திருக்குறள் விளையாட்டு - 1

by **சாமி** Mon Apr 08, 2013 11:59 pm

இந்த திரியில் திருக்குறள் சார்ந்த கேள்விகள் கேட்கப்படும்.
கேள்விக்குண்டான பதிலையும் அந்தக் குறளையும் சொல்ல வேண்டும்.
உறவுகள் முயற்சிக்கலாம்!

1) யார் எல்லா சீவராசிகளாலும் வணங்கத்தக்கவன்?

2) செய்யவேண்டிய காரியத்தைப் பற்றிய அறிவு, யாவரும் மதிக்கத் தகுந்த கம்பீரமான உருவம், ஆராய்ச்சியுள்ள படிப்பு. இம்மூன்றும் யாருக்குத் தேவை?

3) செல்வத்தைப்பாதுகாப்பது போல் எதைக் கவனித்துக் கொள்ள வேண்டும்?

4) நான் படும் துன்பங்களை தாம் படாத காரணத்தால் அறிவில்லாதவர்கள் ஏளனமாகச் சிரிக்கிறார்கள். – அது என்ன துன்பம்?

5) குறையாத செல்வம் எது? (கல்விச் செல்வத்தைச் சொல்லவில்லை)

(தொடரும்)

by யினியவன் Tue Apr 09, 2013 12:34 am

நல்ல விளையாட்டு சாமி சூப்பருங்க

முதல் கேள்விக்கு விடை:

கொல்லான் புலாலை மறுத்தானைக் கைகூப்பி
எல்லா உயிரும் தொழும்

(திருக்குறளில் தேடித்தான் கண்டுபிடித்தேன்)

by **பிஜிராமன்** Tue Apr 09, 2013 7:12 am

அருமையான விளையாட்டு சாமி அவர்களே

இரண்டாவது கேள்விக்கு விடை

அம்மூன்று குணங்களும் வேற்று அரசனிடத்தில் தூதாய் செல்வோருக்கு வேண்டுவனவாம்.

அறிவுரு ஆராய்ந்த கல்வியிம் மூன்றின்
செறிவுடையான் செல்க வினைக்கு.

(திருக்குறளில் தேடித்தான் கண்டுபிடித்தேன்)

by **சாமி** Tue Apr 09, 2013 10:28 am

விடைகள் :
1) புலால் மறுப்பவன் – குறள் எண்-260
கொல்லான் புலாலை மறுத்தானைக் கைகூப்பி
எல்லா உயிரும் தொழும்
சரியான பதில் சொன்னவர்: இனியவன்.

2) தூதுவனுக்கு - குறள் எண் 684
அறிவுரு ஆராய்ந்த கல்வியும் மூன்றின்
செறிவுடையான் செல்க வினைக்கு.
சரியான பதில் சொன்னவர்: பி.ஜி.ராமன்.

பதில் சொன்ன இனியவன் பி ஜி ராமன் இருவருக்கும் வாழ்த்துக்கள்!

by **ராஜா** Tue Apr 09, 2013 11:01 am

நல்ல திரி தொடருங்கள் சாமி அவர்களே நன்றி

by பாலாஜி Tue Apr 09, 2013 1:38 pm

நல்ல திரி சாமி ....... சூப்பருங்க

by Anamika Tue Apr 09, 2013 2:07 pm

அருமையான விளையாட்டு தொடரவும்

நன்றி சாமி அவர்களே அருமையிருக்கு

by பத்மநாபன் Wed Apr 10, 2013 10:45 am

மீதி மூன்றுக்கும் நீங்களே பதில் சொல்லி விடுங்கள்!

by **சாமி** Thu Apr 11, 2013 10:52 am

யாரும் சொல்லாததால் 3வது கேள்விக்கு நானே சொல்லிவிடுகிறேன்.

3) செல்வத்தைப்பாதுகாப்பது போல் எதைக் கவனித்துக் கொள்ள வேண்டும்?
குற்றம் செய்யாமலிருப்பதை - குறள் எண்: 434

குற்றமே காக்க பொருளாகக் குற்றமே
அற்றந் தரூஉம் பகை

குற்றமே ஒருவனுக்கு அழிவை உண்டாக்கும் பகையாகும், ஆகையால் குற்றம் செய்யாமல் இருப்பதை செல்வத்தை பாதுகாப்பது போல், காத்துக் கொள்ள வேண்டும்.

by **சாமி** Tue Apr 30, 2013 10:10 pm

4) நான் படும் துன்பங்களை தாம் படாத காரணத்தால் அறிவில்லாதவர்கள் ஏளனமாகச் சிரிக்கிறார்கள். – அது என்ன துன்பம்?
காமம் மிகுந்து வெட்கம் விட்டு நடந்து கொள்வது – குறள் எண் 1140

யாங்கண்ணிற் காண நகுப வறிவில்லார்
யாம்பட்ட தாம்பட வாறு

விளக்கம்:
நான் படும் காமவேதனையைத் தாம் படாத காரணத்தால் என் துன்பங்களை அறியாமல் பலபேர் என் கண்ணுக்கு முன்னால் என்னைப் பார்த்து பரிகாசமாகச் சிரிக்கிறார்கள்.