மனங்களின் பரிமாற்றங்கள்...

by தாமு Wed Oct 21, 2009 10:01 am

காதலிக்கிறேனென என்
கரங்கள் தீண்டியதில்லை நீ...

பரிசுகள் பலதந்து எனை
அதிர்ச்சியில் ஆழ்த்தியதில்லை நீ...

ஆசை மொழிகள் பேசி எனக்கு
வெட்கம்தனை அறிமுகப்படுத்தியதில்லை நீ...

கண்ணுக்கு புலப்படா
நம்மிரு மனங்கள்
என்ன பரிமாறிக்கொண்டனவோ...

உன்னொருத்தனுக்காகவே என்னுள்
நாணம் பூக்கின்றது...

உன்னொருத்தனுக்காகவே பரிசுப்பொருட்கள்
பலதை சேமிக்கின்றேன்...

உன்னொருத்தனின் கைப்பற்றவே
வாழ்நாள் தோறும் காத்திருக்கின்றேன்...

நம் மனங்களின் பரிமாற்றங்கள்
உனக்கேனும் தெரிந்தால்
எனக்கு புலப்படுத்துவாயா?

by mdkhan Wed Oct 21, 2009 10:04 am

ஆஹா..... அற்ப்புதம்.......

கண்ணும் கண்ணும் கொள்ளை அடித்தால் காதல் என்று அர்த்தம்.....

கண்களால் மட்டுமே காதல் செய்யும் தெய்வீக காமம் இல்லா காதலை அழகாக கொடுத்த நண்பர் தாமுவுக்கு நன்றி....

ஐ லவ் யூ

by தாமு Wed Oct 21, 2009 10:14 am

என் உலகம் ...

மனங்களின் பரிமாற்றங்கள்... Muslim-wedding-hands

உன் கரத்தை பற்றினேன்
மூவுலகையும் சுற்றி வரவே
மாறாக
உனையே சுற்றி வருகிரேன்
நீயே என்னுலகமென்று..

நன்றி,
நாணல்

by தாமு Wed Oct 21, 2009 10:14 am

வெறுக்கவா - நேசிக்கவா

மனங்களின் பரிமாற்றங்கள்... Full_Moon-Baaraat_30th_June_07_003

உனக்காக உனை
வெறுக்கத்தான் முயல்கிறேன்,
விடிந்ததும் வெளிவரும் கதிரவனாய்
உன் நினைவு
என்னுள் விடியலாய் பிரகாசிக்குதே ..

எனக்காக உனை
நேசிக்கத்தான் முயல்கிறேன்,
இருள் நீக்கும் நிலவாய்
உன் தவிர்ப்பு
என்னுள் பிரகாசமாய் தவிக்குதே ..

உனக்காக உனை

வெறுக்கவா - இல்லை
எனக்காக உனை
நேசிக்கவா..

நன்றி,
நாணல்