம் ராரா

பார்வதி அம்மா பேரன அவங்களோட பேரன்னுதானே சொல்ல முடியும்?...
இதுக்கு மேல புரியலேனா... அய்யோ, நான் இல்லை

by **ரா.ரா3275** Fri Apr 12, 2013 7:04 pm

Aathira wrote:நெஞ்சை நெகிழ வைத்த கவிதை ரா.ரா.
//திருமணமாகாதோருக்குக் கூட
பிள்ளைப் பாசத்தைப்
பிரித்துக்கொடுத்துவிட்டுப்
போன பின்னர்//
உண்மை. படித்தேன். படித்தேன். படிக்கப் படிக்க வடித்தன விழிகள் வெந்நீர்த் தாரையை.

அந்தக் குண்டு விழிகளும் கொழுகொழு உருவமும்....குண்டுகள் பாய்ந்து கிடப்பதும்
கண்களுக்குள் கட்டில் போட்டு மல்லாந்து கிடக்கிறது இன்னும்...

நன்றி உங்கள் பாராட்டுக்கு...