கண்டேன் இறைவனை !

பூர்ணகுரு · பூர்ணகுரு Tue Apr 09, 2013 7:31 pm

அவசரகாலை நேரத்தில்
பேரூந்து நிறுத்தத்தில்
அலுவலக பேருந்திற்கு
காத்திருந்த சமயத்தில்
கண்முன்னே ஓர் மூதாட்டி
தன் வயிற்றுப்பசிக் கொடுமை வாயிலாக
தானம் ஏந்தி என்னையும்
சுற்றி இருந்தோரையும் நோக்கி
"வயிறு பசிக்குது ஏதேனும் கொடுங்கள்" என வேண்ட
என் மனது வெறுமனே யோசித்துக் கொண்டிருக்க
என்னை போல் பலர் அசையாமலும்
ஓரிருவர் ஒன்றிரண்டு நாணயங்கள்
அளித்தும் விலகிக் கொள்ள
வாட்ட சாட்டமான அந்த இளைஞன்
தனியே நகர
நம்மை போல் தானோ அவனும்
என எண்ணிக்கொண்டிருக்கும் பொழுதில்
இரு பத்து ரூபாய் நோட்டுகளை
சிற்றுண்டிக் கடையில் கொடுத்து
அம்மூதாட்டிக்கு உணவளிக்குமாறுக் கூறி
எங்கோ சென்று மறைந்தான்
அவன் கொடுத்த ரூபாய் நோட்டில்
என்னைப் பார்த்து மிகக் கேவலமாய்
சிரித்தார் மகாத்மா
நன்கு நான்கு சாட்டையடிகள் மனதில்
வெறும் எண்ணங்கள் மட்டும்
நல்லுள்ளமல்ல சிறுதும் யோசியாமல்
செய்யும் செயலே நல்லெண்ணம்
என உரைக்காமல் உரி அடித்தது
அவன் செயல்
கண்டேன் இறைவனை அவனுருவில்
ஏறினேன் அலுவலகப் பேரூந்தில்
இனி நல்லது செய்ய யோசியாமல்
நம்மால் முடிந்ததை செயல்படுத்துவது
எனும் தீர்மானத்தில் ...!

**Muthumohamed** · **Muthumohamed** Tue Apr 09, 2013 7:46 pm

கண்டேன் இறைவனை அவனுருவில்
ஏறினேன் அலுவலகப் பேரூந்தில்
இனி நல்லது செய்ய யோசியாமல்
நம்மால் முடிந்ததை செயல்படுத்துவது
எனும் தீர்மானத்தில் ...!

நல்ல முடிவு நல்ல பதிவு

கண்டேன் இறைவனை !

கண்டேன் இறைவனை !

Re: கண்டேன் இறைவனை !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக